عالمی ادارہ صحت نے ڈینگی وبا کے کنٹرول کیلئے محکمہ صحت کا ساتھ دینے کا اعلان کردیا
ڈائریکٹر ویکٹر بارن ڈیزیز خیبرپختونخوا کی عالمی ادارہ صحت کے نمائندہ برائے پاکستان ڈاکٹر لو دیپنگ سے ملاقات کی گئی۔ ملاقات کے دوران پختونخوا میں ڈینگی کی بگڑتی صورتحال پر تبادہ خیال ہوا۔ عالمی ادارہ صحت محکمہ صحت خیبرپختونخوا کو ڈینگی کے سدباب میں ہر ممکن مدد فراہم کرے گا۔ عالمی ادارہ صحت انٹی گریٹڈ ڈیزیز سرویلنس میں ڈینگی مانیٹرنگ کیلئے ڈیش بورڈ قائم کرے گا۔ عالمی ادارہ صحت ڈاکٹرز سمیت دیگر طبی عملے کو ڈینگی کے ایمرجنسی کیس مینجمنٹ پر ہنگامی بنیادوں پر تربیت فراہم کرے گا۔
ڈینگی کیس مینجمنٹ کیلئے تکنیکی معاونت فراہم کی جائیگی۔ پشاور کے ہائی رسک پانچ یونین کونسلز میں ڈینگی لاروا تلفی میں عالمی ادارہ صحت معاونت فراہم کرے گا۔ عالمی ادارہ صحت ڈینگی شاک سینڈروم مریضوں کیلئے سرکاری ہسپتاوں میں ہائی ڈیپنڈنسی یونٹس قائم کرے گا۔