تہت

تور غر: پولیس قربانیوں کو خراج تحسین پیش کیا گیا

تور غر: پولیس لائن جدباء میں یومِ شہداء کے نام سے ایک تقریب منایا گیا جس کا مقصد شہداء پولیس کو خرج تحسین پیش کرنا تھا۔

ضلعی پولیس سربراہ بلال احمد (PSP) اور ڈپٹی کمشنر تورغر ضیاء الرحمان مروت نے یادگار شہداء پر سلامی دی اور پھول چڑھائے اور خصوصی دعائیں بھی مانگی گئیں۔ تقریب میں ،میڈیا کے نمائندے، پولیس آفیسران تاجر برادری، سکولز کے سٹوڈنٹس، علاقہ معززین سمیت لواحقین شہداء پولیس، اور زندگی کے ہر مکتبہ فکر کے لوگوں نے بڑھ چڑھ کر حصہ لیا۔ تقریب میں شہدائے پولیس کو خراج تحسین پیش کرنے کیلئے ملی نغموں، تقاریر کا بھی اہتمام گیا گیاتھا۔

تقریب میں مولانا طاہر تقریر کرتے ہوئے کہا کہ ہمیں اپنے شہداء پر فخر ہیں جنہوں نے ملک کی بقاء اور سالمیت کے خاطر اپنے قیمتی جانوں کا نذرانے پیش کئے۔ انھون نے مزید کہا کہ شہید کبھی مرتا نہیں۔ ڈپٹی کمشنر ضیاء الرحمان مروت نے خطاب کرتے ہوئے کہا کہ آج جو امن کی فضاء قائم ہے یہ شہدائے پولیس کی قربانیوں کا مرہون منت ہے اور میں شہدائے پولیس کے ورثاء کو خراج تحسین پیش کرتا ہوں۔ ہم اپنے وطن کی حفاظت کے خاطر قربانی دیتے رہیں گے۔ ہمارے عزم اور ارادے بلند ہے اور میں پولیس کا شکریہ ادا کرتا ہوں کہ آپنے پولیس شہداوں کویاد کرنے کے لیے پروگرام کا انعقاد کیا۔ضلعی پولیس سر براہ تورغر بلال احمد (PSP)نے کہا کہ ہر دور کے اپنے ہیرو ہوتے ہیں اور ہر کسی کو اپنے ہیرو پر ناز ہوتا ہے۔ خیبر پختونخواہ پولیس کا آفیسران اور جوان شجاعت اور دلیری کے میدان میں ہیرو ہیں۔ اور زندہ قومیں ہمیشہ اپنے ہیروز کو یاد رکھتی ہے۔ خیبر پختونخوا پولیس کے وہ افیسران قابل فخر ہیں جنہوں نے اپنے شہداء کو خراج تحسین پیش کرنے کیلئے یوم شہداء پولیس کے نام سے ایک عمدہ اور روشن مثال قائم کی ہے۔ انہی روایت کو اپناتے ہوئے خیبر پختونخواہ پولیس ہر سال 04اگست کو یومِ شہدائے پولیس منانے کا فیصلہ ایک ایسی روایت کی ابتداء ہے جو اگے چل کر محکم ہو گی جو شہدائے پولیس کے لواحقین کو احساس تفاخر اور عوام کو حوصلہ دینے کیساتھ ساتھ پولیس کے افسروں اور جوانان کے جذبوں کو آگے بڑھائے گی۔

دی

ڈیرہ اسماعیل خان: یوم شہداءپولیس کے حوالے سے تقریب کا انعقاد

ڈی آئی خان: اعجاز شہید پولیس لائنز ڈیرہ اسماعیل خان میں 4 اگست یوم شہداءپولیس کے حوالے سے ایک پروقار تقریب کا انعقاد کیاگیا۔

 تقریب میں شہداءکے بچوں نے تقاریر اور ٹیبلوز پیش کرکے شہدائے پولیس کو زبردست الفاظ میں خراج عقیدت پیش کیا۔ تقریب سے خطاب کرتے ہوئے ڈسٹرکٹ پولیس آفیسر ڈیرہ عبدالرﺅف بابر قیصرانی نے کہا کہ شہداء ہمارے ماتھے کا جھومر ہیں شہداء اور غازیوں کی قربانیوں سے آج ہم امن کی فضاء میں بیٹھے ہیں،شہدائے پولیس ہمارے سر کا تاج ہیں شہداءکے خاندانوں کو کبھی تنہا نہیں چھوڑا اور نہ ہی چھوڑیں گے۔

انہوں نے کہا کہ شہداءکی قربانیاں ملکی سلامتی کا باعث ہیں۔ ڈی پی او نے تقریب سے خطاب کرتے ہوئے کہا کہ دہشتگردی کی جنگ میں ہمیں ایسے دشمن کا سامنا ہے جس کاچہرہ تک نہیں نظر نہیں آتا۔ انہوں ںنے کہا کہ شہداءکو ہر جہان میں عزت ملتی ہے اور انہیں عزت والا رزق بغیر کسی حساب کے ملتا ہے، ڈی پی او کا کہنا تھا کہ شہیدوں کے نام سے ہمیں طاقت ملتی ہے۔ انہوں نے کہا کہ جب یزیدیت ختم نہیں ہوئی تو ہم حسین کے جانثار کس طرح پیچھے ہٹ سکتے ہیں۔ ڈی پی او نے اپنے خطاب میں شہدائے پولیس اور غازیان پولیس کو بھرپور انداز میں خراج عقیدت پیش کیا۔

تقریب کے مہمان خصوصی ڈسٹرکٹ پولیس آفیسر ڈیرہ اسماعیل خان عبدالرﺅف بابر قیصرانی تھے۔ اس موقع پر ایڈیشنل ایس پی افتخار شاہ،اے ایس پی علی عبداللہ خالد،ڈی ایس پی ہیڈکوارٹر سید اصغر علی شاہ‘ ڈی ایس پی حافظ محمد عدنان‘ ڈی ایس پی سردار عالمگیر،ڈی ایس پی لیگل محمد عمران کنڈی،ڈی ایس پی ایف آر پی سلیم طارق،ڈی ایس پی انوسٹی گیشن انور خان خٹک سمیت پولیس افسران اور اہلکاروں کی ایک بڑی تعداد موجود تھی۔ تقریب میں شہدائے پولیس کی فیملیز اور غازیان پولیس نے بھرپور طریقے سے شرکت کی۔

Waziristan

جنوبی وزیرستان میں 4 اگست یوم شہداء پولیس عقیدت واحترام سے منایاگیا

وانا:  جنوبی وزیرستان میں 4 اگست یوم شہداء پولیس بڑی عقیدت واحترام سے منایاگیا۔ اس حوالے سے مرکزی تقریب جنوبی وزیرستان لوئروانا انتظامیہ ہال میں منعقد ہوئی۔
تقریب میں ہرمکتبہ فکر کے لوگوں نے شرکت کرنے کے علاوہ پولیس شہداء لواحقین ،ڈپٹی انسپکٹرجنرل فرانٹئیرکور (South PK)اور سکاؤٹس فورس کے بریگیڈیئر،ڈپٹی کمشنر، ڈسٹرکٹ پولیس آفیسر,اسسٹنٹ کمشنروانا قومی مشران نے شرکت کی،
مقررین نے کہاکہ پولیس شہداء کی قربانیوں کو ہمیشہ یاد رکھا جائے گااور خیبرپختونخوا پولیس ہمارا فخر ہے.
انہوں نے کہاکہ وزیرستان پولیس نے مشکل حالات میں کام کیاہے اس موقع پر شہید پولیس اہلکاروں کے لواحقین میں اعزازی انعامات تقسیم کئے گئے
قومی عمائدین نے کہاکہ ہمیں پولیس کی مسلسل بہادری پر فخر ہے، ہم ملکی سلامتی کے لئے ہر قسم کی قربانی دینے کے لئے پولیس فورس کے شانہ بشانہ ہے۔ اس موقع پر پولیس شہداء کے لئے دعا کی گئ۔

p

چارسدہ: پولیس یوم شہداء کے موقع پر بلڈ ڈونیشن کیمپ کا انعقاد

چارسدہ: پولیس کا یوم شہداء کے موقع پر شہداء کی یاد میں بلڈ ڈونیشن کیمپ کا انعقاد۔

ضلع چارسدہ میں یو م شہداء پولیس نہایت احترام اور عقیدت سے منائی جارہی ہے، چارسدہ پولیس نے شہداء کی یاد میں پولیس لائن چارسدہ میں بلڈ ڈونیشن کیمپ کا بھی انعقاد کیا۔ بلڈ ڈونیشن کیمپ میں پولیس شہداء کو عقیدت پیش کرنے اور ان کے ایصال و ثواب کے لئے ڈی پی او چارسدہ محمد عارف، ایس پی انوسٹی گیشن رجب علی خان، ڈی ایس پی ٹریفک شہشاہ گوہر خان، ڈی ایس پی سرڈھیری صنوبر خان اور دیگر پولیس افسران و اہلکاروں نے خون کے عطیات پیش کئیے۔

ڈسٹرکٹ پولیس آفیسر چارسدہ محمد عارف نے کہا کہ خون کے عطیات کا مقصد شہداء پولیس کوعقیدت پیش کرنا،ان کے ایصال و ثواب اوران کی لازوال قربانی کی یاد تازہ کرناہے۔ہمیں اپنے شہداء اور ان کے خاندانوں پر فخر ہے۔