Daily Archives: March 26, 2024

پشاور میں مقیم  202 افغان باشندوں کو آج طورخم کے راستے افغانستان بھیجا گیا جس سے مجموعی طور پر بھیجے جانے والے تارکین وطن کی تعداد  6750 ہو گئی۔ پختونخوا سے 5408،اسلام آباد سے 153 ، پنجاب سے 1152 ، آزاد کشمیر سے 37 تارکین وطن افغانستان بھجوائے گئے۔ طورخم بارڈر کے راستے اب تک مجموعی طور پر 2 لاکھ 97 ہزار، 017 افراد خیبر پختونخوا سے افغانستان بیدخل کیے گئے۔ دیگر سرحدات انگور اڈہ اور خرلاچی سے بھی تارکین وطن کو افغانستان بھجوانے کاسلسلہ جاری ہے۔ مجموعی طور پر انگور اڈہ بارڈر کے راستے 5446 افراد جبکہ خرلاچی بارڈر سے 698 افراد افغانستان بجھوائےگئے۔ خیبر پختونخوا کے تینوں سرحدات سے اب تک 3 لاکھ، 3 ہزار، 162 افراد کو افغانستان بھیجوایا گیا۔

افغانستان سے متصل قبائلی ضلع خیبر کے علاقہ زرے سر سے 11 کروڑ روپے کی منشیات پاکستان سمگل کرنے والے ایک فرد کو گرفتار کر لیا گیا۔واضح رہے کہ یونائیٹڈ نیشن آفس آن ڈرگز اینڈ کرائمز (یو این او ڈی سی) رپورٹ کے مطابق افغانستان میں سال 2022ء کے دوران افیون سے حاصل ہونے والی آمدن ایک ہزار 313 ملین امریکی ڈالر یعنی 370ارب روپے سے زائدرہی۔سروے رپورٹ کے مطابق افغانستان میں افیون کی پیداوار 6ہزار200ٹن تھی جس سے 380 ٹن ہیروئن پیدا کی گئی۔ایک محتاط اندازے کے مطابق 2020 میں افغانستان، میکسیکو اورمیانمار میں افیون کی پیداوار کا تخمینہ افیون کی عالمی پیداوار کا تقریباً 96 فیصد تھا۔جس میں صرف افغانستان کا حصہ 85 فیصد بنتاہے افغانستان میں افیون پوست کی کاشت سے ہیروئن بناکر دنیا بھر میں سپلائی کی جاتی ہے۔ضلع خیبر میں کسٹم انٹیلجنس اور فرنٹئیر کور کی مشترکہ کاروائی کے دوران قبضہ میں لی گئی منشیات کی قیمت 115 ملین روپے بتائی جا رہی ہے۔کسٹم ذرائع کے مطابق ایف سی کو منشیات سمگل ہونے کی اطلاع موصول ہوئی تھی۔کسٹم انٹیلجنس ذرائع کے مطابق ضلع خیبر میں زرے سر کے مقام پر افغانستان سے پیدل داخل ہونے والے 4 ملزمان کندھوں پرمنشیات سے بھری بوریاں لا رہے تھے۔ایف سی اور کسٹم انٹیلجنس کو دیکھ کر ملزمان رفوچکر ہو نے میں کا میا ب ہو گئے۔گرفتار ملزم جنید احمد کے مطابق وہ یہ منشیات افغانستان سے پاکستان کرایہ پر لاتے تھے اور انہیں فی کلو کے حساب سے ایک ہزار روپیہ ادا کیا جاتا تھا۔کسٹم عملے نے مقدمہ درج کر کے کیس کی مزید تفتیش شروع کر دی۔

وزیراعلیٰ خیبر پختونخوا علی امین گنڈاپور کی زیر صدارت اجلاس ہوا ۔جس میں صوبے میں لیورٹرانسپلانٹ سنٹر  اور بون میرو ٹرانسپلانٹ سنٹر  بنانے کا فیصلہ کیا گیا جب کہ  اجلاس میں انسٹی ٹیوٹ آف نیورو سرجری بھی قائم کرنے کا فیصلہ کیا گیا۔وزیراعلیٰ کے پی نے ان سینٹرز کے قیام کیلئے فنڈز ترجیحی بنیادوں پر فراہم کرنے کی ہدایت کی۔علی امین گنڈاپور نے ہدایت کی منصوبوں کو حتمی شکل دیکر منظوری کیلئے پیش کریں۔اسپتالوں میں ڈائیلاسز سروس کی 24گھنٹےدستیابی یقینی بنائی جائے۔ جن اسپتالوں میں ڈائیلاسز سروسز نہیں ہیں وہاں شروع کی جائیں۔

صوبائی وزیر بلدیات خیبرپختونخوا ارشد ایوب کی زیر صدارت ڈیجٹلائزیشن کے حوالے سے اہم اجلاس منعقد ہوا ۔محکمہ انفارمیشن ٹیکنالوجی کے ڈائریکٹر سردار نے صوبائی وزیر ارشد ایوب کو محکمہ بلدیات کو آئی ٹی کی مد میں دی جانے والی خدمات پر بریفنگ دی۔آن لائن بلڈنگ پلان اپروول سسٹم، ویلج کونسل پروفائلنگ، ای ٹی ایم اے خدمات سمیت دیگر ڈیجیٹل اقدامات سے آگاہ کیا۔برتھ سرٹیفیکیٹ کے متعلق عوام کو چیلنجز کیوں درپیش ہیں۔

برتھ سرٹیفیکیٹ کے حوالے سے آئے روز عوام کو عدالتی چکر لگانے پڑ رہے ہیں صوبا ئی وزیر بلدیات ارشد ایوبکا کہنا تھا کہ برتھ سرٹیفیکیٹ کے حصول کو فی الفور آسان اور سہل بنایا جائے۔محکمہ بلدیات کے مانیٹرنگ اینڈ ایوالویشن سیکشن کو خواب خرگوش سے بیدار کیا جائے۔مانیٹرنگ اینڈ ایوالویشن سیکشن کی کارکردگی کو بھی مانیٹر کیا جائے۔تمام ملازمین کی مکمل سروس پروفائل ڈیجیٹلائزڈ کر دی جائے۔محکمہ بلدیات کی کارکردگی کی مزید بہتری ڈیجیٹلائزیشن سے جڑی ہے۔

خیبر پختونخوا میں اس ہفتے بارش کا امکان

خیبر پختونخوا کے عوام آئندہ چند دنوں میں موسم کے تبدیلی کے لیے تیار رہیں کیونکہ موسمیاتی ماہرین کے مطابق آج منگل 26 مارچ سے لے کر اتوار 31 مارچ تک بارش کا امکان ہے۔ موسمیاتی ماہرین نے آنے والے دنوں میں بادلوں میں اضافے اور بارش کی پیشگوئی کی ہے۔ بارش کی مقدار کا اندازہ لگانا مشکل ہے، تاہم موسم کی پیشگوئی کے مطابق ہر روز بارش کا امکان ہے اور بعض دنوں میں امکانات زیادہ ہوں گے۔  کل بدھ 27 مارچ کو زیادہ سے زیادہ درجہ حرارت 30°C (86°F) رہنے کا امکان ہے جبکہ بارش کا 6% امکان ہے۔