مہمند: رح اللہ سپورٹس سٹیڈیم غلنئی میں سپورٹس گالہ کا انعقاد

ضلعی انتظامیہ اور مہمند رائفلز کے مشترکہ کاوشوں سے رح للہ سپورٹس سٹیڈیم غلنئی میں سپورٹس گالہ کا انعقاد کیا گیا۔ تفصیلات کے مطابق  ضلعی انتظامیہ مہمند و مہمند رائفلز کی مشترکہ کاوشوں سے ضلع مہمند رح آللہ سپورٹس سٹیڈیم غلنئی میں نوجوانوں میں جسمانی، ذہنی تندرستی اور کھیلوں کی سرگرمیوں کے فروغ کے سلسلے میں سپورٹس گالا کا انعقاد کیا گیا۔ جس میں ضلع مہمند کی محتلف ٹیموں نے شرکت کی۔ مہمند سپورٹس گالا کے دوران ٹیم ورک اور سپورٹس مین شپ کو فروغ دینے کیلئےدلکش ایونٹس کا انعقاد کیا گیا۔ جس میں کرکٹ، رسہ کشی، ولی بال اور فٹبال کے مقابلے شامل تھے۔

سپورٹس گالا میں ڈسٹرکٹ پولیس آفیسر مہمند سجاد خان، ڈپٹی کمشنر مہمند محمد یاسر حسن، کمانڈنٹ مہمند رائفلز عاصم، ڈی ایس پی ہیڈ کوارٹر لیاقت علی نے حصوصی شرکت کی۔ سپورٹس گالا کے اختتام پر ڈسٹرکٹ پولیس آفیسر مہمند سجاد خان نے اچھی کارکردگی دکھانے والے کھلاڑیوں میں انعامات تقسیم کئے۔ کھیلوں کے دوران سیکیورٹی کے لئے پولیس اہلکاروں، ٹریفک اسٹاف، ڈی ایس بی اور بم ڈسپوزل یونٹ کے جوانوں کو تعینات کیا گیا تھا۔ جبکہ گردونواح کی فضائی نگرانی ڈرون کیمروں کے ذریعے کی جاتی رہی۔