وزیراعلیٰ خیبر پختونخواعلی امین خان گنڈاپور نے پورٹل کا باضابطہ اجراء کردیا۔ اس پورٹل کے ذریعے صوبہ بھر کے ڈی ایچ اوز اور ایم ایس ادویات کے آرڈرز آن لائن دے سکیں گے۔ اس پورٹل میں ادویات کی منظور شدہ لسٹ پہلے سے فیڈ ہوگی۔ اس لسٹ کی بنیاد پر آرڈر خودکار طور پر تیار ہوگا۔ آرڈر دینے والے افسر کو صرف بجٹ درج کرنا ہوگا، باقی تمام عمل سسٹم خودکار طریقے سے مکمل کرے گا۔ سسٹم میں ہرضلع کے جغرافیائی پروفائل کے مطابق ادویات کی ضروریات فیڈ ہونگی۔ یہ خودکار آرڈرز ایم سی سی لسٹ کے عین مطابق ہوں گے۔ اگر کوئی آرڈر اس سے مختلف ہوگا تو سسٹم ریکارڈ میں انحراف (Deviation) ظاہر کرے گا۔ ادویات کے آرڈرز کیو آر کوڈ کے ساتھ آن لائن جنریٹ ہوں گے جو آسانی سے ٹریس بھی کیے جا سکیں گے۔ اس سسٹم کے تحت آن لائن ڈیش بورڈ کے ذریعے تمام اسٹاک کی دستیابی کا مکمل ریکارڈ موجود ہوگا۔ یہ نظام ادویات میں کرپشن کو روکنے، وقت اور وسائل کی بچت، اور شفافیت کو یقینی بنانے کے لیے بنایا گیا ہے۔ اس اقدام سے ای پی آئی ویکسینٹرز کو درپیش فیول کا مسئلہ کل وقتی طور پر حل ہوگا۔ جس کے نتیجے میں معمول کے حفاظتی ٹیکہ جات کے نظام میں بہتری آئے گی۔
وزیر اعلی علی امین گنڈاپور نے اپنے خطاب میں کہا کہ صوبائی حکومت شروع دن سے لوگوں کو بہتر خدمات کی فراہمی کیلئے کوشاں ہے۔ عوامی خدمات کی بہتری کے عمل میں صحت اور تعلیم ہماری ترجیحات میں سرفہرست ہیں۔ ہم نظام کو ٹھیک کرنے کے لئے کام کرنے کے روایتی انداز سے ہٹ کر کام کر رہے ہیں، وزیر اعلی کام کرنے کے سرکاری طریقہ کار میں پیچیدگیوں کو دور کرکے انہیں سہل بنا رہے ہیں اس مقصد کیلئے مروجہ قواعد و ضوابط میں ضروری تبدیلیاں کر رہے ہیں۔ وزیر اعلی سرکاری امور میں شفافیت اور محکموں کی استعداد کار کو بڑھانے کیلئے تمام شعبوں میں ڈیجیٹائز یشن پر کام کر رہے ہیں۔ بدقسمتی سے ایسے شعبوں میں بھی کرپشن کے کیسز سامنے آتے ہیں جن کا تعلق بلاواسطہ انسانی جانوں کے ساتھ ہے۔ ہم نے ایسا نظام وضع کرنا ہے جس میں کرپشن کرنے کی گنجائش ہی موجود نہ ہو۔ وزیر اعلی نظام کو ٹھیک کرنے کیلئے اصلاحات کے ساتھ ساتھ ہمیں اپنے اخلاقی اقدار اور اسلامی تعلیمات پر سختی سے عمل کرنا ہوگا۔ وزیر اعلی ہم بانی چئیرمین کے وژن کے مطابق صوبے کی مالی خود کفالت کیلئے اقدامات کر رہے ہیں۔ صوبے کی استعداد کے حامل شعبوں میں زیادہ سے زیادہ سرمایہ کاری کر رہے ہیں۔
وزیر اعلی صوبے کی آمدن بڑھانے کیساتھ ساتھ مالی نظم ونسق کو یقینی بنانے کیلئے اقدامات کر رہے ہیں۔ موجودہ صوبائی حکومت کے ان اقدامات کے نتیجے میں صوبے کی آمدن میں 44 فیصد اضافہ ہوا ہے، وزیر اعلی خیبر پختونخوا قرضہ اتارنے کے لئے ڈیبٹ منیجمنٹ فنڈ قائم کرنے والا پہلا صوبہ بن گیا ہے۔ ابتدائی طور پر اس ڈیبٹ منیجمنٹ فنڈ میں 30 ارب روپے منتقل کردئے گئے ہیں۔ وزیر اعلی ہمارے بہترین ٹیم ورک کے نتیجے میں صوبہ ترقی اور مالی خودکفالت کی راہ پر گامزن ہوگیا ہے۔ صحت کارڈ کے نظام میں بنیادی اصلاحات متعارف کرائی ہیں، وزیر اعلی ان اصلاحات کے نتیجے میں مفت علاج کی کوریج میں خاطر خواہ اضافہ ہوا ہے۔ اس کے علاوہ بہتر مانیٹرنگ کے نتیجے میں صوبائی حکومت کو ماہانہ ایک ارب روپے کی بھی بچت ہورہی ہے، وزیر اعلی تمام سرکاری ہسپتالوں کو صحت کارڈ کے پینل پر لانے کیلئے اقدامات کئے جا رہے ہیں۔ ایمرجنسی میں مفت ادویات کی فراہمی پر کام کر رہے ہیں، وزیر اعلی صحت کارڈ کے تحت لیور اور کڈنی ٹرانسپلانٹ بھی متعارف کرائیں گے۔ تمام ریجنز میں کم سے دو دو کارڈیک سیٹلائٹ سنٹرز قائم کر رہے ہیں۔
