خیبرپختونخوا میں جنگلات کی کٹائی پر مکمل پابندی عائد

صوبائی وزیر موسمیاتی تبدیلی جنگلات ماحولیات و جنگلی حیات خیبرپختونخوا فضل حکیم خان یوسفزئی نے پورے صوبے میں جنگلات کے کٹائی پر مکمل پابندی عائد کردی ہے۔ پابندی عوام میں پائے جانے والے جنگلات کے بے دریغ کٹائی کے حوالے سے کیا گیا ہے۔ منظور اسکیموں کی نگرانی کے لئے مختلف ٹیمیں تشکیل دینے تک پابندی برقرار رہی گی۔ صوبائی وزیر جنگلات  نے پورے صوبے میں جنگلات کی کٹائی پر پابندی عائد کرتے ہوۓ کہا ہے کہ صوبے میں جاری پرائیویٹ ووڈ لاٹس رولز 2017 کے تحت جاری اسکیموں کے تحت جنگلات کی کٹائی پر پابندی عوام میں پائی جانے والی بے چینی اور سوشل میڈیا اور سول سوسائٹیز کی جانب سےاٹھائے جانے والے اعتراضات کی وجہ فیصلہ کیا گیا ہے کہ صوبہ بھر میں جنگلات کی کٹائی پر مکمل طور پر پابندی ہوگی۔ انہوں نے کہا کہ تمام کٹائی کی سرگرمیوں پر نظر رکھنے اور تمام عمل میں درستگی اور شفافیت کو یقینی بنانے کے لئے کمیٹیاں ترتیب دے دی گئی ہیں تاکہ وہ شفاف طریقے سے منظور شدہ ورکنگ پلانز اور دیگر اسکیموں کی کٹائی کی نگرانی اور بے ضابطگیوں کو روکا جاسکے۔ انہوں نے کہا کہ عوام کو سائنسی انداز میں جنگلات کی کٹائی کے مقاصد سے متعلق بروقت آگاہ کیا جائیگا۔ انہوں نے محکمہ جنگلات کے اعلیٰ حکام اوراہلکاروں کو ہدایت جاری کرتے ہوئے کہا کہ وہ اس کام کی شفاف طریقے سے خود نگرانی کریں اور اس عمل کو یقینی بنانے کیلئے تمام تر صلاحیتیں بروئے کار لائیں۔