Daily Archives: May 30, 2022

پشاور:خیبرپختونخوا کلچراینڈٹورازم اتھارٹی اور ڈائریکٹریٹ آف یوتھ آفیئرز خیبرپختونخوا کے تعاون سے تین روزہ نیشنل یوتھ ڈیویلپمنٹ کانفرنس کاآغاز ہو گیا۔ جس میں نیشنل یوتھ اسمبلی کے 55 سے زائد اراکین جس میں خیبرپختونخوا کے ضم شدہ اضلاع اور صوبے کے دیگر اضلاع سے نوجوانوں نے نمائندگی کی۔

کانفرنس کے پہلے روز مردوخواتین پر مشتمل گروپ نے گلیات کے مقام پر سمندر کٹھہ کے مقام پر صفائی مہم میں حصہ لیااور وہاں موجود کوڑا کرکٹ اور کچرا اٹھایا۔ تین روزہ کانفرنس مختلف تربیتی پروگراموں اور سیشنز کیساتھ ساتھ صفائی مہم اور سیاحت کے فروغ پر مشتمل ہے۔ کانفرنس کی بہترین چیز ضم اضلاع کے نوجوانوں کو اس میں شامل کرنا ہے تاکہ وہ بھی ان مقامات کی سیرو تفریح کیساتھ ساتھ ان تربیتی سیشن کا حصہ بن سکیں۔ کانفرنس میں آج دوسرے روز مختلف صحت افزا سرگرمیوں کا انعقاد کیا جائے گا جس میں آلودگی سے پاک سیاحت کے فروغ پر مختلف آگاہی مہمات پر عملدرآمد اور اس سے آگاہی سے متعلق تقاریر کی جائینگی۔

پشاور :آج صوبے کے بیشتر اضلاع میں موسم گرم اور ابر الود رہنے کا امکان ہے. محکمہ موسمیات کے مطابق آئندہ 24 گھنٹوں کے دوران چترال، دیر، ملاکنڈ،کوہستان، بٹگرام اور تور غر میں گرج چمک کے ساتھ بارش متوقع ہے۔

 سوات، بونیر، شانگلہ،مانسہرہ، ایبٹ اباد، ہری پور، باجوڑ، خیبر اور کرم میں بھی بارش کا امکان جبکہ چارسدہ، صوابی، مردان اور پشاور میں بھی گرد الود ہوائیں اور ہلکی بارش ہوسکتی ہے۔

گزشتہ چوبیس گھنٹوں میں سب سے زیادہ بارش چراٹ میں 6 ملی میٹر ریکارڈ کی گئی ہے۔اج صوبے میں سب سے زیادہ درجہ حرارت ڈی آئی خان اور بنوں میں 42 ڈگری سینٹی گریڈ ریکارڈ کیا گیا ہے۔

پشاور کےعلاقے یکہ توت میں گھر کے باہر بارودی مواد کے دھماکے میں خاتون سمیت 2 افراد زخمی ہوگئے۔

پولیس کے مطابق پیر کی صبح 400 گرام بارودی مواد سے بم دھماکا کیا گیا۔ دھماکے سے خاتون سمیت 2 افراد زخمی ہوگئے۔
پولیس کا مزید کہنا ہے کہ مقناطیسی بم مکان کے گیٹ پر نصب کیا گیا تھا۔ یہ بھی بتایا گیا کہ دھماکے سے نزدیکی مکانات کو بھی نقصان پہنچا ہے۔ پولیس نے شواہد جمع کرنے کا کام شروع کردیا ہے۔ علاقے کو لوگوں کی آمدورفت کے لیے بند کردیا گیا ہے۔