Daily Archives: October 17, 2023

شمالی وزیرستان کی تحصیل غلام خان کے سکول باب وزیرستان میں سالانہ تقریب تقسیمِ انعامات کا انعقاد کیا گیا۔ جس میں سول و عسکری حکام، ملک و مشران، اساتذہ اور بچوں کی کثیر تعداد نے شرکت کی۔
سکول باب وزیرستان مکمل طور پر پاک فوج کے زیر انتظام ہے۔ جس میں مقامی اساتذہ کے علاوہ، پاک فوج کے اعلی تعلیم یافتہ افراد بھی سکول میں اساتذہ کی خدمات سر انجام دے رہے ہیں۔ سکول میں کل 171 طلباء زیر تعلیم ہے جس میں 82 لڑکے اور 89 لڑکیاں شامل ہیں۔
تقریب کا باقاعدہ آغاز تلاوت قرآن پاک سے کیا گیا۔اس کے بعد سالانہ نتائج کا اعلان کیا گیا اور اچھی کارکردگی دکھانے والے طلباء اور طالبات میں نقد انعامات کے ساتھ ساتھ اعزازی اسناد بھی تقسیم کی گئیں۔
کمانڈنگ آفیسر غلام خان نے تقریب سے خطاب کرتے ہوئے تمام شرکا ء کا شکریہ ادا کیا اور انہیں معاشرے میں مرد و خواتین کیلئے تعلیم کی اہمیت کے بارے میں آگاہی دی۔
تقریب کے شرکاء نے علاقے میں امن و استحکام قائم رکھنے اور شمالی وزیرستان کی عوام کی صحت و تعلیم کے لیے پاک فوج کی جانب سے کی جانے والی کوششوں کو سراہا اور قیام امن کیلئے پاک فوج کے ساتھ بھرپور تعاون کا یقین دلایا۔

پاکستان بلائینڈ ایسوسی ایشن کے زیراہتمام عالمی تحفظ سفید چھڑی دن کی مناسبت سے تقریب میں گورنر خیبر پختونخوا حاجی غلام علی کی بحیثیت مہمان خصوصی شرکت

گورنر حاجی غلام علی کا نابینا و معذور افراد کو صوبہ کی یونیورسٹیوں میں مفت تعلیم دینے کا اعلان

گورنر کا یونیورسٹیوں کو معذور افراد کیلئے مختص خالی آسامیوں پر نابینا و معذور افراد کو فوری ملازمتیں فراہم کرنے کی بھی ہدایت

معذور و بصارت سے محروم زیر تعلیم بچوں کیلئے جیب خرچ بھی ہونا چاہئے جس کیلئے محکمہ سماجی بہبود کردار ادا کرے ، گورنر حاجی غلام علی

معاشرے کے بصارت سے محروم بچے و افراد مسائل ومشکلات کا شکار ہیں، گورنر حاجی غلام علی

دیکھنا ہو گا کہ ان افراد کے مسائل و مشکلات کے حوالے سے سسٹم میں کہاں خامیاں ہیں،حاجی غلام علی

نابینا افراد سے متعلق متعلقہ محکموں و تنظیموں کے سربراہان مسائل و مشکلات سے متعلق جامع رپورٹ بھیج دیں تاکہ انکا عملی حل نکالیں،حاجی غلام علی

نابینا افراد و بچے خود کو اکیلا نہ سمجھیں،انکی سرپرستی کرنا اعزاز سمجھتاہوں، گورنر حاجی غلام علی

معذور افراد کو معاشرے کا باوقار شہری بنائیں گے تاکہ وہ کسی کا محتاج نہ ہو سکیں، حاجی غلام علی

ہماری زندگیوں کا مقصد معذور اور دکھی انسانیت کی خدمت کرنا ہونا چاہئے،حاجی غلام علی

ہر ضلع میں ضرورت کی بنیاد پر نابینا بچوں کیلئے اسکول ہونا چاہئیں،حاجی غلام علی

غریب طبقہ کو اوپر نہ لانے سے ناانصافی بڑھتی جائے گی اور معاشرتی مسائل میں اضافہ ہوتا جائے گا،حاجی غلام علی

معذور افراد کے ادارے خدمت و عبادت سمجھ کر اپنے فرائض ادا کریں،حاجی غلام علی

پشاور میں ٹیوب ویلوں کی سولرائزیشن کا آغاز، تین ٹیوب ویلز شمسی توانائی پر منتقل
نگران صوبائی وزیر بلدیات عامر ندیم درانی نے آپریشن کا افتتاح کیا۔

پشاور ( ) واٹر اینڈ سینی ٹیشن سروسز پشاور (ڈبلیو ایس ایس پی) نے ایک اور سنگ میل عبور کرتے ہوئے اسلامک ریلیف کے تعاون سے ٹیوب ویلوں کی سولرائزیشن کا کا آغاز کرلیا، تین ٹیوب ویلوں کو شمسی توانائی پر منتقل کیا گیا ہے جن میں آڈٹ کالونی، گلے بابا اور بہادر کلے ٹیوب ویلز شامل ہیں، مزید 87 ٹیوب ویلوں میں خود کار طریقے سے چلانے کا نظام سکیڈا،پانی کا معیار چیک کرنے اور تجزیئے کے لئے آٹومیٹڈ واٹر ٹیسٹنگ آلہ نصب کیا گیا ہے جس پر 27.34 ملین روپے اخراجات آئے ہیں، ٹیوب ویلوں کو شمسی توانائی پر چلانے سے بجلی بلوں میں بچت ہوگی، مزید تین ٹیوب ویلوں کو شمسی توانائی پر منتقل کرنے کی منصوبہ بندی کی جارہی ہے۔نگران صوبائی وزیر بلدیات انجینئر عامر ندیم درانی نے ٹیوب ویلوں اور سکیڈا آپریشن کا باضابطہ افتتاح کیا، چیف ایگزیکٹو آفیسر ڈاکٹر حسن ناصر، جی ایم پی ایم ای آر سید ضمیر الحسن، زونل منیجر ماریہ شہناز، اسلامک ریلیف کے پراجیکٹ منیجر سرمد رشید، پراجیکٹ انجینئر غلام محمد اور فریداحمد بھی اس موقع پر موجود تھے۔ نگران وزیر کو بتایا گیا کہ ٹیوب ویلوں کی شمسی توانائی پر منتقلی سے آپریشنل اخراجات میں کمی آئے گی، پمپنگ اوقات کنٹرول ہوں گے، سروس ڈیلیوری بہتر، خود کار طریقے سے مانیٹرنگ ہوگی، میکینکل اور الیکٹریکل نقص کا بروقت پتہ لگایا جائے گا، بجلی کا مصرف ریکارڈ اور بجلی چوری کا تدارک ہوگا، سکیڈا کے ذریعے چلانے والے ٹیوب ویلوں کی تعداد 133 ہوگئی، قبل ازیں یونیسف کے تعاون سے 46 ٹیوب ویلوں پر سکیڈا نظام نصب کیا گیا تھا۔ نگران وزیر نے شمسی توانائی سے استفادے کے اقدام پر ڈبلیو ایس ایس پی کی کوششوں کو سراہتے ہوئے کہا کہ ملک اس وقت توانائی کے بحران سے گزر رہا ہے جس سے نمٹنے کا موثر ذریعہ شمسی اور قابل تجدید توانائی ہے، ٹیوب ویلوں کو شمسی توانائی کے ذریعے چلانا کامیاب اقدام ہے، حکومت صوبے بھر میں ٹیوب ویلوں کو شمسی توانائی پر منتقل کرنے کے لئے کام کر رہی ہے، سکیڈا کی تنصیب سے اخراجات کم ہوں گے۔ انہوں نے کہا کہ پشاور کی آبادی بڑھنے سے پانی اور صفائی کے مسائل بھی بڑھے ہیں تاہم ڈبلیو ایس ایس پی کی کوششوں سے شہر میں صفائی ستھرائی کا نظام بہتر ہوا ہے اگر یہ کمپنی نہ بنائی جاتی تو اب حالت خراب ہوتے، کمپنی کو درپیش مسائل کے حل اور فنڈنگ کے لئے اقدامات اٹھائے جارہے ہیں۔

ضلعی انتظامیہ نوشہرہ اور محکمہ امور نوجوانان نوشہرہ کی جانب سے “سکل ہنٹ 1.0” کی اختتامی تقریب کا انعقاد جوان مرکز نوشہرہ میں منعقد ہوا۔

پروگرام کے مہمان خصوصی ایڈیشنل ڈپٹی کمشنر فنانس سر “آصف علی صاحب” تھے۔

پروگرام میں نمایاں پوزیشن حاصل کرنے والے طلبا و طالبات نے حصہ لیا۔

پروگرام میں 20 کے قریب کیٹگریز میں حصہ لینے والے طلبا اورطالبات شریک ہوئے

محکمہ امور نوجوان کے افیسر “فہیم جان درانی” نے نوجوانوں سے خطاب کرتے ہوئے کہا۔کہ اس پروگرام کا مقصد نوشہرہ کہ ان نوجوانوں کو اگے لانا ہے جن میں کوئی نہ کوئی ٹیلنٹ چھپا ہوا ہے۔ اور انشاءاللہ ھم اس پروگرام کو “سکول لیول” کالج لیول” اور “مدرسہ لیول” پر لے کے جا رہے ہیں۔

مہمان خصوصی ایڈیشنل ڈپٹی کمشنر “آصف علی صاحب” نے نوجوانوں کو مخاطب کرتے ہوئے کہا۔کہ آج نوشہرہ کے یہ ٹیلنٹیڈ نوجوان اگے جا کر انشاءاللہ اپنے ٹیلنٹ سے نوشہرہ اور پاکستان کا نام روشن کریں گے۔

آخر میں ونر اور رنر اپ انے والے طلبا و طالبات میں سرٹیفیکیٹس گفٹس اور کیش پرائزز تقسیم کیے گئے۔