Daily Archives: August 25, 2022

دیر بالا براول شلتلو میں سیلابی ریلے کے نظر ہونے والے بچوں کا نمازِ جنازہ شاہی گراونڈ میں ادا کردیا گیا۔
جنازے میں اے سی ثمرباغ حمزہ عباس ، صوبیدار میجر دیرسکاوٹس نصیب گل سمیت اہلیانِ علاقہ نے شرکت کی
یادرہے کہ کل سکول سے واپسی کے وقت براول شلتلو کے ذاکر اللہ کی بیٹیاں 6 سالہ حناء اور 8 سالہ تجلّا ، امان اللہ کے بچے 8 سالہ نعمان اور 10 سالہ ذوبیدہ اور جماد آمان کی بیٹی 7 سالہ وریشہ سیلابی ریلے میں بہہ کئی تھیں۔مقامی لوگوں نے اپنی مدد آپ کے تحت ذوبیدہ ، وریشہ اور تجلّا کی لاشوں کو سیلابی ریلے کے ملبے سے نکال لیا تھا جبکہ نعمان اور حناء بی بی کی لاش اب تک نہیں ملی ہے۔
آج تینوں بچوں کا جنازہ شاہی ریسٹ ہاوس گراونڈ میں اداکیا گیا واقعے پر علاقے بھر میں غم کا سماں ہے جبکہ لاپتہ بچوں کی تلاش میں ریسکیو 1122 دیر کے نوجوان اور علاقائ لوگ مصروف ہیں۔

سیلاب سے متاثرہ مختلف اضلاع کےلیے مزید امدادی سامان روانہ کردیا گیا۔

پی ڈی ایم اے کی جانب سے35 ٹرک امدادی سامان ڈی آئی خان جبکہ 9 ٹرک امدادی سامان اپر چترال روانہ ہوا۔

‏ضلعی انتظامیہ ڈی آئی خان کو2000 خیمے،2000 میٹرس،2000 ترپولن شیٹ 2000 فوڈ پیکجز بھیج دیے گئے۔ فوڈ پیکجز میں گندم، خشک دودھ، دالیں، چاول، گھی، چینی اور چائے شامل ہے.

‏ضلعی انتظامیہ اپرچترال کو200 خیمے،400 میٹرس،350کمبل،50 کچن سیٹ،200 پلاسٹک کی چٹائیاں،200 حفظان صحت کی کٹس،300 کویلٹس، 150 بالٹیاں شامل ہے۔
پی ڈی ایم اے ضلعی انتظامیہ ڈی آئی خان، چترال اور کوہستان کے ساتھ قریبی رابطے میں ہے۔

سوات موٹروے لینڈ سلاٸیڈنگ کی وجہ سے عارضی طور پربند کردی گئ ہے۔

 موٹروے پرایک پہاڑ گرنے کی وجہ سے دونوں راستے بند ہیں۔
ٹرانسپورٹرز اور سفر کرنے والے افراد سے اپیل کی گئی ہے کہ وہ متابادل راستہ اختیار کریں۔

سڑک بند ہونے کی وجہ سے اسلام آباد اور پشاور سے آنے والی ٹریفک کو موٹروے پولیس کی جانب سے پلائی انٹرچینج سے آؤٹ کروایا جا رہا ہے ہے۔

جبکہ سوات سے آنے والی ٹریفک چکدرا کے مقام پر بند کر دی گی۔

 سڑک کی صفائی کا کام شروع کردیا گیا ہے۔  موٹروے پولیس نے کہا ہے کہ عوام سے گذارش ہے کہ موسمی حالات کے پیش نظر غیر ضروری سفر سے گریز کریں۔

سفر شروع کرنے سے پہلے یا کسی مدد کی صورت میں موٹروے پولیس ہیلپ لائن 130 سے رابطہ کیا جا سکتا ہے۔