محکمہ داخلہ نے محرم الحرام کے لئے سیکورٹی انتظامات شروع کردیئے

محکمہ داخلہ نے محرم الحرام کے لئے سیکورٹی انتظامات شروع کردیئے۔ محکمہ داخلہ نے ایکسائز ،سول ڈیفنس اور فارسٹ سے بھی سیکورٹی ڈیوٹی کےلئے اہلکار مانگ لئے۔ ایکسائز اور سول ڈیفنس کے 500،محکمہ جنگلات کے 300اور مختلف محکمو ںکے 480خواتین بھی شامل ہے۔ محرم الحرام میں پولیس کے ساتھ پاک آرمی اور ایف سی کے اہلکار بھی سیکورٹی ڈیوٹی سر انجام دینگے۔ صوبے کے گیارہ اضلاع میں پاک آرمی کے 10گشتی ٹیمیں ،3یونٹ اور 27کیو آر ایف ٹیمیں تعینات ہونگی۔ پولیس کی مدد کےلئے فرنیٹر کارپس کے 700اہلکارو ں پر مشتمل 3ونگ سیکورٹی کے فرائض سر انجام دینگے۔ پولیس کے ساتھ پاک فوج اور ایف سی کے دستے 8اضلاع میں تعینات ہونگے۔ سول ڈیفنس ،ایکسائز اور فارسٹ کارڈز پشاور میں جبکہ لیڈی سرچر 9اضلاع میں خدمات سرانجام دینگے۔