Daily Archives: January 6, 2022

خیبر پختونخوا میں بارشوں اور پہاڑوں پر برفباری کا موجودہ سلسلہ اتوار تک جاری رہنے کاامکان ہے جبکہ اس سلسلے میں پی ڈی ایم اے خیبر پختونخوانے ضلعی انتظامیہ کو مراسلہ جاری کر دیا ہے۔محکمہ موسمیات کے مطابق چترال، دیر، سوات، مالاکنڈ، کوہستان، شانگلہ، بونیر،مانسہرہ، ایبٹ آباد، ہری پور، صوابی، مردان، نوشہرہ، پشاور، چارسدہ، کوہاٹ، باجوڑ اور کرم میں وقفے وقفے سے بارش کا امکان ہے شانگلہ، سوات، بونیر، دیر، چترال، کوہستان، بٹگرام، تورغر، مانسہرہ، ایبٹ آباد، کرم کے پہاڑوں پر برفباری کا امکان ہے ڈی جی پی ڈی ایم اے شریف حسین نے بارشوں و برفباری کے پیش نظر ضلعی انتظامیہ اور متعلقہ اداروں کو پیشگی اقدامات اٹھانے اور الرٹ رہنے کی ہدایات کی ہے محکمہ موسمیات کے مطابق پشاور میں اربن فلڈنگ کا خدشہ ہےجبکہ بالائی اضلاع میں تیز بارش اور برفباری کے باعث روڈ بندش اور لینڈسلاڈینگ کا خدشہ ہے ڈی جی پی ڈی ایم اے کے مطابق جہاں لینڈ سلائیڈنگ کا خطرہ ہو وہاں پر چھو ٹی بھاری مشینری کی دستیابی یقینی بنا ئی جا ئے۔لنک روڈز کی بحالی کے لیے مشینری کی دستیابی یقینی بنا ئی جائے،سیاح دوران سفر خصوصی احتیاطی تدابیر اختیار کریں اور موسمی صورت حال سے باخبر رہے۔ ترجمان پی ڈی ایم اے کے مطابق پی ڈی ایم اے کا ایمر جنسی آپریشن سنٹر مکمل فعال ہے،
کسی بھی نا خوشگوار واقعے کی اطلاع پی ڈی ایم اے کی ھیلپ لائن 1700پر دیں۔

اومیکرون کرونا وائرس کے باعث خیبرپختونخوا میں الرٹ جاری کردیا گیا ہے بیرون ممالک سے آنے والے تمام افراد کی نگرانی خصوصی طور پر شروع کر دی گئی ہے پشاور،مانسہرہ، ابیٹ آباد، مالاکنڈ ڈویژن، جنوبی اضلاع میں محکمہ صحت کو الرٹ کردیا گیا ہے بازاروں، دفاتروں کے لئے نئی پالیسی بھی مرتب کرلی گئی ہے خیبر پختونخوا میں پانچ مریضوں میں وا ئرس کی تصدیق کے بعد محکمہ صحت کو الرٹ کر دیا گیا ہے شادی بیاہ میں بیرون ممالک سے آنے والے شہریوں یا ان کے قریبی رشتہ داروں کو حفاظتی اقدامات کی ہدایات کی گئی ہے نئے کیسز کی روک تھام کے لئے تمام اضلاع کے ضلعی محکمہ صحت کے دفاتر ضلعی محکمہ صحت کے حکام کو اہم ہدایات جاری کی گئی ہیں

ساہیوال سے اغوا ہونے والے نوجوان کو پشاور سے بازیاب کرالیا گیا۔پشاور پولیس نے خفیہ اطلاع پر اہم کارروائی کرتے ہوئے پنجاب سے اغوا ہونے والے نوجوان کو بحفاظت پشاور سے بازیاب کرالیا۔ایس ایس پی آپریشن ہارون رشید کے مطابق نوجوان کو دو روز قبل چیچہ وطنی ساہیوال سے اغوا کیا گیا تھا، نوجوان کے اغوا کا مقدمہ تھانہ سٹی چیچہ وطنی ضلع ساہیوال میں درج کیا گیا تھا۔انہوں نے کہا کہ پشاور پولیس کو مغوی ابو سفیان کی پشاور کے راستے نامعلوم مقام پرمنتقلی کی اطلاع ملی تھی جس کے بعد خفیہ اطلاع پر شہر کے داخلی وخارجی راستوں کی نگرانی سخت کر دی گئی تھی۔ایس ایس پی آپریشن ہارون رشید نے مزید کہا ملزمان شہر سے باہر منتقلی میں ناکامی پر مغوی کو نیم بے ہوشی کی حالت میں مقامی پٹرول پمپ پر چھوڑ کر فرارہوگئے، نوجوان کو ابتدائی طبی امداد کے لئے اسپتال منتقل کیا گیا ہے، طبی امداد کے بعد مغوی کو والدین کے حوالہ کر دیا گیا ہے جب کہ پولیس نے مقامی پٹرول پمپ کے مالک اور سٹاف کو بھی شامل تفتیش کر لیا ہے۔

حلال آگاہی اور ریسرچ کونسل کی جانب سے حلال اینڈ سیف فوڈ اتھارٹی کے پی اور پرائم فاؤنڈیشن (پی ایف) کے اشتراک سے پشاور میڈیکل کالج (پی ایم سی) پشاور میں کے پی حلال امپلیمینٹیشن کونسل کا آغازکرنے کے لیے ایک تقریب کا انعقاد کیا گیا۔ حلال آگاہی اور تحقیقی کونسل کے صدر آفاق شمسی نے کے پی حلال امپلیمینٹیشن کونسل کی تشکیل اور باقاعدہ آغاز میں سہولت فراہم کی جبکہ پرائم فاؤنڈیشن کے مشیر صحت اور طبی تعلیم پروفیسر ڈاکٹر نجیب الحق کو متفقہ طور پر کونسل کا چیئرپرسن نامزد کیا گیا۔ حلال اینڈ سیف فوڈ اتھارٹی کے نمائندوں اورصوبے کے ممتاز علمائے کرام مفتی جواد، مفتی خالد،مفتی یحییٰ، مفتی عاقب جاوید اور مفتی مسعود شاہ کو اتفاق رائے سے کونسل کے ممبران منتخب کیاگیا۔ یہ بات قابل ذکر ہے کہ کے پی حلال امپلیمینٹیشن کونسل فوڈ بزنسز اور حلال فوڈ اتھارٹی کے درمیان پل کاکردارادا کرے گا۔حلال کونسل کے قیام سے صوبے بھر میں فوڈ بزنسز کے درمیان حلال اور محفوظ خوراک کے رہنما خطوط پر عمل درآمد کو آسان بنانے میں مدد ملے گی۔ کونسل اور پرائم فاؤنڈیشن مل کر حلال اور محفوظ خوراک کے طریقوں کے بارے میں فوڈ بزنسز کی استعداد کار میں اضافہ کریں گے جبکہ حلال اینڈ سیف فوڈ اتھارٹی بعد میں انہیں حلال اور محفوظ فوڈ بزنس کے طور پر سرٹیفکیٹ جاری کرے گی۔ کونسل کھانے کے کاروبار کی فہرست سازی اور ان کی تربیت میں مقامی علماء اور آئمہ کرام کو شامل کرے گی۔ اجلاس میں شریک علمائے کرام اور فوڈ بزنسز کے نمائندوں نے بھر پور شرکت کی اورانہوں نے اس اقدام کو سراہا اور اپنے مکمل تعاون کا یقین دلایا۔ اس موقع پر سابق صوبائی وزیر صحت اور موجودہ ایم پی اے عنایت اللہ خان، ڈی جی کے پی حلال اینڈ سیف فوڈ اتھارٹی شاہ رخ علی خان، پرائم فاؤنڈیشن کے مشیر صحت اور طبی تعلیم پروفیسر ڈاکٹر نجیب الحق اور معروف سماجی کارکن ڈاکٹر محمد اقبال خلیل نے مختلف پہلوؤں پر گفتگو کی۔ مقررین کاکہنا تھا کہ حلال امپلیمینٹیشن کونسل کے قیام سے جہاں صحت عامہ کا معیار بہتر کرنے میں مدد ملے گی وہاں اس سے علاقائی انضمام کے منصوبوں مثلاً بی آر آئی اور سی پیک کے تناظر میں اقتصادی پیداوار اور کاروباری سرگرمیوں کو بھی فروغ ملے گا۔اس موقع پر ڈی جی حلال اینڈ سیف فوڈ اتھارٹی کے پی اور ایڈوائزر پی ایف کے درمیان مفاہمت کی ایک یادداشت پر بھی دستخط کیے گئے جس میں حلال فوڈ سے متعلق آگاہی پیداکرنے، استعداد کار بڑھانے اور تحقیق کے لیے تعاون کو باقاعدہ بنانے کے عزم کااعادہ کیاگیا۔

الیکشن کمیشن آف پاکستان نے صوبہ خیبر پختونخوا کے بلدیاتی انتخابات کے پہلے مرحلے کے مکمل نتائج اپنی ویب سائٹ پر آویزاں کر دئیے۔الیکشن کمیشن آف پاکستان کی ویب سائٹ کے مطابق یہ نتائج 2 ہزار 382 ویلیج نیبرہڈ کونسلز اور تحصیل کے کامیاب اور کلیئر قرار دیے گئے امیدواروں کے ہیں۔خیبر پختونخوا کے 12 اضلاع کے 213 پولنگ اسٹیشنز میں دوبارہ پولنگ اور دوبارہ گنتی کے کیسز الیکشن کمیشن میں زیرِ التواء ہیں۔الیکشن کمیشن کی جانب سے ان جگہوں پر دوبارہ پولنگ کی تاریخ کا اعلان ابھی تک نہیں کیا گیا۔امیدواروں کے انتقال کے باعث ملتوی کیے گئے الیکشن کے لیے الیکشن کمیشن کی جانب سے پولنگ کا دوبارہ اعلان کیا گیا۔الیکشن کمیشن کے مطابق امیدواروں کے انتقال کے باعث جن نشستوں پر انتخاب نہیں ہوا تھا وہاں 13 فروری کو الیکشن ہو گا۔