Daily Archives: June 27, 2022

ملک بھر کی طرح ضلع شمالی وزیرستان میں انسداد پولیو مہم کے پہلے دن سیکیورٹی کے سخت انتظامات کیئے گئے ۔ ڈپٹی کمشنر شاہد علی خان اور ضلعی پولیس سربراہ فرحان خان نے موجودہ حالات کے تناظر میں انسداد پولیو ٹیموں اور ان کیساتھ تعینات سیکیورٹی جوانان کو الرٹ رہنے کی ہدایت کی۔

انسداد پولیو مہم کے دوران جگہ جگہ ناکہ بندیاں اور سنیپ چیکنگ جبکہ ضلع کی داخلی و خارجی راستوں پر چیکنگ کو مزید موثر بنایا گیا ہے مہم کے دوران سیکیورٹی الرٹ کر دی گئی ہے ۔ ضلع کے سرکلز میں ٹیموں کی سیکیورٹی کی براہ راست نگرانی اسسٹنٹ کمشنرز ، ایس ڈی پی آوز خود کر رہے ہیں جبکہ آوور آل کمپین / سیکورٹی کی نگرانی ڈپٹی کمشنر شاہد علی خان اور ضلعی پولیس سربراہ کر رہے ہیں ۔
ضلع بھر میں سیکیورٹی ہائی الرٹ کر کے پولیو ٹیموں کی نگرانی مزید سخت کر دی گئی ہے ۔ ڈپٹی کمشنر شاہد علی خان نے بچوں کے والدین سے اپیل کی ہے کہ وہ انسداد پولیو ٹیموں کے ارکان سے بھر پور تعاون کریں اور اپنے بچوں کو پولیو کے قطرے پلائیں اور ملک وقوم کا مستقبل محفوظ بنائیں۔

محکمہ زراعت باجوڑ کےتحصیل خار آفیسر سبحان الدین اور زرعی تحقیقاتی ادارے پشاور سے ریسرچ آفیسر عزیز اللہ خان کی کسانوں کو زیتون کی قلم کاری ، باغات لگانے ، زیتون کی دیکھ بھال مختلف بیماریوں سے روک تھام، تیل نکالنے، اچار بنانے،  مارکیٹنگ، مختلف اقسام اور زمینداروں کی پیداواری صلاحیت میں اضافہ اور مختلف ٹیکنالوجیز کے استعمال پر تفصیلی ٹریننگ ۔
ضلع باجوڑ میں زیتون کی اہمیت، باغات لگانے کی ترتیب و فوائد، مارکیٹنگ اور زمینداروں کیلئے زیتون میں پیداواری ٹیکنالوجی کے استعمال ، وسائل، پودوں کو بیماریوں سے بچانے کیلئے مختلف تدابیر اور مارکیٹنگ میں ترقی ناگزیر ہیں ۔

زراعت آفیسر سبحان الدین نے پروجیکٹ کی سرگرمیوں پر روشنی ڈالتے ہوئے بتایا کہ باجوڑ کی آب و ہوا زیتون کے باغات کے لئے کافی موزوں ہے. جہاں ملک کے دیگر علاقوں کی نسبت زیتون کی پیداوار کافی زیادہ ہے جس میں اس طرح کی تربیت سے مزید بہتری لائی جا سکتی ہے. باجوڑ میں زیتون کی پیداوار کو اعلیٰ ٹیکنالوجی اور ٹریننگ کے ذریعے بڑھایا جا سکتا ہے اور ٹریننگ سے مختلف علاقوں میں زیتون کے کاشتکاروں کی استعداد کار میں اضافہ کیا جاسکتا ہے.

ٹریننگ کےاختتام پر ریسرچ آفیسر عزیز اللہ خان نے زیتون کی پیداوار بڑھانے، باغات لگانے، قلم کاری کرنے، بیماریوں سے محفوظ رکھنے, اور مارکیٹنگ کے بارے میں تفصیلی لیکچرز دئیے تاکہ باجوڑ کے زمیندار اس قابل ہو جائیں کہ وہ زیادہ سے زیادہ زیتون کے باغات اگائیں اور اس سے اپنی پیداواری صلاحیت کو بڑھائیں۔

اس سیشن کے دوران زیتون کی کاشت، اہمیت، جنگلی زیتون میں پیوندکاری، باغات کے دیکھ بھال اور پیداوار، بیماریوں سے حفاظت، اور مارکیٹنگ کے بارے میں باجوڑ کے زمینداروں کو بھی آگاہ کیا اور بتایا کہ پاکستان میں زیتون کے تیل کا استعمال روز بروز بڑھتا جارہا ہے اور ہمارے ملک میں زیتون کی پیداوار دوسرے ممالک کی بنسبت بہت کم ہے اور باجوڑ کے زمینداروں کو پیداوار کو بڑھانے کے لئے ایڈوانس پروڈکشن ٹیکنالوجی سے فائدے اٹھانے کی اشد ضرورت ہے۔

 پشاور سمیت صوبے کے 25 اضلاع میں پانچ روزہ انسداد پولیو مہم کا اغاز ہو گیا ہے۔محکمہ صحت کت مطابق پانچ روزہ مہم کے دوران 25لاکھ سے زائد بچو ں کو پولیو سے بچاو کے قطرے پلائے جائیں گے ۔

پشاور میں اٹھ لاکھ سے زائد بچوں کو پولیو سے بچاو کے قطرے پلانے کا ہدف مقرر  کیا گیا ہے اور اس مقصد کے لیئے محکمہ صحت نے  پانچ روزہ مہم کے لیے 11 ہزار ٹیمیں تشکیل دی گئی ہیں۔ پولیو مہم کی سیکورٹی کے لیے 14ہزار پولیس اہلکار تعینات کیے گئے ہیں

یاد رہے کہ  رواں سال شمالی وزیرستان میں پولیو کے دس کیسز رپورٹ ہوئے ہیں۔ محکمہ صحت کے حکام کے مطابق  شمالی وزیرستان میں پولیو کیسز سامنے آنے کی بڑی وجہ انکاری والدین ہیں ۔