وزیراعظم شہباز شریف کی لکی مروت میں پولیس وین پر دہشت گردوں کے حملے کی شدید مذمت۔
وزیر اعظم نے اپنے پیغام میں کہا ہے مادر وطن پر جان قربان کرنے والے بیٹوں کو قوم سلام پیش کرتی ہے۔ شہدا کے اہل خانہ سے ہمدردی کا اظہار کرتے ہیں۔ اللہ تعالیٰ شہداء کے درجات بلند فرمائے اور لواحقین کو صبر جمیل دے۔
دہشت گرد پاکستان کے دشمن ہیں، پورا پاکستان دہشت گردی کے خلاف سیسہ پلائی دیوار ثابت ہوگا۔ پولیس نے دہشت گردی کے خلاف ہراول دستے کا قابل فخر کردار ادا کیا ہے۔ انہوں نے کہا کہ خیبرپختونخوا حکومت شہداء کو اعزازات اور شہدا پیکج دے۔
وفاقی وزیرداخلہ رانا ثناءاللہ نے بھی لکی مروت میں پولیس وین پر دہشت گردوں کے حملے کی شدید مذمت اورواقعے پرتشویش کااظہار کیا ہے۔ انہوں نے چیف سیکرٹری اورائی جی خیبر پختونخواہ سے واقعے کی رپورٹ طلب کی ہے۔ اپنے پیغام میں اپولیس اہلکاروں کی شہادت کے واقعے پر گہرے دکھ اور افسوس کااظہار کیا اور شہدا کے اہل خانہ سے تعزیت کی۔
