میران شاہ میں پشتو مشاعرہ برائے سال 2023 کی تقریب منعقد کی گئی ۔ تقریب میں کل 51 شعراء کرام نے حصہ لیا ۔ میران شاہ سے 15 ، میر علی سے 10 ، سپن دام سے 7 ، غلام خان سے 5 ، دتہ خیل سے 17 دوسلی سے 4 اور شیوا سے 2 ۔ تمام شعراء کرام نے پشتو مشاعرے میں نہایت جوش و جذبے سے حصہ لیا اور اپنے کلام سے سامعین کو خوب محظوظ کیا ۔
جی او سی سیون ڈویژن میجرجنرل محمد نعیم اختر تقریب کے مہمان خصوصی تھے ۔ اس موقع پر کمانڈنٹ ٹوچی سکاوٹس بریگیڈیئر رضوان شریف ، ایڈیشنل ڈپٹی کمشنر بشیر احمد اور ڈی پی او سلیم ریاض بھی موجود تھے عسکری ، سول انتظامیہ ، ملک و مشران اور میڈیا ممبران کی کثیر تعداد نے شرکت کی ۔ بہترین شعراء کرام کے انتخاب کے لیے قابل اور اعلی تعلیم یافتہ پشتو شعراء پر مبنی تین ججز کا Panel تشکیل دیا گیا ۔
تقریب سے خطاب کرتے ہوئے جی اوسی نے کہا کہ تعلیم اور ادب ایک سکے کے دو رخ ہیں۔ جن قوموں میں شعور ہوتا ہے وہ اپنے اچھے بُرے کی پہچان کر سکتی ہیں۔ جی اوسی نے تعلیم کے سلسلے میں شمالی وزیرستان میں کیے گئے اقدامات کے بارے میں شر کاء کو آگاہ کیا ۔
1200 ضرورت مند ، غریب اور یتیم بچوں کے لیے 9 عدد ہاسٹل کا قیام جن میں مفت تعلیم اور رہائش دی جارہی ہے ۔ شمالی وزیرستان میں فوج کل 102 سکولوں کی سر پرستی کر رہی ہے ۔ تاکہ معیاری تعلیم یقینی بنائی جاسکے ۔ یتیم بچوں کی پرورش کے لئے آغوش سنٹر کا قیام کیا جارہا ہے ۔ آن لائن کلاسز کے لئے بہترین پشتو سپیکینگ اساتذہ کو مدعو کیا جارہا ہے ۔
آخر میں جی او سی نے تمام شعراء کرام کی حوصلہ افزائی کیلئے نقد انعامات تقسیم کیے ۔ پہلی پوزیشن لینے والے کو موٹر سائیکل ، دوسری پوزیشن والے کو لیپ ٹاپ اور تیسری پوزیشن لینے والے دو شعراء کرام کو موبائل فون دیے گئے۔ حجز حضرات کو نقد انعامات دیے گئے ۔
