آل پاکستان انٹر یونیورسٹی بیڈمنٹن مقابلے آج سے شروع ہونگے

ہائیر ایجوکیشن کمیشن کے زیراہتمام آل پاکستان انٹر یونیورسٹی بیڈمنٹن زون بی کے مقابلے آج سے پشاور یونیورسٹی بیڈمنٹن ہال میں شروع ہونگے جس میں مختلف یونیورسٹی کی ٹیمیں شرکت کرینگی۔ ان خیالات کا اظہار ڈائریکٹر سپورٹس پشاور یونیورسٹی بحرکرم نے میڈیا سے گفتگو کرتے ہوئے کیا، انہوں نے کہا کہ ہائیر ایجوکیشن کمیشن اور پشاور یونیورسٹی کے زیراہتمام آل پاکستان انٹر یونیورسٹی زون بی کے مقابلے آج سے ڈائریکٹر یٹ آف سپورٹس پشاور یونیورسٹی کے بیڈمنٹن ہال میں شروع ہونگے جس کا باضابطہ افتتاح سابق باسکٹ بال کھلاڑی ڈاکٹر عتیق سنجرانی کرینگے۔ ان مقابلوں میں دس مختلف یونیورسٹی کی ٹیمیں شرکت کررہی ہیں۔