Daily Archives: November 2, 2023

                   خیبرپختونخوا میں مقیم غیرقانونی غیر ملکیوں کے حوالے سے جاری ہونے والے سرکاری دستاویز کے مطابق اب تک 51 ہزار سے زیادہ غیرقانونی غیر ملکیوں کا ریکارڈ مرتب کیا گیا ہے، ان میں 25 ہزار سے زیادہ بچے بھی شامل ہیں۔دستاویز میں بتایا گیا ہے کہ پشاور میں سب سے زیادہ غیرقانونی مقیم غیر ملکیوں کی تعداد 22 ہزار 752 تک ہے۔ دستاویز کےمطابق نوشہرہ میں 7ہزار، ڈی آئی خان 11 ہزار، مردان 1900، چارسدہ ہزار سے زائد، ملاکنڈ 207، چترال لوئر 91، سوات 7  اور لکی مروت میں مقیم 30 غیرقانونی طور پر مقیم غیر ملکیوں کا ڈیٹا اکٹھاکیا گیا۔اس کے علاوہ ٹانک 171، ہنگو 961، مانسہرہ 2700، ایبٹ آباد 145،  ہری پور ڈھائی ہزار سے زائد، کوہاٹ ڈیڑھ ہزار، ہنگو 961، بنوں 363 اور کرک میں 146 سے زیادہ غیرقانونی غیرملکیوں موجود ہیں۔دستاویز کے مطابق خیبر میں 5 ہزار، کرم 95 اور باجوڑ میں27 غیرقانونی غیر ملکیوں کا ڈیٹا اکٹھا کیا گیا ہے۔

کرم میں جرگہ کامیاب  قبائل کے درمیان 9 روز سے جاری جھڑپیں رُک گئیں

خیبر پختونخوا کے ضلع کرم میں قبائل کے درمیان 9 روز سے جاری جھڑپیں مذاکرات کے بعد رُک گئیں۔

جرگہ رکن نورجف کے مطابق ضلعی انتظامیہ اور فورسز کے ہمراہ جرگہ نے کامیاب مذاکرات کیے۔9 روز کے درمیان دو قبائل میں جھڑپوں میں افراد جاں بحق اور 105 زخمی ہوئے تھے۔ ضلعی انتظامیہ کےمطابق سیز فائر کے بعد قبائل کے مورچوں پر فورسز کے اہلکار تعینات کر دیےگئے ہیں۔

سابق وفاقی وزیر ساجد طوری نےجنگ بندی کے بعد آمدورفت کے راستے،انٹرنیٹ اور موبائل سروس کو بھی جلد بحال کرنے کا مطالبہ کیا ہے۔

مقامی افراد کا کہنا ہے کہ فائربندی کے باوجود سرکاری حفاظت میں پاراچنار سامان لے جانے والے قافلےکو علاقہ ششو سے مقامی قبائل نے واپس کر دیا۔

ملک میں غیرقانونی رہائش پذیر 5 ہزار 650 افغان شہریوں کو لنڈی کوتل ہولڈنگ سنٹر میں اکھٹا کردیاگیا، افغان کمشنریٹ کیمطا بق ولڈنگ سنٹر میں رکھے گئے افغان شہری 733 خاندانوں پر مشتمل ہیں جس میں کےپی کے 2 ہزار 330 افراد لنڈی کوتل ہولڈنگ سنٹر منتقل کئے گئے تھے پنجاب سے 2ہزار 530 اور اسلام آباد سے 536 افغانی ہولڈنگ سنٹر پہنچ گئے، افغان کمشنریٹ ذرائع کا کہنا تھا کہ ہولڈنگ سنٹر لنڈی کوتل کو آزادکشمیرسے103؛ سندھ سے151 افغان شہری منتقل ہوگئے تھے۔ہولڈنگ سنٹرسے تمام افغانیوں کوطورخم سرحد کی طرف جانے کی اجازت دی گئی، طورخم سرحد پر کلیرنس ملنے کے بعد افغانستان داخل ہوں گے۔

چیف ٹریفک آفیسر قمر حیات خان کی ہدایت پر سٹی ٹریفک پولیس پشاور کے زیر اہتمام دی سٹی سکول حیات آباد میں ٹریفک قوانین سے متعلق آگاہی سیمینار کا انعقاد کیا گیا جس میں ایس پی ایجوکیشن شازیہ شاہد اور ٹیم نے طلباء و طالبات کو آگاہی دی۔ آگاہی سیمینار میں استانیوں‘ طلباء و طالبات اور دیگر نے کثیر تعداد میں شرکت کی۔ ایس پی ایجوکیشن شازیہ شاہد اور ٹیم نے سیمینار کے دوران طلبہ کو روڈ سیفٹی‘ زیبرا کراس‘ سیٹ بیلٹ اور ہیلمٹ کے استعمال اور فوائد سمیت ڈرائیونگ کے اصول اور احتیاطی تدابیر بارے آگاہی دی۔ انہوں نے کہا کہ سیٹ بیلٹ اور ہیلمٹ کے استعمال سے ٹریفک حادثات اور جانی نقصان سے بچا جا سکتا ہے۔ انہوں نے کہا کہ سٹی ٹریفک پولیس مختلف اوقات میں مختلف اداروں میں جا کر طلبہ و طالبات کو ٹریفک قوانین سے متعلق آگاہی دیتی ہے تاکہ ٹریفک حادثات میں کمی واقع ہو اور شہریوں کی زندگیوں کو محفوظ بنایا جا سکے۔ سیمینار کے اختتام پر ایس پی ایجوکیشن شازیہ شاہد نے طلباء و طالبات کو عملی طور پر روڈ کراسنگ کے حوالے سے تربیت دی اور بعد ازاں ان سے ٹریفک قوانین اور روڈ کراسنگ سے متعلق سوالات کئے جس پر طالبات نے صحیح جوابات دیئے۔ دی سٹی سکول حیات آباد کے پرنسپل نے سٹی ٹریفک پولیس پشاور کے اقدامات کو سراہا اور ایس پی ایجوکیشن شازیہ شاہد کو مختلف اوقات میں اس طرح کے آگاہی سیمینار کے انعقاد پر زور دیا اور سٹی ٹریفک پولیس پشاور کے ساتھ ہر قسم کے تعاون کی یقین دہانی کرائی۔

شمالی وزیرستان میں اتمانزئی قوم کے ملکان و مشران نے  کئی مہینوں سے  امن کے لئے رزمک میں جرگے کا آغاز کیا ۔ جرگہ میں اتمانزئی کے تمام قوموں نے شرکت کی اور کئی ماہ کی مشاورت کے بعد اپنے مطالبات  تشکیل  دئے۔ چند ہفتے پہلے  ضلعی انتظامیہ شمالی وزیرستان  اور اتمانزئی قوم   نے  باقاعدہ سے مذاکرات کا آغاز کیا جس میں قوم نے حکومت کے سامنے اپنے مطالبات پیش کئے۔ مطالبت پر کئی نشستیں ہوئی  اور آخر میں متفقہ طور پر ایک تحریری معاہدہ تشکیل دیا گیا۔

 آج مورخہ 01/11/2023 کو   کامیاب  مذاکرات گورنر کاٹیج میرانشاہ میں ہوئے  جس میں ڈپٹی کمشنر ،اتمانزئی مشران کے مابین  اقرار نامہ   انتہائی خوش اسلوبی سے طے پاگیا۔ قوم اتمانزئی اور ڈپٹی کمشنر  نے امن و آمان قائم کرنے  اور علاقے کی ترقی کے  لئے مل بیٹھ کر  کام کرنے کا عہد کیا۔ ڈپٹی کمشنر شمالی وزیرستان منظور احمد آفریدی نے مشران کے مخلصانہ  کردار  و کاوشوں  کو سراہا  اور ان کا علاقے کے امن و ترقی کے حوالے سے مثبت سوچ کا خیر مقدم کیا۔ مولانا بیت اللہ نے اتمانزئی قوم کی جانب سے خطاب کیا اور  بتایا کہ معاہدہ باہمی رضامندی اور افہام و تفہیم سے طے ہوا۔ جرگہ کے شرکاء نے خصوصی طور پر جی او سی سیون ڈویژن میجر جنرل انجم ریاض اور ڈپٹی کمشنر منظور احمد آفریدی کا دلی شکریہ ادا کیا اور کہاکہ جی او سی صاحب اور ڈپٹی کمشنر صاحب  منظور آفریدی و اسسٹنٹ کمشنرر میرانشاہ خالد عمران اور اسسٹنٹ کمشنر میر علی سب ڈویژن ڈاکٹر صادق علی و تحصیلدار میر علی غنی الرحم ان کی شمالی وزیرستان کیلئے خدمات ہمیشہ قابل قدر رہی ہیں۔