Daily Archives: March 5, 2023

پرائم منسٹرزیوتھ پروگرام، ہزارہ ریجن میں والی بال ٹرائلز کا آغاز

پشاور (سپورٹس رپورٹر) وزیر اعظم یوتھ ٹیلنٹ ہنٹ سپورٹس لیگ کے تحت مرد وخواتین ٹرائلز والی بال ٹرائلزہزارہ ریجن میں شروع ہوگئے جس میں کثیر تعداد میں مرد و خواتین کھلاڑیوں نے شرکت کی،اس موقع پرپرنسپل گورنمنٹ گرلز ڈگری کالج ہری پور عائشہ بتول مہمان خصوصی تھی ان کے ہمراہ ڈائریکٹرسپورٹس پشاور یونیورسٹی بحرکرم، ریجنل سپورٹس آفیسر احمد زمان، ڈسٹرکٹ سپورٹس آفیسر ہری پور عاقب رقیب پاکستان ٹیم کے سابق کپتان اور نیشنل سلیکٹر عبدالرحیم ہزارہ یونیورسٹی کے ڈائریکٹر سپورٹس ہزارہ یونیورسٹی خالد جلال شاہ، ڈائریکٹر فاصلاتی نظام تعلیم ڈاکٹر نورزادہ،سلیکٹر ہدایت اللہ خان، خواتین سلیکٹر نیشنل کھلاڑی عائشہ اور سعدیہ سمیت دیگراہم شخصیات موجود تھیں۔ہائیرایجوکیشن کمیشن، پاکستان (ایچ ای سی) کے تحت ٹیلنٹ ہنٹ یوتھ اسپورٹس لیگ والی بال کے ٹرائلز کا سلسلہ جاری ہے گزشتہ روزہزارہ ریجن کے سلسلے میں کمیٹی گراؤنڈ ہری پور میں ہزار ہ ریجن کے ٹرائلز شروع ہوگئے جس میں 200 سے زائد خواتین ومرد کھلاڑیوں نے حصہ لیا۔ ٹرائلز پاکستان کے سابق کپتان اور نیشنل سلیکٹر عبدالرحیم، نیشنل کھلاڑی عائشہ اور سعدیہ کے نگرانی میں منعقد ہوئے جس میں کیمپ کیلئے گیارہ، گیار ہ کھلاڑیوں کو کیمپ کیلئے منتخب کیاجائے گا۔ جس میں کوالیفائیڈ کوچز کے زیر نگرانی مزید ٹریننگ دی جائے گی۔ وزیراعظم یوتھ ٹیلنٹ ہنٹ پروگرام وزیراعظم کے پروگرام کی سربراہ شیزا فاطمہ‘ وزیراعظم کے مشیر امیر مقام‘ ہائر ایجوکیشن کمیشن اسلام آباد کے چیئرمین ڈاکٹر مختار احمد‘ عارف روان‘ڈی جی ایچ ای سی جاوید علی میمن کی کوششوں کی وجہ سے جاری ہے۔شیڈو ل کے مطابق بنوں ریجن میں خواتین ٹرائلز8 اورنو مارچ کو بنوں سپورٹس کمپلیکس میں منعقد ہونگے۔ٹرائلز کے بعد منتخب ہونے والے کھلاڑیوں کو کوچنگ کیمپ میں قابل کوچز کی زیر نگرانی ٹریننگ کروائی جائے گی اور پراونشل لیگ میں کھیلنے کا موقع ملے گا۔ اس مرحلے کی تکمیل کے بعد بہترین کھیل دکھانے والے کھلاڑیوں کو اپنے اپنے صوبے کی جانب سے نیشنل لیگ کا حصہ بنیں گے۔

آل پاکستان انٹر یونیورسٹی تھرو با ل چیمپئن شپ پشاور یونیورسٹی نے جیت لی

خواتین میں کراچی یونیورسٹی فاتح رہی، ڈائریکٹرسپورٹس پشاور یونیورسٹی بحرکرم نے انعامات تقسیم کئے۔
پشاور(سپورٹس رپورٹر) آل پاکستان انٹریونیورسٹی تھروبال چمپئین شپ میں مردوں میں پشاور یونیورسٹی جبکہ خواتین میں کراچی یونیورسٹی نے میدان مار لیا، مردوں میں پشاور یونیورسٹی نے اسلامیہ کالج یونیورسٹی اور خواتین میں کراچی یونیورسٹی نے شہید بے نظیر ویمن یونیورسٹی پشاور کو ہراکر ٹرافی اپنے نام کرلی، اس موقع پر ڈائریکٹرسپورٹس پشاور یونیورسٹی بحرکرم نے فاتح کھلاڑیوں میں انعامات تقسیم کئے ان کے ہمرا ہ ڈپٹی ڈائریکٹر ہائر ایجوکیشن ارشد حسین، ڈائریکٹریس بے نظیر ویمن یونیورسٹی ماریہ ثمین سمیت دیگراہم شخصیات موجود تھیں، ہائیر ایجوکیشن کمیشن کے زیراہتمام اور پشاور یونیورسٹی کے تعاون سے منعقدہ آل پاکستان انٹر یونیورسٹی تھروبال چیمپئن شپ پروقار تقریب میں اختتام پذیر ہوگئی مردوں کے فائنل میں پشاور یونیورسٹی نے اسلامیہ کالج یونیورسٹی کو دو ایک سے شکست دی جبکہ خواتین فائنل میں کراچی یونیورسٹی نے بے نظیر ویمن یونیورسٹی کو دو ایک سے ہراکر ٹرافی اپنے نام کرلی، مردوں میں عبدولولی خان یونیورسٹی مردان جبکہ خواتین میں پشاور یونیورسٹی نے تیسری پوزیشن حاصل کی،چیمپئن شپ میں مردوں کی سولہ اورخواتین کی گیارہ یونیورسٹی کی ٹیموں نے حصہ لیا خواتین کو دو گروپس میں تقسیم کیا گیا ہے گروپ اے میں لاہور کالج فار وومن،یونیورسٹی آف کراچی،اقراء نیشنل یونیورسٹی پشاور،یونیورسٹی آف پشاور،عبدالولی خان یونیوعرسٹی مردان اوفر اسلامیہ کالج یونیورسٹی پشاور کی ٹیمیں شامل ہیں جبکہ گروپ بی میں یونیورسٹی آف دی پنجاب،بی۔زیڈ یونیورسٹی ملتان،یونیورسٹی آف منجمنٹ اینڈ ٹیکنالوجی لاہور،یونیورسٹی آف صوابی اور شہید بینظیر وومن یونیورسٹی پشاور کو رکھا گیا ہے۔اس طرح خواتین کے مقابلے لیگ کی بنیاد پر۔جبکہ مردوں کے مقابلے ناک آوٹ کی بنیاد پر کھیلے جاگئے۔