Daily Archives: March 29, 2024

خیبر پختونخوا کابینہ کا دوسرا اجلاس وزیر اعلیٰ خیبر پختونخوا کے زیر صدارت منعقد ہوا جس میں صوبائی کابینہ اراکین، چیف سیکرٹری، آئی جی پی اور متعلقہ انتظامی سیکرٹریز نے شرکت کی۔

اجلاس کے دوران کابینہ نے ضم اضلاع میں پولیس کو گاڑیوں اور دیگر جدید آلات کی فراہمی کے لئے اے ڈی پی اسکیم کی منظوری دی۔ اسکیم کے تحت ضم اضلاع میں پولیس کے لئے 7.67 ارب روپے کی لاگت سے گاڑیاں اور جدید آلات خریدے جائیں گے۔ کابینہ نے صوبے میں مستحق افراد کو عید پیکج دینے کی منظوری بھی دی۔ پیکج کے تحت صوبائی اسمبلی کے ہر حلقے میں ایک ہزار مستحق افراد کو 10، 10 ہزار روپے دئے جائیں گے۔ اس پیکج پر 1.15 ارب روپے لاگت آئے گی۔ کابینہ نے 2050 پولیس شہداء کے خاندانوں کو بھی 10، 10 ہزار روپے عید پیکج دینے کی بھی منظور دے دی۔ کابینہ نے سرکاری محکموں میں بھرتیوں کے لئے نجی ٹیسٹنگ ایجنسیوں سے اسکریننگ ٹیسٹ لینے کے معاملے پر کمیٹی تشکیل دے دی۔ مذکورہ کمیٹی 15 دنوں میں سرکاری ٹیسٹنگ ایجنسیوں ایٹا کی استعداد بڑھانے سمیت دیگر متعلقہ معاملات پر حتمی سفارشات پیش کرے گی۔ کابینہ نے ڈیجیٹل رائٹ آف وے پالیسی کی بھی منظوری دے دی۔ اجلاس میں پاکستان ڈیجیٹل سٹی کے قیام کے لئے انفارمیشن ٹیکنالوجی بورڈ اور اسپیشل ٹیکنالوجی زون اتھارٹی کے درمیان معاہدے کی بھی منظوری دے دی گئی۔ مزید براں اجلاس میں چیف ایگزیکٹو آفیسر اور ایگزیکٹو کمیٹی ممبران پیڈو کی تعیناتی کے لئے رولز کی منظوری دیدی گئی۔

خیبر پختونخوا ایلیمنٹری اینڈسیکنڈری ایجوکیشن ڈیپارٹمنٹ نےتعطیلات کااعلامیہ جاری کردیا۔تمام سرکاری و نجی تعلیمی اداروں میں یکم اپریل سے8اپریل تک چھٹیاں ہوں گی۔تمام پرنسپل و ہیڈ ٹیچرز اور کلریکل سٹاف کی اس دوران تعطیلات نہیں ہوں گی۔سکول سٹاف نئے بچوں کے داخلے اورمفت کتابوں کی تقسیم کیلئے موجود رہیں گے۔

خیبرپختونخوا حکومت نے سال 2024-25 کو صوبہ کی بلند ترین چوٹی ترچ میر کو بطور سیاحتی عنوان کے طور پر منانے اورمختلف فیسٹیول شروع کرنے کا فیصلہ کیا ہے جس کیلئے کلچر اینڈ ٹورازم اتھارٹی کو ٹاسک حوالے کرکے فوری طور پر جاندار اقدامات کرنے کی ہدایت کر دی گئی ہے۔

وزیراعلیٰ خیبرپختونخوا کے مشیر برائے سیاحت و ثقافت زاہد چن زیب کی زیرصدارت سیاحت کی ترقی سے متعلق اجلاس منعقد ہوا۔ ٹور آپریٹرز اورسیاحت سے منسلک اسٹیک ہولڈرز نے صوبائی حکومت کے فیصلے کا خیرمقدم کرتے ہوئے اسے سیاحت کی ترقی کیلئے سنگ میل اقدام قرار دیا اور اپنے بھرپور تعاون کا یقین دلایا۔ اجلاس میں سال 2024-25 کیلئے کوہ پیمائی کی رائلٹی اور ٹریکنگ فیس معاف کرنے اور ترچ میر پہاڑ کو خیبرپختونخوا کے سیاحتی علامات میں شامل کرنے کا فیصلہ بھی کیا گیا۔ اجلاس میں فیصلہ ہوا کہ ترچ میر چوٹی سر کرنے کیلئے مختلف بین الاقوامی کوہ پیماؤں کو مدعو کیا جائے گا جبکہ ان کیلئے ٹریننگ پروگرامزبھی ترتیب دیئے جائینگے۔

سیاحت سے منسلک صوبہ کے دیگر اسٹیک ہولڈرز کے مسائل اور ان کے حل کیلئے اگلا اجلاس پشاور کی بجائے چترال، کاغان، سوات اوردیگر سیاحتی اضلاع کے صدرمقامات پر منعقد کئے جائیں گے۔ سیاحت سے منسلک اسٹیک ہولڈرز نے مشیر سیاحت کو اپنے مسائل و مشکلات سے بھی آگاہ کیا۔ زاہد چن زیب نے انکے معروضات توجہ سے سنے اور انکے ترجیحی بنیادوں پر ازالے کا یقین دلایا۔ انہوں نے تمام اسٹیک ہولڈرز کو سیاحتی خدمات کی بطریق احسن ادائیگی میں مکمل تعاون کی یقین دہانی بھی کرائی۔

سیاحوں کے این او سی سے متعلق مسئلے متعلقہ حکام کیساتھ ملاقات کے بعد جلد حل کردیا جائے گا۔ بہتر نتائج کیلئے خیبرپختونخوا ٹورازم پولیس کو فرسٹ ایڈ بکس کیساتھ اپ گریڈ کرکے مزید تربیت دینے کے علاؤہ اضافی موٹر بائیک سے لیس کیا جا رہا ہے۔ سیاحتی مقامات پر تجاوزات کا خاتمہ یقینی بنایا جائے گا جس کیلئے اتھارٹیز کو فعال بنانے کے علاؤہ ضلعی انتظامیہ کی معاونت بھی حاصل کی جائے گی۔مشیر سیاحت

اسی طرح سیاحتی مقامات کو جانے والی شاہراہوں کو بھی بہتر بنایا جائے گا جس کیلئے نئے بجٹ میں خاطر خواہ فنڈز مختص کئے جا رہے ہیں۔ زاہد چن زیب

ٹور آپریٹرز اور دیگر تمام سٹیک ہولڈرز سیاحت کی ترقی میں کلیدی کردار ادا کرتے ہیں اور صوبائی حکومت انکی حوصلہ افزائی میں کوئی کسر اٹھا نہیں رکھے گی۔

سرحدی دیہات تحصیل بیزئی میں (سر حد رورل سپو رٹ پرو گرام )کے تعاون سے پرائمری سکول کی دوبارہ آبادکاری۔تعلیم سب کیلئے پروگرام کے تحت داخلہ مہم کا افتتاح اور پاک افغان بارڈر منزری چینہ میں واک کا بھی اہتمام کیا گیا ۔تقریب میں ضلع انتظامیہ،سیکورٹی افسران ، علاقہ مشران اورسکول کے طالب علموں نے بھی واک میں  شرکت کی۔تعلیم کی مد میں ایک دوسرے کے ساتھ ہر قسم تعاون کا فیصلہ۔سکول میں شجرکاری مہم کا بھی افتتاح کیا گیا۔مہمند ضلع میں پاک افغان بارڈر پر واقع گاوں منزری چینہ میں سرحد رورل سپورٹ پروگرام تعاون سے سیلاب سے تباہ شدہ گورنمنٹ پرائمری سکول منزری چینہ ملک  ملنگ کلے کو  دوبارہ آبادکیا گیا ۔جس میں نے پروٹیکشن وال کمروں کی چھت چاردیواری  کی تعمیر اور مختلف ضروریات کو فوراپوراکرکے سکول کو ایک  ماڈل سکول بنادیا ۔اس سلسلے میں ایک پروقار تقریب منعقد ہوئی۔ جس میں مہمان خصوصی پاک فوج کے کرنل محمد اطہرتھے۔ جبکہ تقریب میں SRSPمحکمہ ایجوکیشن ضلع انتظامیہ کے اعلی افیسرز اور علاقائی مشران اور طالب علم بھی موجود تھے۔

تقریب میں (سر حد رورل سپو رٹ پرو گرام )کے ڈسٹرکٹ کوارڈینیٹرامتیاز خان نےضلع مہمند میں (سر حد رورل سپو رٹ پرو گرام )کے تعاون سے تعلیم کی مد میں مختلف منصوبوں کی تفصیل بیان کی اور کہا کہ کم مدت میں اب تک SRPS اورمختلف ڈونر نے 27  سیلاب سے تباہ شدہ سکولوں کی دوبارہ آبادکاری  کی۔  جس سے 4 ہزار سے زیادہ طالب علموں کو فائدہ ہوگا جبک ہم مزید سکولوں کی بہتری پر توجہ دے رہے ہیں۔ جس میں سکولوں میں بچوں کے داخلے انکو کتابیں اوردوسری ضروریات کو پورا کرنا شامل ہیں۔ جس سے سکولوں میں طالب علموں کا اضافہ ہوگا ۔تقریب سے ڈپٹی ایجوکیشن آفیسر محمد افتابSDEO افتخار علی ،ASDO ارشد علی اور تحصیلدار واصف خان نے بھی خطاب  کیا انہوں نے کہا کہ تعلیم سب کیلئے داخلہ مہم کا آغاز پاک افغان بارڈرسے کرنے اوران کا افتتاحکرنا ایک اہم قدم ہے۔تقریب  کے اخرمیں میں ملک زیارت گل نے تمام مہمانوں کا شکریہ ادا کیا اور منزری چینہ میں گرلز سکول اور پرائمری سکول کو مڈل کا درجہ دینے کا مطالبہ بھی کیا۔مہمان خصوصی کرنل محمد اظہر نےکہا کہ تعلیم کے بغیر ترقی اور زندگی بہت مشکل ہوتی ہے اور تعلیم عام کرنے اور علاقے کے امن برقرار رکھنے میں عوام اور مشران کاتعاون بہت  ضروری ہے۔جس کیلئے ہم سب ملکر کام کرینگے اس ملک اور علاقے میں ہم سب نے قربانی دی ہے ۔اور اب ایک پاکستانی ہوکر اس ملک کو آگے بڑھانا ہے۔ اس موقع پر سکول میں چھیڑ کا پودا لگاکر شجرکاری مہم کا افتتاح بھی کیا گیا۔۔آخر میں ایک واک کا اہتمام بھی کیا گیا۔ جس میں شرکاء نے بینرز اور کتبے بھی اٹھارکھے تھے جس میں تعلیم کے حق میں نعرے درج تھے۔ سکول میں سو کے قریب لڑکے جبکہ 50 کے قریب لڑکیاں مشرکہ تعلیم حاصل کررہے ہیں۔اور سکول میں 5 سو سے زیادہ خاندانوں کے بچے  دوردرازتین تین کلومیٹر سے پیدل آ تے  ہیں اور علاقے کا واحد پرائمری سکول ہے۔