Daily Archives: February 2, 2022

شعبہ زراعت کےاسسٹنٹ پروفیسر شاہ فہد کو کا مزٹک ریسرچ ایوارڈ سے نوازا گیا۔ ڈاکٹر شاہ فہد نے سال 2021 کا ایوارڈ جیت لیا ہے۔ یہ ایوارڈ ہر دو سال میں سائنس اور تحقیق کے حوالہ سے انتہائی اعلیٰ کارکردگی کی بنیاد پر اسلامی تعاون کی تنظیم کے رکن ممالک کے شہریوں یا وہاں کام کرنے والے سائنسدانوں کو دیئے جاتے ہیں۔ واضح ہو کہ ڈاکٹر شاہ فہد ہری پور یونیورسٹی کے ان پانچ نئے فیکلٹی ممبران میں بھی شامل ہیں جن کے نام اسٹینفورڈ یونیورسٹی امریکہ کی دنیا کے دو فیصد بہترین  سائنسدانوں کی فہرست میں شامل ہیں۔

ہری پور یونیورسٹی میں ان کی تعیناتی گزشتہ دو سالوں کے دوران ہوئی، یہ امر یونیورسٹی میں میرٹ کی بنیاد پر تقرریوں اور شفافیت کی عکاسی کرتا ہے۔ ہری پور یونیورسٹی کے وائس چانسلر پروفیسر انور گیلانی (HI) اور یونیورسٹی کی فیکلٹی اور انتظامیہ نے ڈاکٹر شاہ فہد کو ان کی شاندار کامیابی، خصوصاً ہری پور یونیورسٹی کا نام ایک بار پھر بین الاقوامی فورمز پر روشن کرنے پر مبارکباد دی۔

پشاور ۔ یونائیٹڈ نیشن ڈیولپمنٹ پروگرام یو این ڈی پی اور پاکستان کمیشن برائےترقی نسواں کے زیراہتمام مقامی ہوٹل میں تقریب کا انعقاد کیا گیا تقریب کا موضوع دنیا بھر میں رونما ہونے والے قدرتی آفات اور خواتین پر ان کے اثرات کے حوالے سےتھا تقریب میں صوبائی مشیر برائے اطلاعات و نشریات بیرسٹر محمد علی سیف پاکستان کمیشن برائے ویمن اسٹیٹس کی چیئرپرسن نیلوفر بختیار صوبہ خیبر پختونخواہ سے نمائندہ روبی خان ایڈووکیٹ تاجر رہنما غلام بلال جاوید ممبر صوبائی اسمبلی سمیرا شمس سمیت دیگر مختلف شعبوں سے تعلق رکھنے والی خواتین اور سول سوسائٹی کے نمائندوں نے شرکت کی اس موقع پر شرکاء کو دنیا بھر میں خصوصاً پاکستان میں رونما ہونے والے افراد کرونا اور دیگر مسائل کی وجہ سے خواتین پر ان کے اثرات کے حوالے سے تفصیلی بریفنگ دی گئی اس موقع پر تقسیم کی تقریب سے خطاب کرتے ہوئے وزیراعلی کے مشیربرائے اطلاعات و نشریات بیرسٹر محمد علی سیف نے کہا کہ حکومت ہر سطح پر خواتین کو اگے لانے ان کو ترقی دینے اور ان کو جائز مقام دلانے کے لیے اپنی کوششیں بروئے کار لا رہی ہے اور اس سلسلے میں پاکستان کمیشن برائےترقی نسواں کی کوشش قابل تحسین ہیں اس موقع پر نیلوفر بختیار نے تقریب میں آئے مہمانوں کا شکریہ ادا کرتے ہوئے کہا کہ خواتین کو ان کا اپنا جائز مقام دلانے اور معاشرے کی ہر سطح پر ان کا حق تسلیم کرنے کے لئے ہمیشہ کوششیں کی جاتی رہی ہیں تاہم دنیا بھر میں رونما ہونے والے بڑے حالات کے باعث خواتین کی زندگیوں پر براہ راست اثر پڑ رہا ہے اور ان کے لئے خصوصی طور پر قانون سازی کی ضرورت ہے جس کے لیے زیادہ ذمہ داری خواتین ممبرز صوبائی اسمبلی پر عائد ہوتی ہے کہ وہ اپنے گھروں میں بیٹھی خواتین کے لئے بہتر ترقی کی راہیں کھولنے کے لئے قانون سازی کریں اور پاکستانی خواتین کو ترقی یافتہ ممالک کی خواتین کے برابر حقوق دینے اور ان کا معیار زندگی بہتر بنانے کے لیے اقدامات کیے جائیں۔   تقریب کے اختتام پربیرسٹر محمد علی سیف نیلوفر بختیار اور غلام بلال جاوید روبی خان ایڈوکیٹ سمیت دیگر شرکاءنے کیک کاٹا اس موقع پر شرکاء کو ظہرانہ دیا گیا۔