Daily Archives: September 24, 2024

خیبرپختونخوا کے بالائی اضلاع میں25ستمبر سے مرطوب ہوائیں خلیج بنگال  سے ملک کے بالائی  علاقوں  میں داخل ہونے کا امکان ہے۔ جس کے باعث چترال، دیر، سوات، کوہستان، شانگلہ، بٹگرام،  مانسہرہ، ایبٹ آباد، ہری پور ،بونیر ،مالاکنڈ، باجوڑ، مہمند، خیبر، پشاور، صوابی، نوشہرہ، مردان، چارسدہ، کرم، اورکزئی، ہنگو، بنوں، لکی مروت ،وزیرستان  اور ڈی آئی خان میں  وقفے وقفے سے تیز ہواؤں اور گرج چمک کےساتھ بارش کا امکان ہے ۔موسلادھار بارش کے باعث مانسہرہ، کوہستان، چترال، گلگت بلتستان، دیر، سوات، شانگلہ، نوشہرہ اور صوابی کے مقامی  ندی نالوں میں پانی کے بہاؤ میں اضافہ /نشیبی علاقوں  میں اربن فلڈنگ اور بالائی علاقوں میں لینڈ سلائیڈنگ کا بھی خدشہ۔

پی ڈی ایم اے کی جانب سے تمام ضلعی انتظامیہ کو موسمی صورتحال کے پیش نظر الرٹ جاری۔  پی ڈی ایم اے نے ضلعی انتظامیہ کو آندھی/جھکڑ چلنے اورگرج چمک کے باعث کسی بھی ناخوشگوار واقعے سے پیشگی نمٹنے کے لیے ہدایات جاری کر دیں۔ کسی بھی نا خوشگوار واقعے سے پیشگی نمٹنے کے لئے ضلعی انتظامیہ کو چھوٹی بڑی مشینری کی دستیابی یقینی بنانے کی بھی ہدایت۔ تیز ہواؤں کی صورت میں عوام بجلی کی تاروں، بوسیدہ عمارتوں و تعمیرات، سایئن بورڈز اور بل بورڈز سے دور رہے۔  کسان حضرات موسمیاتی پیش گوئی کو مد نظر رکھتے ہوئے اپنے معمولات ترتیب دیں۔حساس بالائی علاقوں میں سیاحوں اور مقامی آبادی کو موسمی حالات سے باخبر رہنے کے لیے احتیاتی تدابیر اپنانے کی ہدایت۔ حساس اضلاع میں ضلعی انتظامیہ کو مقامی آبادی تک پیغامات مقامی زبانوں میں پہنچائے جائیں ۔کسی بھی ہنگامی صورتحال میں تمام متعلقہ ادارے روڈ لنکس کی بحالی میں چوکس رہیں اور سڑک کی بندش  کی صورت میں ٹریفک کے لئے متبادل راستے فراہم  کئے جائیں۔سیاحوں کو موسمی صورت حال سے آگاہ کیا جائے ۔ پی ڈی ایم اے کا ایمرجنسی مکمل آپریشن سنٹر مکمل طور پر فعال ہے عوام کسی بھی نا خوشگوار واقعے کی اطلاع پی ڈی ایم اے کی فری ہیلپ لائن 1700 پر دیں۔

پشاور انسٹیٹیوٹ آف کارڈیالوجی میں امراض قلب کا بین االاقوامی جدید طریقہ علاج کامیابی سے متعارف کیا گیا۔ دل کا دورہ پڑنے کے بعد دل کے بروقت علاج اور مزید نقصان سے بچانے کے لیے تھیراکس ڈیوائس کا کامیاب پروسیجر۔ پی آئی سی سپر سیچوریٹیڈ آکسیجن طریقے سے دل کاعلاج کرنے والا جنوبی ایشیا کا پہلا ادارہ بن گیا۔

پی آئی سی میں 3 روز میں 5 کامیاب آپریشن کیے گئے ہیں جن میں تین مرد اور دو خواتین شامل۔ متاثرہ مریض کو دل کا دورہ پڑنے کے بعد اس طریقہ علاج کو استعمال کیا جاتا ہے۔ سپر سیچوریٹیڈ آکسیجن میں تھیراکس مشین کے زریعے مریض کے دل کی چھوٹی شریانو کو ہائی مقدار میں آکسیجن فراہم کی جاتی ہے۔ ہارٹ اٹیک سے دل کے کمزور ہونے کا خطرہ موجود ہوتا ہے۔

اس طریقہ علاج سے امید ہے کہ دل کی صحت اور دل کے پھٹوں کی کمزوری کا خطرہ کم کیا جا سکے گا۔ ایس۔ ایس ۔او ۔ٹو طریقہ علاج ترقی یافتہ ممالک میں باقاعدگی سے استعمال کیا جاتا ہے مگر ہماری ٹیم نے اس کو خیبر پختونخوا میں ممکن بنایا۔ ہمیں فخر ہیں کہ ہمارے پاس پی آئی سی میں ایسی ٹیم ہے جو ہر قسم کے علاج کو متعارف کرانے کی قابل ہے۔ پی آئی سی بہت کم عرصے میں پاکستان اور خیبر پختونخوا کے لیے باعث فخر ادرہ بن چکا ہے۔ عوام ،ملک اور صوبے کی ترقی کے لیے ہماری خدمات ایسی ہی جاری رہیں گی۔

کمانڈنٹ باجوڑ سکاوٹس، ڈپٹی کمشنر اور ڈسٹرکٹ پولیس آفیسر کی زیر قیادت باجوڑ سکاؤٹس ہیڈ کوارٹر خار میں ایک گرینڈ جرگہ منعقد ہوا جس میں 450 سے زائد مقامی مالک و مشران ،معززین علاقہ، علمائے کرام، سیاسی نمائندے، میڈیا، تاجر برادری اور نوجوانوں نے شرکت کی۔ جرگے میں سیکیورٹی کے موجودہ صورتحال، ڈرگ مافیا کے خاتمے اور ناوا پاس کو تجارت کے لیے کھولنے پر تبادلہ خیال کیا گیا۔ شرکاء نے مقامی لوگوں، سیکورٹی فورسز اور پولیس کی قربانیوں کا اعتراف کرتے ہوئے امن اور تعاون کی اہمیت پر زور دیا۔ مقامی لوگوں نے سیکورٹی فورسز کے ساتھ مکمل تعاون کا وعدہ کیا، اور اس تقریب کو باجوڑ میں پرامن ماحول کو برقرار رکھنے کی جانب ایک اہم قدم کے طور پر سراہا۔

خیبر میڈیکل یونیورسٹی نے ایم ڈی کیٹ نتائج کا اعلان کردیا

محمد مدثر اور فاطمہ ظہرہ نے 194 نمبر لے کی ایم ڈی کیٹ ٹاپ کیا۔ بی ڈی ایس امیدواروں کے نتائج 58 فیصد رہے۔ ایم بی بی ایس امیدواروں کے نتائج 51 فیصد رہے۔ 46 ہزار رجسٹرڈ امیدواروں میں سے 41 ہزار امیدواروں نے ٹیسٹ میں حصہ لیا۔ ٹیسٹ شفاف طریقے سے منعقد ہوا، کوئی شکایت موصول نہیں ہوئی۔ ٹیسٹ کامیاب بنانے میں تمام اداروں کی کاوشوں کا مشکور ہوں۔

نیب پختونخوا کا بی آر ٹی کرپشن انکوائری مکمل ہونے کا دعوی محض ایک ڈرامہ ہے۔ جاری اعلامیہ نیب کی جانب سے صوبائی حکومت کو کلین چٹ دینےکی ناکام کوشش ہے۔ بی آر ٹی منصوبہ ناقص منصوبہ بندی، بدانتظامی اور بدعنوانی کا منہ بولتا ثبوت ہے۔ عمران خان اور پرویز خٹک کی کرپشن پر پردہ ڈالنے کے لیے جاری اعلامیہ قابل قبول نہیں۔ نیب تحقیقات کرنے اور ذمہ داران کا تعین کرنے کی بجائے اصل کرپشن پر پردہ ڈال رہی ہے۔ 49 ارب سے شروع ہونے والے منصوبے میں 168.5 ارب روپے کی بچت سمجھ سے بالا تر ہے۔ منصوبے کو چھ ماہ میں مکمل ہونے کے دعوے کئے گئے تھے، سات سال گزر گئے تاحال نامکمل ہے۔

نیب اقرار کرچکی ہے کہ چھ پراجیکٹس غلط طریقے سے دیئے گئے، ان کی ذمہ داری کس پر عائد ہوتی ہے؟ کنٹریکٹر کی جانب سے جمع کرائی گئی جعلی گارنٹیوں کی اسکروٹنی کس کی ذمہ داری تھی؟ ڈیزائن میں بار بار تبدیلی اور تاخیر سے جو بوجھ خزانے پر پڑا اسکا ذمہ داران کون ہے؟ ہم بارہا بتا چکے ہیں کہ پچھلے 12 سالوں سے تحریک انصاف صوبے کے خزانے کو لوٹ رہی ہے۔ خیبر پختونخوا کی حکومت اور وسائل کو ذاتی و سیاسی مفادات کے لیے استعمال کیا جا رہا ہے۔ بی آر ٹی، بلین ٹری سونامی اور دیگر میگا کرپشن سکینڈلز کی جامع اور آزادانہ تحقیقات ہونی چاہئیں۔ صوبائی نیب کو آلہ کار بنا کرپی ٹی آئی کی حکومت اپنی چوریوں اور بیڈگورننس سے بری الذمہ نہیں ہوسکتی۔ صوبے کی عوام کو انصاف دلانے کے لیے ذمہ داران کو کٹہرے میں لانا ضروری ہے۔