Daily Archives: August 12, 2022

پاک کونسل آف ورلڈ ریلیجنز فیتھ فرینڈز نے شیخ زید اسلامک سنٹر یونیورسٹی آف پشاور کے اشتراک سے پیوٹاہال یونیورسٹی آف پشاور میں پاکستان کا 75 واں یوم آزادی کا دن منایا جس میں تمام مذاہب کے مذہبی رہنمإ ، مختلف ہیڈ آف ڈیپارٹمنٹ , ڈین فیکلٹیز اور دیگر مکتبہ فکر خواتیں و حضرات نے بڑی تعداد میں شرکت کی۔ اس موقع مقررین میں شیخ زید اسلامک سنٹر کے ڈاٸریکٹر پروفيسر ڈاکٹر رشید احمد، پاکستان سٹڈی سنٹرپروفيسر ڈاکٹر فخر الاسلام، پاک کونسل آف ورلڈ ریلیجنز کے چٸرمین قاری روح اللہ مدنی، پشاور یونیورسٹی کے واٸس چانسلر پروفیسر ڈاکٹر محمد ادریس نے اپنے خیالات کا اظہار کرتے ہوۓ کہا کہ آزادی اللہ تعالی کی بہت بڑی نعمت جو اللہ تعالی نے پاکستان کی صورت میں عطا کی اس ملک جیسا اور اس ملک جیسی آزادی کسی اور ملک میں دیکھنے میں نہیں اتی۔ انہوں نے کہا کہ ملک کی ترقی اور بقإ کے لیے ہمیں اپنے نوجوانوں کی تربیت کرنی ہو گی اور اتفاق اور اتحاد و یکجہتی سے آگے بڑھنا ہو گا۔ ہر ادارے اور ہر فرد کو اپنی زمہ داری نبھانی ہو گی اور دوسروں کے کام میں مداخلت سے گریزکرناہو گا۔ 1973 کے آٸین اور پیغام پاکستان کے اعلامیہ پر سختی سے عملدرآمد کو یقینی بنانا ہوگا۔ ہمیں اپنے اداروں اور بلخصوص دفاعی اداروں کے ساتھ مل کر اپنے ملک کی بقإ اور ترقی کو آگے بڑھانا ہو گا۔

ہر دل عزیز وادی کیلاش کی جان وادی کیلاش کی شان کیلاش کی آن لفظ انسانیت کے نام پر خدمت کرنے والا بے تاج بادشاہ تعلیم خان کیلاش نے آج موئے کرویلہ کو اس کے فیملی سے ملاقات کروایا ۔
آج وادی کیلاش بریر سے تعلق رکھنے والے موئے کرویلہ نے 32 سال بعد اپنی فیملی سے ملاقات کیا ۔موئے کرویلہ 32 سال پہلے یونان کے ایک لڑکے سے پسند کی شادی ہوئی تھی اور موئے کرویلہ کے ہاں دو بیٹے اور ایک بیٹی پیدا ہوئی اور یہ اپنی پسند کی شادی کیا تھااپنی زندگی سے بہت خوش ہیں یہ ۔ پانچ سال پہلے اس کے میاں بھی وفات ہوۓ ہے فیملی سے ملاقات ہوا تو پورا فیملی خوشی سے نڈھال ہوا اور فیملی بہت خوش ہوا مل کر اور رشتہ داروں نےاپنی بیٹی سے ملے تو ان کےآنکھوں میں خوشی کی آنسو تھی اور پورا فیملی خوش تھےاور اپنی بیٹی کی برسوں بعد اپنے گھر آمد پر مہمانوں کے ہمراہ شانداراستقبال کیا ۔ موئے کرویلہ کا پورا فیملی نے تعلیم خان کیلاش اور اس کے ٹیم کا خصوصی شکریہ ادا کیا ۔ موئے کرویلہ کا کہنا ہے کہ میرا یقین نہیں تھا کہ میں کبھی اپنا گاؤں جاؤںگا دوبارہ یہ سب تعلیم خان کی مہربانی سے ہوا موئے کرویلہ نے بھی تعلیم خان کیلاش کا خصوصی شکریہ ادا کی۔ تعلیم خان کیلاش اور اس کی ٹیم کی طرف سے غریبوں کی بیماری کے وقت پے علاج اور مددبھی کرتے ہیں۔اہلیان وادی کلاش نے تعلیم خان کیلاش اور اس کی ٹیم کا خصوصی شکریہ ادا کیا ۔

لفظ انسان انسانیت سے ہے اور انسانیت احساس سے جڑی ہوتی ہے احساس نہیں تو انسانیت کا سوال ہی پیدا نہیں ہوتا_ اسی احساس کے تحت وادی کے ایک سماجی کارکن تعلیم خان کیلاش ان کے لئے رحمت کا وسیلہ بن گئے۔ انہوں نے موئے کرویلہ کو اس کے خاندان سے ملاقات کروانے کی ٹھان لی۔

پشاور میٹرو پولیٹن سٹی کا بجٹ  منظور۔ بل تحصیل کونسل میں پیش کیا گیا۔ بجٹ کا کل حجم 4 ارب 40 کروڑ 96 لاکھ روپے ہے

بجٹ میں کمیونٹی ترقی کے لئے 6 کروڑ روپے رکھے ہیں ۔ باغات ،انتظارگاہ کے لئے 5 کروڑ 70 لاکھ روپے شامل

واٹر سپلائی اینڈ سنیٹیشن کے لئے 11 کروڑ 41 لاکھ بجٹ میں مختص۔ قدرتی آفات اور وباء کے لئے 75 لاکھ روپے مختص ہوئے

اسٹریٹ لائٹ کے لئے 5 کروڑ روپے رکھے گئے ہیں ۔ صوبائی حکومت سے 91 کروڑ 85 لاکھ روپے بجٹ میں شامل ہیں ۔1ارب 19 کروڑ روپے ملازمین کو تنخواہوں کی مد میں دئیے جائیں گے ۔

پشاور: پراوینشیل ڈیزاسٹر مینجمینٹ اتھارٹی ( پی ڈی ایم اے ) خیبر پختونخوا نے شمالی وزیرستان اور ضلع خیبرکے متاثرین کیلئے 29 کروڑ 64 لاکھ روپے کے فنڈز ریلیز کر دئے جو کہ حسب معمول موبائل میسیجنگ کے ذریعے سے انہیں ائندہ ایک دو روز میں موصول ہو نا شروع ہو جائینگے ۔ ڈائریکٹر جنرل پی ڈی ایم اے شریف حسین کے دفتر سے جاری شدہ ایک پریس ریلیز میں بتایا گیا ہے کہ مذکورہ فنڈز ماہوار نقد امداد اور راشن کی مد میں ریلیز کئے گئے ہیں جو شمالی وزیرستان کے 14 ہزار چھ سو رجسٹرڈ متاثرین خاندانوں میں 12 ہزار روپے اور اٹھ ہزار روپے شمالی وزیرستان اور ضلع خیبر کے متاثرین میں فی خاندان کے حساب سے دئے جا رہے ہیں ۔ پریس ریلیز میں بتایا گیا ہے کہ مذکورہ ریلیز شدہ فنڈز چھ ہزار سے زائد ان خاندانوں کو بھی دئے جا رہے ہیں جن کی حال ہی میں افغانستان سے واپسی ہو ئی ہے اور نادرا سے باقاعدہ تصدیق شدہ ہیں ۔ پریس ریلیز کے مطابق شمالی وزیرستان کے متاثرین کو دی جانے والی یہ 96 ویں قسط ہے جبکہ راشن کی مد میں دی جانے والی فنڈز کی دسویں قسط ہے جو کوویڈ 19 کے دوران راشن کی بندش کے بعد سے صوبائی حکومت کی طرف سے متاثرین کو دی جا رہی ہے ۔ ڈی جی پی ڈی ایم اے نے مزید بتایا ہے کہ پی ڈی ایم اے ہر قسم کی قدرتی اور بشری افات کے موقع پر عوام کی فوری اور یکساں خدمت کیلئے ہمیشہ کوشاں رہتی ہے۔

ضلعی انتظامیہ بونیرکے زیراہتمام مقابلے کے امتحانات (CSS &PMS) کے تیاری کے سلسلے میں یونیورسٹی آف بونیرمیں خواہشمند طلبا وطالبات کے لیے سیمینارکا انعقادہوا۔

ضلعی انتظامیہ بونیرکے انتظامی آفیسرزنے امتحانات کی تیاری کے حوالے سے طلبااورطالبات کو مفید گائیڈلائن اورلیکچردیے۔

سیمینارمیں کثیرتعدادطلبا کی موجود تھی جنہوں نے انتظامی آفیسرزسے سی ایس ایس/پی ایم ایس کی تیاریوں کے سلسلے میں سوالات پوچھے جس کے جوابات دیے گئے۔ ضلعی انتظامیہ بونیرمختلف مواقع پرمقابلے کے امتحانات کی تیاریوں کے سلسلے میں سیمینارز کا انعقاد کرتی رہتی ہے جس کامقصدضلع بونیرکے خواہشمندطلبا اورطالبات کو گائیڈ کرکے انتظامیہ میں آنے کے مواقع پیداکرناہے۔

محکمہ اعلی تعلیم خیبرپختونخوا نے انجنئیرنگ ٹیسٹ فیس کم کرنے کا اعلان کردیا. خیبرپختونخوا وزیر برائے اعلیٰ تعلیم کامران بنگش نے  پریس کانفرنس کے دوران بتایا کہ انجینئرنگ جامعات میں داخلے کے لئے انٹری ٹیسٹ فیس 500 روپے کردی گئی ہے.

انٹری ٹیسٹ کے لیے داخلہ فیس 2500 روپے سے کم کرکے پانچ سو روپےکی گئی ہے۔  کامران بنگش نے کہا کہ اب امیر اور غریب دونوں کے بچے انجینئرنگ یونیورسٹیز کے لیے ایٹا ٹیسٹ دے سکیں گے۔ انھوں نے کہا کہ رواں سال 21 ستمبر کو ایٹا کا ٹیسٹ منعقد کرائیں گے جبکہ انجینئرنگ کالجز داخلہ ٹیسٹ سے منفی مارکنگ کا اصول ختم کر دیا گیا۔ منفی مارکنگ ختم کرکے طلباء کے اعتماد کو بحال کیا گیا. 

انجنئیرنگ کالجز داخلہ ٹیسٹ میں طلباء 200 کے بجائے 100 سوالات کے جوابات دیں گے۔ ٹیسٹ کا 120 منٹ کا ٹائم کر دیا گیا ہے. کامران بنگش نے بتایا کہ طلبہ کو اطلاع دیتا ہوں کہ ٹیسٹ کے طریقہ کار کو تبدیل نہیں کر رہے۔

انھوں نے کہا کہ محکمہ اعلی تعلیم نے پیشہ ورانہ تعلیم کو پروموٹ کرنے کے لیے اہم اقدامات اٹھائے ہیں۔ جن میں صوبے میں اعلیٰ تعلیم کے ریجنل ڈائریکٹوریٹ کا قیام شامل ہے جبکہ ساڑھے تین ارب روپے سے زائد بیل آؤٹ پیکج جامعات کو ریلیز کر چکے ہیں. 

قبائلی اضلاع میں نئے ڈگری کالجز بنا چکے ہیں، جہاں کلاسز جاری ہیں اور ترجیحی بنیادوں پر لڑکیوں کی تعلیم کے لیے سہولیات فراہم کیے ہیں. کامران بنگش نے مزید کہا کہ رواں سال 35 نئے ڈگری کالجز صوبے میں بنا رہے ہیں. صوبہ بھر کے کالجز میں نئے بی ایس بلاک بن رہے ہیں. 

پہلی دفعہ سیاسی وابستگی کے بغیر فزیبلٹی کی بنیاد پر 31 کالجز کی منظوری دے چکے ہیں. قبائلی اضلاع کے کالجز میں 1.7 ملین روپے کی لاگت سے سولرائزیشن کر رہے ہیں. کامران بنگش بتایا کہ پاکستان تحریک انصاف نے صوبے میں اب تک چار نئی جامعات بنائی ہیں. جامعات اور کالجز میں سکالرشپس کے پانچ سکیمیں چل رہی ہیں۔ 

خیبرپختونخوا سے قومی اسمبلی کی خالی۔نشستوں پر انتخابات، کل 13 اگست کاغذات نامزدگی جمع کرانیکی آخری تاریخ ہے۔ ان حلقوں میں این اے، 22مردان، این اے 24چارسدہ، این اے 31پشاور، این اے 45کرم، شامل ہیں۔
شیڈول کے مطابق پولنگ 25ستمبر، 2022 کو ہوگی، 14اگست 2022 کو امیدواروں کے نام شائع کئے جائینگے۔ 17اگست تک کاغذات نامزدگی کی جانچ پڑتال کی جائیگی۔ ریٹرننگ افسران کی جانب سے کاغذات کی منظوری یا مسترد ہونیکے خلاف اپیلیں 20اگست تک جمع کئے جاسکیں گے۔ ٹرائیبونل کی جانب سے ان اپیلوں پر فیصلے 25اگست تک کیے جائینگے۔ 26اگست کو امیدواروں کی نظرثانی شدہ فہرست جاری کی جائیگی، 27اگست تک امیدوار اپنے کاغذات واپس لے سکیں گے،29اگست کو امیدواروں کو انتخابی نشانات الاٹ کئے جائینگے۔
خواتین کی مخصوص نشست کے لئے پی ٹی آئ کی طرف سے امیدواروں کی ترجیحی فہرست ریٹرننگ آفیسر یعنی صوبائی الیکشن کمشنر خیبرپختونخوا محمد فرید آفریدی کے دفتر واقع شامی روڈ بالمقابل گالف کلب گیٹ نمبر 2 میں دفتری اوقات کے دوران 13 اگست 2022 کو جمع کی جائیگی۔
واضح رہے کہ خواتین کی مخصوص نشست کے لیے امیدواروں کی ختمی فہرست 29 اگست کو جاری کی جائے گی۔ سہیل احمد، ڈپٹی ڈائریکٹر (ایم سی او)

کمیٹی میں تحریک انصاف کے علاوہ تمام سیاسی جماعتیں شامل ہیں۔ کمیٹی کا مشاورتی اجلاس اکرم خان درانی کی رہائشگاہ بنوں میں جاری ہے، اجلاس کے بعد جرگہ وزیرستان جائے گا اور احتجاجی مظاہرین سے مذاکرات کریگا۔

مسلم لیگ ن کے صوبائ ایڈیشنل سیکریٹری جنرل، ترجمان اختیارولی خان اور عمران آفریدی شامل ہیں۔ نجم الدین خان، میاں افتخار حسین، سکندر شیرپاو اپنی اپنی جماعتوں کی نمائیندگی کر رہے ہیں۔ ڈاکٹر ذاکر شاہ، فیاض خان، مختیار باچہ اور عطاءالحق درویش بھی شریک ہیں۔