باچا خا ن یو نیو رسٹی چارسدہ نے ایم اے پرائیویٹ امتحانات کے نتائج کا اعلان کردیا
پشاور: باچا خا ن یو نیو رسٹی چارسدہ نے ایم اے پرائیویٹ امتحانات کے نتائج کا اعلان کردیا ہے۔ وائس چانسلر میریٹوریس پروفیسر ڈاکٹر بشیر احمد نے نتا ئج پر دستخط کئے۔
ان امتحانات میں کل5577سے زائد پرائیویٹ طلباء و طالبات نے حصہ لیا جن میں سے 3110 طلبہ پاس ہوئے اور اس طرح نتیجہ کی شرح 55.76 فیصد رہی۔
وائس چانسلر پروفیسرڈاکٹر بشیر احمد نے اس موقع پر کہا کہ شعبہ امتحانات کے تمام عملہ نے انتھک محنت کرکے مختصر ترین وقت میں نتائج مرتب کئے جس پر انہوں نے شعبہ امتحانات کے تمام عملے کا شکریہ ادا کیا اور شاباش دی۔کنٹرولر امتحانات ڈاکٹر سید ارشد علی شاہ کے مطابق تمام امیدواران اپنی ڈی ایم سیزعید کے بعد باچا خا ن یونیورسٹی کے مین گیٹ پر ہیلپ ڈیسک سے وصول کرسکتے ہیں۔ ڈی ایم سی کی وصولی کے لئے رول نمبرسلپ، اصلی شنا ختی کارڈاور اسکی ایک کاپی لانا لازمی ہے۔ڈاکٹر ارشد علی شاہ نے کہا کہ طلبا ء و طالبات اپنے نتا ئج یونیورسٹی کی ویب سائٹ www.bkuc.edu.pk پرآن لائن بھی دیکھ سکتے ہیں۔
طورخم :پہاڑی تودہ گرنے سے کئی کنٹینر پھنس گئے، سول انتظامیہ, پاک فوج امدادی کاروائیوں میں مصروف
خیبر: طورخم بارڈر کے قریب پہاڑی تودہ نیچے آگرا، تودہ گرنے کے باعث بھاری گاڑیاں پھنس گئیں
صبح 2:30 بجےطورخم بارڈر،ضلع خیبر پرلینڈ سلائیڈنگ ہوئی۔ جس کے نتیجے میں تقریباً 15 سے20 کارگو گاڑیاں لینڈ سلائیڈنگ کے نیچے دب گئیں۔پاکستان آرمی، ریسکیو 1122 اور ضلعی انتظامیہ ریسکیو آپریشن میں مصروف ہیں۔
مشکل کی اس گھڑی میں پاک فوج عوامی خدمت میں پیش پیش۔ طُورخم ، خیبر پختونخواہ میں شدید طوفانی بارشوں اور آسمانی بجلی کے باعث آنے والی لینڈ سلائیڈکی اطلاع ملتے ہی آرمی کی ریسکیو ٹیمیں متحرک ہو گئیں۔
آرمی انجینئرز کے متعدد ڈمپرز، ڈوزر اور دیگر آلات و مشینری متاثرہ علاقے میں پہنچ گئے۔ اس کے علاوہ پاک آرمی کی اربن سرچ اینڈ ریسکیو ٹیموں نے اپنے مخصوص سرچ کیمروں، ریسکیو ریڈار، کٹرز، اور لائف لوکیٹرز سے امدادی سرگرمیوں کا آغاز کر دیا۔
اب تک کنٹینرز ملبے تلے دب گئے 1شخص کی لاش کو مقامی افراد اور ریسکیو 1122 ٹیم نے 9 گھنٹے بعد نکال لیا جبکہ 8 زخیموں کو بھی ہسپتال منتقل کردیا گیا ہے۔ریسکیو 1122 ایمبولینس نے جاں بحق شخص کی میت لنڈی کوتل ڈسٹرکٹ ہیڈ کوارٹر ہسپتال منتقل کر دی جہاں پر لواحقین کو حوالے کر دی جائے گی۔
خیبر، پشاور، نوشہرہ، چارسدہ اور مردان کی ریسکیو ٹیمیں سرچ آپریشن میں حصہ لے رہی ہیں۔ ریسکیو 1122 کی 12 ایمبولینسز، 4 فائر وہیکلز، 3 ریکوری وہیکلز اور 3 ہیوی ایکسویٹر حصہ لے رہے ہیں۔