Daily Archives: January 9, 2023

پاکستان کی پہلی ڈیجیٹل خانہ و مردم شماری کی تیاریاں آخری مراحل میں داخل ہوگئیں۔شمار کنندگان اور سپر وائزرز کے تربیتی سیشن کا آغاز کردیا گیا۔اے سی ٹوپی عدنان ممتاز خٹک نے تربیتی سیشن میں ٹیبلٹ تقسیم کیے..

اے سی ٹوپی عدنان ممتاز خٹک اور ریاض رحیم اے ڈی خانہ و مردم شماری ضلع صوابی نے خطاب کرتے ہوئے کہا کہ پاکستان کی ساتویں خانہ و مردم شماری کی تیاریاں جاری ہیں اور اس مرتبہ پہلی بار کاغذ کی بجائے ٹیبلیٹ کے ذریعے ڈیجیٹل آن لائن ریکارڈ مرتب ہوگا۔ صوابی بھر میں شمار کندگان کی تربیت تین فیز میں 21 جنوری تک جاری رہے گی جس کےلئے صوابی میں 09 تربیتی سنٹرز فعال کرادئیے گئے ہیں۔

فروری سے مارچ تک خانہ و مردم شماری کی جائے گی۔ٹیمیں گھر گھر جاکر آن لائن ریکارڈ مرتب کریں گی۔نادرا،شماریات اور دیگر محکمے معاونت کریں گے۔اے سی ٹوپی نے کہا کہ خانہ و مردم شماری انتہائی اہم قومی ذمہ داری ہے۔پاکستان بیورو آف شماریات کے کوآرڈینیٹر ریاض رحیم کی بریفننگ دی۔پرنیسل سید عرب خان ،نادرا کے ریحان اور دیگر موجود تھے۔

سیاحتی مرکز میکئے کے مقام پر ڈپٹی کمشنر کرم جناب واصل خان خٹک کی سربراہی میں سپین غر کلچرل اینڈ سنو فیسٹیول 2023 کے نام سے ایک شاندارپروگرام کا انعقاد ہوا۔ جس میں ڈسٹرکٹ پولیس آفیسر کرم جناب عبدالصمد، کمانڈنٹ آفیسر 72 بلوچ جناب خالد محمود جملہ ایڈیشنل ڈپٹی کمشنرز، جملہ اسسٹنٹ کمشنرز اور اپر لوئرو سنٹرل کرم سے ممتاز قبائلی مشران بھی شریک ہوئے۔ اس موقع پر رنگا رنگ پروگرام ترتیب دئیے گئے۔ اور اد بی مشاعرہ کے علاوہ ثقافتی اور قبائلی اٹن/غرہ کے بھی مقابلے کرائے گئے۔ جس سے پروگرام میں موجود لوگ خوب لطف اندوز ہوئے۔

فیسٹیول میں مختلف سکول اور کالجز سے آئے ہوئے طلباء نے پینٹنگ کے ذریعے فیسٹیول میں شرکت کی۔ اچھی کارکردگی پر ڈپٹی کمشنر کرم جناب واصل خان خٹک نے کیش ایوارڈ اور شیلڈ سے بھی نوازا۔ اور معزز مہمانوں کی گرم گرم چائے، سوپ اور کھانے کے ذریعے تواضع کی گئی۔
پروگرام کے موقع پر سیاحتی مرکز میکئے جو سپین غر کے دامن میں واقع ہے کے مقام پر برفباری بھی شروع ہوگئی جس کی وجہ سے شائقین کی خوشیاں دوبالا ہوگئی۔ اس دوران ڈپٹی کمشنر کرم و دیگر مقررین نے خصوصی خطابات بھی کئے۔ انہوں نے اپنے اپنے خطاب میں کہا کہ سپین غر کلچرل اینڈ سنو فیسٹول کا مقصد پورے دنیا کو یہ پیغام دینا ہے۔ کہ ضلع کرم امن کا گہوارہ ہے اور یہاں رہنے والے تمام قبائل آپس میں بھائی بھائی ہیں۔ انہوں نے اپنے خطاب میں مزید کہا کہ آئندہ کیلیے بھی ضلع کرم کے مرکزی سیاحتی مقامات پر اس طرح کے پروگرامات ترتیب دئیے جائیں گے۔اور ضلع کرم کے سیاحت کو فروغ دینگے۔
ڈپٹی کمشنر کرم نے فیسٹول میں شرکت کرنے والے ضلع کرم کے دور دراز علاقوں سے آنے والے لوگوں کا شکریہ ادا کیا اور ساتھ ہی ڈسٹرکٹ پولیس آفیسر کی جانب سے کئے گئے سیکیورٹی انتظامات کو بھی سراہا۔
پروگرام میں شامل دور دراز مقامات سے آنے والے مہمانوں نے بہترین انداز میں پروگرام کا انعقاد کرنے پر صوبائی حکومت خیبرپختواہ، چیف سیکرٹری خیبرپختونخواہ ،ڈپٹی کمشنر کرم اور پاک آرمی کو خصو صی طور پر خراج تحسین پیش کر تے ہیں۔

چترال شہر اور مضافات میں بارش اور بالائی مقامات پر برفباری گذشتہ شام سے جاری ہے ۔

لوئر چترال میں لواری ٹنل روڈ ، گولین ،بگوشٹ ، گبور، کالاش ویلیز و مڈکلشٹ میں برفباری ہوئی ۔ جبکہ بالائی چترال کے مقامات تریچ ، کھوت ،ریچ ، یارخون وادی کے بانگ،پترانگاز،دربند، بروغل میں بھی برفباری ہوئی ہے۔ بارش اور برفباری سے چترال میں سردی میں اضافہ ہوا ہے ۔ برفباری سے لواری ٹنل روڈ پر آمدورفت میں مشکلات کا سامنا ہے ۔ چترال پولیس لوئر نے لوگوں کو لواری ٹنل کے راستے غیر ضروری سفر سے گریز کرنے کی ہدایت کی ہے ۔ درین اثناء بارش اور برفباری سے جلانے کی لکڑی کی قیمت میں اضافہ ہوا ہے ۔

بنوں :بنوں میں سرکاری ریٹ پر آٹے کی عدم دستیابی کے خلاف خواتین نے مظاہر کیا۔

خواتین نے کوہاٹ چونگی روڈ پر دھرنا دیا۔  خواتین اور دیگر شہریوں کا کہنا تھا کہ سرکاری اٹے کا حصول شہریوں کے لیے وبال جان بن گیا ہے۔ گھنٹوں انتظار کے بعد بھی ان کو آٹا دستیاب نہیں ہے۔

انہوں نے بنوں کوہاٹ روڈ پر دھرنا دیکر روڈ کو ٹریفک کیلئے بند کر دیا  جس کی وجہ  بنوں کوہاٹ روڈ پر گاڑیوں کی لمبی قطاریں لگ گئیں۔

مقامی افراد کا کہنا ہے کہ تین دیہات کیلئے روزانہ کی بنیاد پر صرف تیس تھیلے آٹے آتا ہے۔

 اس موقع پر خواتین نے کہا کہ وہ کئی کئی روز تک ایک تھیلے کے لئے آتی ہیں اور خالی ہاتھ واپس لوٹ جاتی ہیں جس سے تنگ آ کر انہوں نے احتجاج کیا۔

بنوں:- دہشت گردوں کے خلاف بنوں پولیس کی کامیاب کاروائی ۔۔

بنوں: گزشتہ روز تھانہ ٹاؤن شپ کے حدود میں دہشت گردوں نے ایک پولیس اہلکار پشم خان کو شہید اور دوسرے اہلکار شاہ ولی خان کو زخمی کرکے فرار ہوئے تھے۔ جن کو گرفتار کرنے کے لئے ڈسٹرکٹ پولیس آفیسر بنوں ڈاکٹر محمد اقبال کی خصوصی ہدایت پر فوری کاروائی کرتے ہوئے پولیس کی چھاپہ مار ٹیمیں تشکیل دی گئیں۔

کل رات پولیس کی خصوصی ٹیموں نے خفیہ اطلاع پر ماسٹر کورونہ لنڈی جالندھر نزد انڈس ہائی وے دہشت گردوں کے خفیہ ٹھکانے پر چھاپہ لگایا۔ دہشت گردوں نے پولیس اہلکاروں کو دیکھتے ہی ان پر فائرنگ شروع کردی۔ پولیس اہلکاروں نے بھی دہشت گردوں پر حق خفاظتی خود اختیاری اور دہشتگردوں کے فرار کو روکنے کیلئے جوابی فائرنگ شروع کی۔  کافی دیر تک فائرنگ کا تبادلہ جاری رہا۔ جب فائرنگ کا سلسلہ رکا۔تو دوران سرچ دو دہشت گرد ہلاک پائے گئے۔

دونوں دہشت گرد گزشتہ روز بنوں پولیس کے اہلکار پشم خان کو شہید کرنے اور کانسٹیبل شاہ ولی خان کو زخمی کرنے کے مقدمے میں بنوں پولیس کو مطلوب تھے۔ دونوں دہشت گردوں کے قبضے سے اسلحہ و گولی بارود بھی برآمد ۔ واضح رہے کہ ہلاک شرپسند دیگر دہشت گردی کے مقدمات میں بھی مطلوب تھے۔