پشا ور: عالمی یوم انسداد منشیات آگاہی واک کا اہتمام

عالمی یوم انسداد منشیات کے مناسبت سے ایکسائز اینڈ ٹیکسیشن اور جرنلسٹس کے مابین کرکٹ مقابلوں کا انعقاد کیا گیا۔ جس کا مقصد یوتھ کو منشیات جیسے لعنت کے بارے میں آگاہی اور ان کو مثبت سرگرمیوں کی جانب راغب کرنا تھا۔کرکٹ کے مقابلوں میں جرنلسٹس ایلون نے برتری حاصل کرلی۔جبکہ میچ کے بعد دونوں ٹیموں نے منشیات کے حوالے سے آگاہی واک بھی کیا۔ ایکسائز ٹیم کی قیادت ای ٹی آو  کاؤنٹر نارکوٹکس آپریشن ڈاکٹر ماجد خان کر رہے تھے جبکہ ان کے ہمراہ اعجاز خان، محمد اکرام اور حمید اللہ سمیت ایکسائز ڈیپارٹمنٹ کے دیگر  شخصیات ٹیم کا حصہ تھے جبکہ جرنلسٹس ٹیم کی قیادت جنرل سیکرٹری پشاور پریس کلب عرفان موسیٰ زئی کر رہے تھے۔ گزشتہ روز شیر خان سٹیڈیم میں ایکسائز، اینڈ ٹیکسیشن خیبرپختونخوا اور صحافیوں کے مابین کرکٹ کے دو میچز کھیلے گئے پہلا میچ انتہائی دلچسپ رہا اور آخری بال تک مقابلا پہنچتے ہوئے میچ برابر ہوا۔جرنلسٹس کی ٹیم نے ٹاس جیت کر پہلے بیٹنگ کرتے ہوئے مقررہ اوورز میں 4 کھلاڑیوں کے نقصان ہے 117 رنز بنائے جس میں شاہ فیصل 53 رنز کیساتھ نمایاں رہے،تاہم جواب میں ایکسائز کی ٹیم نے جارحانہ انداز اپناتے ہوئے مقررہ اوورز میں 117 رنز بنائے جس میں ماجد خان کی 75 رنز کی شاندار اننگز شامل تھی اسی طرح  ایکسائز اینڈ ٹیکسیشن نے دوسرے میچ میں مقررہ اوورز میں 63 رنز بنائے جس کے جواب میں جرنلسٹس کی ٹیم نے حدف بغیر کیسی وکٹ کے نقصان ہے پوار کیا جس میں وقار احمد کی 40  اور شاہ فیصل کی 25 رنز کی شاندار اننگز شامل تھی اور یوں جرنلسٹس ایلون ایونٹ کی فاتح ٹیم کرارپائی۔