خیبرپختونخوانڈر23 گیمز، خواتین مقابلوں میں پشاور ریجن کی برتری

 خیبرپختونخوا انڈر 23 گیمز میں خواتین کے مقابلے چارسدہ اور پشاور میں جاری ۔بورڈ آف انٹر میڈیٹ اینڈ سیکنڈری ایجوکیشن پشاور کے گراؤنڈ پر کھیلے گئے اتھلیٹکس کے جیولن تھرو میں ہزارہ ریجن اور شاٹ پٹ میں مردان ریجن نے گولڈ میڈل حاصل کیا ۔ جوڈوو میں ہزارہ نے دو گولڈ میڈل،پشاور اور کوہاٹ نے ایک ایک گولڈ میڈل جیتا ۔ کرکٹ کے مقابلوں میں پشاور اور کوہاٹ کی ٹیموں نے میچز جیت لئے۔بیڈمینٹن میں ہزارہ، بنوں،  مردان اور پشاور نے اپنے اپنے میچ جیتے ۔ٹیبل ٹینس کے ایونٹ میں پشاور ،    ہزارہ اور بنوں نے برتری حاصل کرلی ۔ ہاکی میں بھی ہزارہ ریجن،پشاور اور مردان نے اگلے راؤنڈ کیلئے  کوالیفائی کرلیا۔