نوشہرہ میں پاک فوج کے زیر اہتمام ہوپ اسپیشل ایجوکیشن سکول میں خصوصی افراد کے عالمی دن کی مناسبت سے تقریب کا انعقاد کیا گیا۔ نوشہرہ میں پاک فوج کے زیر اہتمام ہوپ اسپیشل ایجوکیشن سکول میں خصوصی افراد کے عالمی دن کی مناسبت سے تقریب منعقد کی گئی۔ اسپیشل بچوں نے ملی نغموں اور ٹیبلوز کے ذریعے اپنی خداداد صلاحیتوں کا بھرپور اظہار کیا۔ مہمان خصوصی نے اسپیشل بچوں کی حوصلہ افزائی کیلئے انعامات اور تحائف تقسیم کئے۔ تقریب میں بڑی تعداد میں اسپیشل بچوں کے والدین نے بھی شرکت کی۔ یہ سکول 2012 میں نوشہرہ شہر میں قائم کیا گیا جو ایک بے مثال ادارہ بن چکا ہے ۔ اس سکول میں خصوصی بچوں کو بنیادی تعلیم کے ساتھ ساتھ دیگر سرگرمیوں میں بھی حصہ لینے کے مواقع فراہم کئے جاتے ہیں ۔ والدین نے خصوصی بچوں کو بہترین ماحول اور سہولیات فراہم کرنے پر پاک فوج کا شکریہ ادا کیا ۔
