Daily Archives: November 24, 2023

کمشنرپزارہ انٹر ڈسٹرکٹ ہزارہ ریجن ایتھلیٹکس چمپئن شپ27 نومبر سے ایبٹ آباد میں شروع ہوگی مہمان خصوصی کمشنر ہزارہ سید ظہیر الاسلام ہونگے. ڈسٹرکٹ سپورڑس آفس اور ریجنل سپورٹس ڈیپارٹمنٹ ضلعی انتظامیہ ایبٹ آباد کے زیر اہتمام انٹر ڈسٹرکٹ ہزارہ ریجن ایتھلیٹکس چمپئن شپ 27 نومبر کو ایبٹ آباد میں منعاد ہوگی جس میں جیولن تھرو ڈسکس تھرو لانگ جمپ ٹرپل جمپ شاٹ پٹ 100/200/400 1500//600/800 میٹر دوڑ کے مقابلے منعقد ہوں گے اول دوئم اور سوئم پوزیشن حاصل کرنے والے ایتھلیٹس میںکمشنر ہزارہ سید ظہیر الاسلام ریجنل سپورٹس آفیسر احمد زمان خان اور میجر ریٹاٹرڈ ذوالفقار احمد مہمانان خصوصی ہونگے جوکہ نمایاں پوزیشن حاصل کرنے والے ایتھلیٹس میں میڈلز اور کیش پرائز تقسیم کریں گے

گورنر خیبر پختونخوا حاجی غلام علی کا یونیورسٹی آف ملا کنڈ کے 7ویں کانووکیشن سے بحیثیت مہمان خصوصی خطاب, میرے لئے قابل فخر ہے کہ مجھے آج دوسری مرتبہ یونیورسٹی آف مالاکنڈ کے طلبہ،والدین،فیکلٹی اراکین کی اجتماعی خوشی میں شامل ہونیکا موقع ملا ہے، میں دوسری مرتبہ کانووکیشن کے انعقاد اور تعلیمی کامیابیوں پر وائس چانسلر، یونیورسٹی انتظامیہ، والدین، فیکلٹی اراکین کو مبارکباد پیش کرتا ہوں، طلبہ وطالبات کو زندگی کے کسی بھی شعبہ میں کامیابی حاصل کرنے کیلئے مقابلے کے میدان میں اترنا پڑتا ہے، تعلیمی شعبے میں مشکلات زندگی کا حصہ ہیں لیکن مشکلات سے گھبرانا نہیں بلکہ مقابلہ کرنا ہے، ریسرچ موجودہ صدی کی ضرورت ہے، یونیورسٹیوں کو ریسرچ میں اپنا مقام پیدا کرنا ہو گا، بدقسمتی سے ہماری یونیورسٹیاں شعبہ تحقیق میں خاطر خواہ نتائج نہیں دے سکی ہیں، تعلیم و تحقیق سے ہی دنیا میں آگے بڑھا جا سکتا ہے، تعلیم یافتہ نوجوان اپنی تعلیم کو محض ملازمت کا حصول نہ بنائیں، تعلیم کو ایسے استعمال کرنا ہے کہ صرف اپنے لئے نہیں بلکہ دوسروں کیلئے ملازمتیں پیدا کریں، روزگار کے ذرائع تلاش کر کے دوسروں کیلئے روزگار کے مواقع پیدا کرنا ہیں، تعلیم یافتہ نوجوان ملک کا مستقبل ہیں، گورنر غلام علی نے یونیورسٹی کے سبزہ زار میں دیودار کا پودا بھی لگایا۔ گورنر غلام علی نے ملاکنڈ یونیورسٹی کے سپر کمپیوٹر لیب کا بھی دورہ کیا, گورنر خیبر پختونخوا حاجی غلام علی

خیبر پختونخوا ہیلتھ کئیر کمیشن کی طرف سے لیڈی ریڈنگ ہاسپٹل پشاور میں ایک روزہ سیمینار کا انعقاد کیا گیا۔ سیمینار کا مقصد طبی سہولیات فراہم کرنے والے اداروں اور افراد کے استعداد کو بڑھانا اور طبی سہولیات کے لیے کمیشن کی جانب سے مقرر کردہ کم سے کم معیارات سے متعارف کرانا تھا۔ ڈاکٹر ندیم اختر چیف ایگزیکٹو آفیسر خیبرپختونخوا ہیلتھ کئیر کمیشن سیمینار کے مہمانی خصوصی تھے۔ جبکہ ڈاکٹر محمد ابرار ہاسپٹل ڈائریکٹر اور ڈاکٹر حامد شہزاد میڈیکل ڈائریکٹر لیڈی ریڈنگ ہسپتال پشاور خصوصی طور پر شریک ہوئے۔
محسن علی ترک ڈائریکٹر لیگل افیئرز خیبر پختون خواہ ہیلتھ کیئر کمیشن ڈاکٹر عبدالجلیل ایسوسییٹ پروفیسر خیبر میڈیکل یونیورسٹی اور ڈاکٹر حسیب اعوان نے سیمینار سے خطاب کیا۔ڈاکٹر عظمی سید ڈپٹی ڈائریکٹر کوالٹی ہیلتھ کیئر کمیشن نے شعبہ صحت کی ریگولیشن کی مختلف اجزاء پر روشنی ڈالی۔ سیمینار میں شعبہ صحت اور لیڈی ریڈنگ ہسپتال کے مختلف ڈیپارٹمنٹس کے لوگوں نے شرکت کی۔
ڈاکٹر ندیم اختر نے ہیلتھ کیئر کی کوالٹی کی اہمیت پر زور دیتے ہوئے کہا کہ کمیشن کے ساتھ ساتھ شعبہ صحت سے تعلق رکھنے والے جملہ افراد کا اس میں اہم کردار ہے ۔اور کمیشن اپنی ذمہ داریاں تب ھی خوش اسلوبی سے نبھا سکتا ہے جب جملہ سٹیک ہولڈرز اس کے ساتھ تعاون کریں۔
ڈاکٹر محمد ابرار اور ڈاکٹر حامد شہزاد نے ہیلتھ کیئر کمیشن کے کاوش کو سراہتے ہوئے کہا کہ سیمینار کا انعقاد سے شرکاء کے استعداد کار بڑھانے میں کافی مدد ملے گی اور مستقل میں ہمچوں قسم کے سیمینارات کے انعقاد کے لیے ہر ممکن تعاون کی یقین دہانی کی۔