Daily Archives: February 21, 2024

لکی مروت : انسپکٹر جنرل آف پولیس خیبرپختونخوا اختر حیات خان کیجانب سے ڈی پی او لکی مروت طارق حبیب اور اے آئی جی ویلفیئر حمید اللہ خان نے ضلع لکی مروت سے تعلق رکھنے والے چار پولیس شہیداء کے ورثاء، بچوں کو تعزیتی خط، امدادی رقم اور پاکستانی پرچم حوالے کیے۔ انسپکٹر جنرل آف پولیس خیبر پختونخواہ اختر حیات خان کی جانب سے شہیداء کے ورثاء کو شہید کی یاد میں سوینئر پیش سور توصیفی مراسلہ حوالے کیے گیے جس میں شہیداء کے قربانیوں کو سنہرے الفاظ میں خراج تحسین پیش کیا گیا ہے۔ اس موقع پر ڈی پی او لکی مروت اور اے آئی جی ویلفیئر نے شہیداء کے ورثاء کو محکمہ پولیس کی جانب سے ہر قسم تعاون کی یقین دہانی کروائی۔

ڈی آئی خان میں فورسز کے آپریشن میں ایک دہشتگرد ہلاک ہو گیا۔ آئی ایس پی آر کے مطابق سیکیورٹی فورسز نے ڈیرہ اسماعیل خان میں انٹیلی جنس بیسڈ آپریشن کیا جس کے دوران فائرنگ کے تبادلے میں ایک دہشت گرد محمدسہیل مارا گیا۔ دہشت گرد قانون نافذ کرنے والے اداروں پر حملوں اور شہریوں کے قتل میں ملوث تھا۔ آئی ایس پی آر کا کہنا ہے کہ دہشت گردوں کی مبینہ موجودگی پر علاقے میں کلیئرنس آپریشن بھی کیا گیا۔ مقامی آبادی کی طرف سےدہشت گردوں کےخلاف کارروائی کا خیرمقدم کیا گیا اور فورسز کو دہشت گردی کی لعنت کیخلاف مکمل تعاون کی یقین دہانی بھی کروائی گئی۔