بارشوں کے باعث حادثات کے نتیجے میں 11 افراد جانبحق جبکہ 8 زخمی

بارشوں کے باعث حادثات کے نتیجے میں 11 افراد جانبحق جبکہ 8 زخمی

پی ڈی ایم اے کی جانب سے گزشتہ 24 گھنٹوں کے دوران جھکڑ /تیز بارشوں اور فلش فلڈ کے باعث جانی اور مالی نقصانات کے حوالے سے جاری رپورٹ میں بتایا گیا ہے کہ حالیہ بارشوں کے باعث حادثات کے نتیجے میں پچھلے 24 گھنٹوں کے دوران 11 افراد جانبحق جبکہ 8 افراد زخمی ہوئے ہیں۔ رپورٹ کے مطابق جاں بحق افراد میں 2 مرد 4 خواتین اور 5 بچے جبکہ زخمیوں میں 2 مرد اور 1 خاتون 5 بچے شامل ہیں.

تیر آندھی اور بارش کے باعث مجموعی طور پر 16 گھروں کو نقصان پہنچا جس میں 11 گھروں کو جزوی جبکہ 5 گھروں کو مکمل نقصان پہنچا۔ تیز بارشوں کے باعث جانی و مالی حادثات صوبہ کے مختلف اضلاع چترال اپر و لوئر، ملاکنڈ، دیر لوئر، جنوبی وزیرستان، ٹانک، کرک اور چارسدہ میں رونما ہوئے.

پی ڈی ایم اے رپورٹ کے مطابق یکم جولائی سے اب تک مون سون بارشوں کے باعث 53 افراد جانبحق جبکہ 89 زخمی ہوئے۔ جابحق ہونے والوں میں 19 مرد، 12 خواتین، اور 22 بچے جبکہ زخمیوں میں 33 مرد، 23 خواتیں اور 33 بچے شامل ہیں۔ تیز بارشوں، سیلابی صورتحال اور نقصانات کے پیش نظر محکمہ ریلیف کی جانب سے چترال اپر میں ایمرجنسی نافذ ہے۔ تیز بارشوں اور ندی نالوں میں طغیانی کے باعث دریائے کابل میں پانی کی سطح بڑھنے کا بھی خدشہ ہے.

پی ڈی ایم اے نے متعلقہ اضلاع پشاور، چارسدہ اور نوشہرہ کی ضلعی انتظامیہ کو الرٹ رہنے اور پیشگی اقدامات اٹھانے کی ہدایت جاری کر دی۔ جبکہ ایمرجنسی اپریشن سینٹر فلڈ ورننگ سسٹم کے ذریعے دریاؤں میں پانی کے بہاؤ اور سطح کی مسلسل نگرانی کر رہا ہے۔ جاری رپورٹ کے مطابق پی ڈی ایم اے اور ضلعی انتظامیہ کی جانب سے متاثرہ علاقوں میں امدادی کارروائیاں جاری، بند شاہراہوں کو کھولنے کے لیے چھوٹی بڑی مشنری کو بروئے کار لیایا جا رہا ہے۔ پی ڈی ایم اے، ضلعی انتظامیہ اور امدادی ٹیمیں متاثرہ اضلاع میں امدادی سرگرمیوں میں مصروف عمل ہیں.

پی ڈی ایم اے کی جانب سے متاثرہ اضلاع کی ضلعی انتظامیہ کو متاثرین کو جلد مالی و امدادی معاونت فراہم کرنے کی بھی ہدایت کی گئی ہے اور متاثرہ علاقوں میں متاثرین میں امدادی سامان کی فراہمی کا عمل جاری ہے۔ اس سلسلے میں پی ڈی ایم اے، متعلقہ ادارے اور تمام ضلعی انتظامیہ مسلسل رابطے میں ہیں اور ڈی جی پی ڈی ایم صورتحال پر نظر رکھے ہوئے ہیں۔ متاثرہ علاقوں میں بند شاہراہوں کو کھولنے کے لیے عملہ موجود ہے اور عارضی طور پر ٹریفک کے لئے متبادل راستوں کا بندوبست کیا گیا ہے۔

ترجمان کے مطابق پی ڈی ایم اے کا ایمرجنسی اپریشن سینٹر مکمل طور پر فعال ہے اور عوام/سیاح کسی بھی ناخوشگوار کی اطلاع، موسمی صورتحال ، سٹرکوں کی بندش اور رہنمائی کے لیے 1700 پر رابطہ کریں۔

Pakistan won the bronze medal in the Asian Under-18 Volleyball Championship

ایشین انڈر 18 والی بال چیمپئن شپ میں پاکستان نے برانز میڈل اپنے نام کر لیا

پاکستان نے بحرین میں ہونیوالی ایشین انڈر 18 والی بال چیمپئن شپ میں برانز میڈل حاصل کرلیا۔ایشین انڈر 18 والی بال چیمپئن شپ میں تیسری پوزیشن کے میچ میں پاکستان انڈر 18 والی بال ٹیم کا مقابلہ جاپان انڈر 18 ٹیم سے تھا جس میں پاکستان نے تین مرتبہ مسلسل اس ایونٹ کو جیتنے والی دفاعی چیمپئن ٹیم کو مکمل آؤٹ کلاس کردیا اور حریف کو مکمل بے بس کیے رکھا۔پاکستان نے مقابلہ 13-25، 21-25 اور 17-25 سے اپنے نام کیا۔اس سے قبل پاکستان انڈر 18 ٹیم کو سیمی فائنل میں سنسنی خیز مقابلے کے بعد چین نے شکست دی تھی۔

پاکستان نے اس ایونٹ کے ٹاپ 4 میں جگہ حاصل کرکے اگلے سال ہونے والی ورلڈ انڈر 19 والی بال چیمپئن شپ کے لیے بھی کوالیفائی کرلیا ہے۔یہ 2008 کے بعد پاکستان کا کسی بھی ایج گروپ کی ایشین والی بال چیمپئن شپ میں پہلا میڈل ہے، پاکستان نے 2008 میں ایشین انڈر 20 چیمپئن شپ میں بھارت کو شکست دے کر تیسری پوزیشن حاصل کی تھی۔پاکستان والی بال فیڈریشن نے پاکستان انڈر 18 ٹیم کی کامیابی پر خوشی کا اظہار کرتے ہوئےکہا ہےکہ ایشین چیمپئن شپ میں انڈر 18 ٹیم کی پرفارمنس سے ثابت ہوتا ہےکہ ملک میں والی بال کا مستقبل کافی روشن ہے۔