ضلع خیبر میں ہنڈریڈ لیگ کرکٹ ٹورنامنٹ اختتام پذیر

جمرود سپورٹس کمپلیکس میں منعقدہ اس اہم ٹورنامنٹ کی اختتامی تقریب میں تقریب کے مہمان خصوصی وزیراعلیٰ خیبر پختونخوا کے مشیر برائے کھیل و آمور نوجوانان سید فخر جہان، معاون خصوصی برائے مواصلات و تعمیرات سہیل افریدی،ڈیڈک چئیر مین و ایم پی اے عبد الغنی افریدی،ایم این اے اقبال آفریدی کے علاؤہ ڈپٹی کمشنر خیبر کیپٹن (ریٹائرڈ) ثنااللہ، ڈائریکٹر کھیل ضم اضلاع رضیع اللہ بیٹنی، ڈسٹرکٹ سپورٹس آفیسر خیبر راہد گل ملاگوری،لیگ کے برینڈ ایمبیسیڈر کبیر آفریدی کے علاؤہ علاقے کے عمائدین ومشران سمیت شائقین موقع پر موجود تھے۔ ہنڈریڈ لیگ 2024 کرکٹ ٹورنامنٹ کے اس اہم ایونٹ کے اختتام پر مشیر کھیل نے ونر ٹیم اور رنر آپ ٹیم کو کیش انعام اور ٹرافیز دیں۔۔اس موقع پر مشیر کھیل نے کہا کہ خیبر کے علاقے میں بے پنا قدرتی ٹیلینٹ موجود ہے جس کو نکھارنے کیلئے یہاں پر سپورٹس سہولیات کی ضرورت ہے ۔انہوں نے کہا کہ ضم اضلاع میں کھیلوں کی ترقی اور ترویج پر توجہ دی جارہی ہے اور جہاں پر سپورٹس سہولیات کی ضرورت ہوگی وہاں پر حکومت درکار سہولیات کو فراہم کرنے کی کوشش کرے گی۔انہوں نے کہا کہ ہر ضلعے کی سطح پر ہر کھیل کےکھلاڑیوں کو سپورٹ کر رہے ہیں تاکہ صوبے میں موجود ٹیلنٹ کو سامنے لایا جائے۔مشیر کھیل نے مزید کہا کہ پارٹی چیرمین عمران خود ایک کھلاڑی ہے اور انکا ویژن ہے کہ معاشرے میں کھیلوں کو فروغ دیا جاسکے۔انھوں نے کہا کہ صوبے میں کھیلوں کے سہولیات کو ہر ضلع میں فراہمی کیلئے کوششیں کررہے ہیں۔