محکمہ داخلہ خیبر پختونخوا کے مطابق صوبہ سے مجموعی طور پر 2 لاکھ 32 ہزار 562 غیر قانونی افراد وطن واپس لوٹ چکے ہیں۔
محکمہ داخلہ خیبر پختونخوا کی جانب سے جاری اعداد و شمار کے مطابق 21 نومبر تک طورخم کے راستے 2 لاکھ 28 ہزار 785 افراد،انگور اڈہ بارڈر سے 3 ہزار 358 جبکہ خرلاچی بارڈر سے 419 افراد سے واپس جا چکے ہیں۔
جاری معلومات کے مطابق اب تک 21 ہزار 2 خاندانوں میں 64 ہزار 572مرد،50 ہزار 720 خواتین اور 1 لاکھ 13 ہزار 492 بچے شامل ہیں جو افغانستان لوٹ چکے ہیں۔
گزشتہ روز627 خاندان جن میں 2 ہزار 290 افراد شامل تھے طورخم بارڈر کے راستے سرحد پار جا چکے ہیں ان میں آٹھ سو مرد،756 خواتین اور 1 ہزار 409 بچے شامل تھے۔
ان کے علاوہ 25 مزید غیر قانونی طور پر مقیم غیر ملکیوں کو جلاوطن کیا گیا۔