Daily Archives: December 6, 2024

ہنگو (رپورٹ) کرم فسادات کے باعث نقل مکانی کرنے والے متاثرین کے لئے پاک آرمی ٹل سکاؤٹس اور ضلعی انتظامیہ کی جانب سے فری میڈیکل کیمپ کا انعقاد سینئر ڈاکٹروں پر مشتمل ڈاکٹروں نے سینکڑوں مریضوں کا معائنہ کرکے فری ادویات دی گئیں کمانڈنٹ ٹل سکاؤٹس کرنل عالمگیر یوسفزئی نے میجر ازان کے ہمراہ کیمپ کا دورہ کرکے سہولیات کا جائزہ لیا تفصیلات کے مطابق کرم فسادات کے باعث نقل مکانی کرنے والے گورنمنٹ گرلزڈگری کالج تحصیل ٹل میں عارضی طور پر رہائش پذیر کرم متاثرین کے لئے پاک آرمی ٹل سکاؤٹس اور ضلعی انتظامیہ کی جانب سے فری میڈیکل کیمپ کا منعقد کیا گیاہے میڈیکل کیمپ میں سینئر ڈاکٹروں پر مشتمل ٹیم نے مختلف امراض میں مبتلا بچوں بوڑھوں اور خواتین کا معائنہ کرکے مریضوں کومفت ادویات فراہم کی گئیں فری میڈیکل کیمپ کے موقع پر کمانڈنٹ ٹل سکاؤٹس کرنل عالمگیر یوسفزئی نے میجر ازان کے ہمراہ کیمپ کا دورہ کرتے ہوئے سہولیات کا جائزہ لیا اور متاثرہ خاندانوں کو ہر قسم کی سہولیات فراہم کرنے کی ہدایت جاری کرتے ہوئے کہا کہ فری میڈیکل کیمپ کے انعقاد کا مقصد کرم متاثرین کو صحت کے حوالے سے درپیش مسائل و مشکلات خاتمہ کرنا ہے اس موقع پر کرم متاثرین نے سہولیات اور فری میڈیکل کیمپ کے انعقاد پر پاک آرمی ٹل سکاؤٹس اور ضلعی انتظامیہ کا شکریہ ادا کرتے ہوئے کہا کہ یہاں پر سخت سردی ہے رات کے وقت نہ بجلی ہوتی ہے نہ پانی گرم کمبل اور ملبوسات کی کمی کے باعث ہمیں سخت مشکلات کا سامنا ہے حکومت کرم متاثرین کی بحالی کیلئے فوری اقدامات اٹھائیں۔

جنوبی وزیرستان کے علاقے انگور اڈہ میں مقامی برگیڈ کمانڈر کی زیر قیادت عمائدین علاقہ پر مشتمل جرگہ ہوا ۔جرگے میں علاقے میں امن و امان کے قیام کیلئے باہمی تعاون کے فروغ، سیکیورٹی انتظامات کو مزید بہتر بنانے اور خوارج کے خاتمے  کیلئے موثر تجاویز پر اتفاق کیا گیا۔

ضلعی انتظامیہ مانسہرہ کی ہدایت پر ڈسٹرکٹ یوتھ آفس، ٹی ایم اے مانسہرہ، اور لوکل گورنمنٹ کے اشتراک سے اینٹی کرپشن ویک کے موقع پر ایک سیمینار کا انعقاد کیا گیا ۔سیمینار کے مہمان خصوصی ایڈیشنل اسسٹنٹ کمشنر مانسہرہ، قمر ضیاء تھے۔ دونوں معزز شخصیات نے اپنے خیالات کا اظہار کرتے ہوئے کرپشن کے نقصانات، اس کے معاشرتی اثرات، اور اس کے خاتمے کے لیے اجتماعی کوششوں کی ضرورت پر زور دیا۔ مقررین نے کرپشن کو ایک مہلک معاشرتی بیماری قرار دیتے ہوئے کہا کہ اس کے خاتمے کیلئے تمام طبقات کو مل کر کام کرنا ہوگا۔سیمینار کے اختتام پر ایک آگاہی واک کا بھی انعقاد کیا گیا، جو ٹی ایم اے ہال تک جاری رہی۔ واک میں مختلف شعبہ ہائے زندگی سے تعلق رکھنے والے افراد نے شرکت کی اور کرپشن کے خلاف اپنے عزم کا اظہار کیا۔ واک کے دوران شرکائ نے پلے کارڈز اور بینرز اٹھا رکھے تھے جن پر کرپشن کے خلاف شعور بیدار کرنے کے لیے مختلف نعرے درج تھے۔

بٹگرام صوبائی حکومت کے احکامات اور ڈپٹی کمشنر بٹگرام آصف علی خان، کی ہدایات پر ایڈیشنل ڈپٹی کمشنر بٹگرام گوہرعلی خان، کی زیر قیادت ضلع بٹگرام میں اینٹی کرپشن ڈے کے موقع پر “ہمارا ایمان، کرپشن فری پاکستان” کے عنوان سے سیمینار اور واک کا انعقاد کیا گیا۔اس اہم موقع پر منعقدہ سیمینار اور واک میں اسسٹنٹ کمشنر بٹگرام، ضلعی محکموں کے افسران، انٹی کرپشن سٹاف، علاقہ معززین، علمائ کرام، ڈسٹرکٹ و تحصیل خطیب، طلبائ، اور معاشرے کے مختلف طبقات سے تعلق رکھنے والے افراد کی بڑی تعداد نے شرکت کی۔سیمینار کے دوران شرکائ نے کرپشن کے خاتمے کے حوالے سے اپنے خیالات کا اظہار کیا اور انسدادِ بدعنوانی کی اہمیت کو اجاگر کیا۔ مقررین نے زور دیا کہ کرپشن کا خاتمہ ایک مضبوط اور شفاف معاشرے کی بنیاد ہے اور اس کے لیے ہر شہری کو اپنا کردار ادا کرنا ہوگا۔سیمینار کے بعد ایک خصوصی واک کا انعقاد کیا گیا جس میں شرکائ نے کرپشن کے خلاف پلے کارڈز اور بینرز اٹھا رکھے تھے۔

وزیراعلیٰ خیبرپختونخوا علی امین گنڈاپور کے عوامی ایجنڈے اور ڈپٹی کمشنر کولئی پالس کوہستان اشتیاق احمد کی ہدایات پر اسسٹنٹ کمشنر پالس شکیل اکبر کی زیر نگرانی انسداد بدعنوانی کے حوالے سے واک کا انعقاد کیا گیا۔ اس واک میں مختلف محکموں کے سربراہان اور عوام کی کثیر تعداد نے شرکت کی۔ضلعی انتظامیہ کولئی پالس کوہستان کی جانب سے بدعنوانی کے خاتمے اور شعور اجاگر کرنے کے لیے تعلیمی اداروں، مدارس، کالجوں اور سرکاری دفاتر میں مختلف سیمینارز منعقد کیے جا رہے ہیں۔ ان اقدامات کا مقصد عوام کو بدعنوانی اور رشوت ستانی کے نقصانات سے آگاہ کرنا ہے۔حکومت خیبرپختونخوا کے اعلامیے کے مطابق 2 دسمبر سے 9 دسمبر 2024 تک ہفتہ برائے انسداد بدعنوانی منایا جا رہا ہے۔ اس دوران مختلف تقریبات، سیمینارز اور آگاہی مہمات کا انعقاد کیا جائے گا تاکہ معاشرتی بیداری پیدا کی جا سکے اور بدعنوانی کے خلاف عوام کو ایک موثر پیغام دیا جا سکے۔ضلعی انتظامیہ عوام سے اپیل کرتی ہے کہ اس مہم میں بھرپور شرکت کریں اور بدعنوانی کے خاتمے میں اپنا کردار ادا کریں۔

پاکستان میں منعقد ہونے والے چوتھے بلائنڈٹی ٹونٹی ورلڈ کپ کی فاتح صوبہ پختونخواکے کھلاریو ں کاپشاورپہنچنے پرپرتباک استقبال۔کھلاڑیوں پرگل پاشی کی گئی اورا ن کوہارپہناکر ڈھول کی تاپ پرگورنمنٹ سکول آف دی بلائنڈ پشاورلایاگیا جہاں سکو ل کے بچوں ،اساتزہ اورکھلاڑیوں کے عزیز رشتہ داروں کی ایک بڑی تعداد بھی موجود تھی جنہوںنے کھلاڑیوں کوا ن کی شاندارکارکردگی اورفاتح پرمبارک باد دی اوران کوہارپہنائے۔پشاوربلائنڈکرکٹ کلب کے صدرحبیب اللہ خٹک سیکرٹیری محمدرضوان کے فاتح ´ٹیم کے کھلاڑیوں محمدآصف۔محمدہارون اورکوچ مسعود جا ن کے اعزاز میں خصوصی ستقبالیہ دیا۔اس موقع پرمیڈی اسے بات چیت کرتے ہوئےں محمدآصف۔محمدہارون اورکوچ مسعود جا ن نے کہاکہ ان کوبے انتہاخوشی ہے کہ ہماری ٹیم پورے ایونٹ میں شاندارکارکردگی دکھائی اورناقابل شکست رہی ہم نے فائنل میں بنگلہ دیش کو دس وکٹوں سے ہراکر پہلی بار ٹی ٹونٹی ورلڈ کپ جیتاہم دوبار رنز اپ جبکہ ایک بارہم کوبھار ت کے ویزے نہیں ملے تھے۔اس کے علاوہ ہم دوبار عالمی بلائن ´ڈ ورلڈکپ کے فاتح بھی رہے ہیں۔انہوںنے بتایاکہ صوبائی محکمہ کھیل ہمارے ساتھ بالکل تعاون نہین کررہاہے جس کی وجہ سے ہمارے کھلاڑیون کولاتعداد مسائل کاسامنا ہے۔