Daily Archives: April 3, 2023

پاک ایران بارڈر پر بلوچستان کے ضلع کیچ میں ایرانی سائیڈ سے دہشت گردوں کے حملے میں شہید ہونے والے 4 سکیورٹی اہلکاروں کی نماز جنازہ ان کے آبائی علاقوں میں ادا کردی گئی جبکہ شہداء کی پورے فوجی اعزاز کے ساتھ تدفین کی گئی ہے۔

پاک فوج کے شعبہ تعلقات عامہ (آئی ایس پی آر) کے مطابق نائیک شیر احمد کی نما جنازہ کہراڑ بزدار تونسہ، نائیک محمد اصغر کی نماز جنازہ کوٹ ادو، سپاہی نرسنگ عبدالرشید کی نماز جنازہ صحبت پور اور سپاہی محمد عرفان کی نماز جنازہ ڈیرہ غازی خان میں ادا کی گئی۔

نماز جنازہ میں اعلیٰ حاضر سروس اور ریٹائرڈ فوجی افسران، سولجرز اور مختلف شعبہ ہائے زندگی سے تعلق رکھنے والے افراد اور شہداء کے عزیز و اقارب نے شرکت کی۔

آئی ایس پی آر کا کہنا ہے کہ شہداء کو پورے فوجی اعزاز کے ساتھ سپرد خاک کیا گیا۔

واضح رہے کہ بلوچستان کے ضلع کیچ کے علاقے جلگئی سیکٹر میں ایرانی حدود سے دہشت گردوں نے حملہ کیا جس کے نتیجے میں 4 سکیورٹی اہلکار شہید ہوگئے تھے۔

آئی ایس پی آرکے مطابق پاکستان کی مسلح افواج ہر قیمت پر دہشت گردی کی لعنت کے خاتمہ کے لئے پرعزم ہیں، یہ قربانیاں دہشت گردوں کے خلاف عزم کو اور مضبوط کرتی ہیں، مستقبل کی نسل کے لئے پرامن پاکستان فراہم کرنے کے لئے یہ عزم جاری رہے گا۔

خیبر پختونخوا میں بارشوں کا ایک اور سلسلہ شروع ۔

پی ڈی ایم اے نے بارشوں کےپیش نظر ضلعی انتظامیہ اورمتعلقہ اداروں کو پیشگی اقدامات اٹھانے کی ہدایات کردی ہے۔ ادارے کی جانب سے بھیجے گئے مراسلے میں کہا گیا ہے کہ تیز بارشوں کے باعث بالائی اضلاع میں لینڈ سلائیڈنگ کا خدشہ ہے۔

ضلعی انتظامیہ چھوٹی بھاری مشینری کی دستیابی یقینی بنائیں۔- صوبے کے بعض اضلاع دیر، سوات، کوہستان، مانسہرہ میں طغیانی کا خدشہ ۔

بارشوں سے درجہ حرارت میں کمی کا امکان ہے۔ بارشوں کا یہ سلسلہ بدھ کے روز تک جاری رہنے کا امکان ظاہر کیا گیا ہے۔

سیاحوں کو ہدایت کی گئی ہے کہ  دوران سفر خصوصی احتیاطی تدابیر اختیار کریں۔