پشاور: خیبرپختونخوا میں اپنی نوعیت کی پہلے مرکز برائے انسداد متشدد انتہاپسندی کا افتتاح ہوگیا
خیبرپختونخوا کے وزیر برائے اعلیٰ تعلیم کامران بنگش نے پشاور میں دفتر باقاعدہ کھول دیا۔
افتتاحی تقریب میں سیکرٹری اعلیٰ تعلیم داؤد خان اور چیف ایگزیکٹو مرکز برائے انسداد متشدد انتہاپسندی ایاز خان بھی شریک تھے۔
کامران بنگش کا کہنا تھا کہ خیبرپختونخوا کے علاوہ کسی بھی صوبے میں مرکز برائے انسداد متشدد انتہاپسندی نہیں بنا۔ انہوں نے کہا کہ مرکز انسداد متشدد انتہاپسندی کے حوالے سے تحقیقاتی کام کرے گا۔گزشتہ چالیس سال میں خیبرپختونخوا نے ہر قسم آفات کا سامنا کیا.
میڈیا کا کردار بھی انسداد متشدد انتہاپسندی کے حوالے سے اہم ہے۔ 25 فیصد فیلوشپ میڈیا پرسنز کے لیے مختص کر دئیے گئے ہیں.25 فیصد فیلوشپ مدارس طلبہ اور 50 فیصد فیلوشپ میرٹ پر دئیے جائیں گے۔
خواتین اور خصوصی افراد کے لیے بھی مختص فیلوشپ سیٹیں ہیں۔مرکز گھریلو تشدد سمیت تشدد کے دیگر اقسام پر بھی تحقیق کرے گا۔
