محکمہ داخلہ خیبر پختونخوا کی جانب سے فیصلہ کیا گیا ہے کہ 58 ہزار مشکوک شناختی کارڈز بلاک کئے جائیں گے۔ یہ فیصلہ گذشتہ روز پشاور میں ایک کمیٹی کے اجلاس کے دوران کیا۔ الیکٹرانک میڈیا کی جانب سے جاری رپورٹس کے مطابق محکمہ داخلہ نے جعلی شناختی کارڈز اور جعلی پی او آر یا افغان کارڈ بلاک کرنے کےلئے خط نادرا کو ارسال کیا ہے۔ جس کے بعد نادرا نے جعلی پی او آر کارڈ، افغان کارڈ اور جعلی پاکستانی شناختی کارڈز بلاک کردیے۔ محکمہ داخلہ کے ایک دستاویز کے مطابق پشاور میں 9 ہزار 720 غیرقانونی مقیم افراد کی میپنگ کا عمل بھی مکمل کرلیا گیا۔ متعلقہ قانون نافذ کرنے والے اداروں کو ڈسٹرکٹ لائیژن کیمٹی کا اجلاس بلانے کی ہدایت کی گئی ہے۔ دستاویز کے مطابق بلاک کارڈز کی تفصیلات کے حوالے تمام ڈپٹی کمنشرز کو پانچ دن کی آخری ڈیڈلائن دی گئی ہے۔
خیبر پختونحوا, 58 ہزار مشکوک شناختی کارڈز بلاک کرنے کافیصلہ
