Daily Archives: December 25, 2024

قائد اعظم کے یوم ولادت پر پوری قوم کو دلی مبارکباد پیش کرتا ہوں۔ قائد اعظم کی قیادت، بصیرت اور اصول پسندی سے برصغیر کے مسلمانوں کی آزادی ملی۔ قائد اعظم کی ولولہ انگیز قیادت سے علیحدہ مسلمان مملکت،پاکستان کے قیام کا خواب حقیقت میں بدلا۔

قائد اعظم کی شخصیت اعلیٰ اخلاقی اقدار، قانون کی پاسداری، اور جمہوری اصولوں کی علمبردار تھی۔ قائد اعظم کے اصول (اتحاد، ایمان، اور تنظیم ) ہماری قومی ترقی اور استحکام کے لیے مشعلِ راہ ہیں۔ قائد اعظم کی بے لوث قربانیوں اور انتھک محنت کے نتیجے میں ہم آج آزاد وطن میں سانس لے رہے ہیں۔

الحمد اللہ قائد اعظم کا پاکستان آج ایک ناقابل تسخیر اسلامی واحد ایٹمی طاقت بن چکا ہے،  ہم قائداعظم کے خواب کو حقیقت کا روپ دینے کے لیے اپنی تمام تر صلاحیتوں کو بروئے کار لائیں گے۔ دعا گو ہوں کہ خدا ہمیں قائد اعظم کے اصولوں پر عمل کرنے اور پاکستان کو ترقی و خوشحالی کی راہ پر گامزن کرنے کی توفیق عطا فرمائے۔

ملک بھر بالخصوص خیبرپختونخوا کی مسیحی برادری کو کرسمس کی خوشیوں پر دلی مبارکباد پیش کرتا ہوں ۔ کرسمس امن، محبت، ایک دوسرے کا احترام کرنے اور خوشیاں بانٹنے کا تہوار ۔

کرسمس محبت، امن، رواداری، اور بھائی چارے کا پیغام دیتا ہے، جو انسانی زندگی کے بنیادی اصول ہیں۔ملکی ترقی و خوشحالی، اور استحکام میں مسیحی برادری کی خدمات ہمیشہ قابلِ تعریف رہی ہیں۔ ہمارے ملک کا آئین تمام شہریوں کو برابر کے حقوق فراہم کرتا ہے۔

ہم سب کو مل کر ایک پرامن، خوشحال، اور ترقی یافتہ معاشرے کے قیام کے لیے کوششیں کرنی چاہئیں۔موجودہ وقت کا تقاضا ہے کہ ملک بالخصوص خیبر پختونخوا میں مزہبی ہم آہنگی کو فروغ دیا جائے۔

اقلیتوں کے حقوق کا تحفظ آئینی طور پر یقینی بنایا گیا ہے تاکہ وہ آزادی کیساتھ اپنے مذہبی رسومات و تقریبات ادا کرسکیں۔ہمیں تمام اختلافات کو بالائے طاق رکھتے ہوئے ایک بہتر اور ہم آہنگ معاشرے کے قیام کے لیے متحد رہنا ہے۔بحیثیت پاکستانی ملک کی ترقی، امن، اور محبت کے فروغ کے لیے اپنے کردار کو مزید مضبوط بنانا ہے۔

پوری قوم کو بابائے قوم قائد اعظم محمد علی جناح کے یوم ولادت کی مبارک ہو۔ قائداعظم محمد علی جناح برصغیر کے مسلمانوں کے ایک عظیم رہنما تھے۔  قائداعظم نے برصغیر کے مسلمانوں کی جداگانہ ریاست کے تصور کو حقیقت کا روپ دیا۔  قائد اعظم کی دانشمندانہ قیادت اور انتھک جدوجہد کے نتیجے میں مملکت خداداد پاکستان معرض وجود میں آئی۔

پڑوسی ملک بھارت کے مسلم مخالف رویے نے ثابت کر دیا ہے کہ مسلمانوں کیلئے علیحدہ ریاست کے قیام کا فیصلہ درست اور صحیح فیصلہ تھا۔آج ہم جس آزاد فضا میں سانس لے رہے ہیں یہ بابائے قوم قائد اعظم محمد علی جناح کی ولولہ انگیز قیادت اور سیاسی بصیرت کی مرہون منت ہے۔

پاکستان کے قیام کا مقصد برصغیر کے مسلمانوں کے لئے ایک اسلامی فلاحی ریاست کا قیام تھا۔ ایک ایسی ریاست جس میں قانون، انصاف اور میرٹ کی بالادستی ہو اور کوئی قانون سے بالاتر نہ ہو۔ وطن عزیز کو بانیان پاکستان کے وژن کے مطابق حقیقی معنوں میں ایک اسلامی فلاحی ریاست بنانے کے لئے سب کو ہر قسم کی وابستگیوں سے بالاتر ہوکر کردار ادا کرنا ہوگا۔ ملک کو موجودہ بحرانوں سے نکالنے اور اسے ترقی کی راہ پر گامزن کرنے کے لئے قائداعظم کے زرین اصولوں ایمان، اتحاد اور تنظیم کے اصولوں پر پر عمل کرنے کی ضرورت ہے۔

ملک میں سیاسی استحکام اور جمہوریت کی مضبوطی کے لئے سیاسی مفادات کو قومی مفادات کے تابع کرنا ہوگا۔ آج ہم ملک کو صحیح معنوں میں ایک اسلامی فلاحی ریاست بنانے اور یہاں قانون کی بالادستی کے لئے کوششیں جاری رکھنے کے عزم کا اعادہ کرتے ہیں۔ ملکی دفاع کو ناقابل تسخیر بنانے پر آج ہم مسلح افواج کو خراج تحسین پیش کرتے ہیں۔