Daily Archives: January 29, 2025

اینٹی کرپشن خیبرپختونخوا نے سال 2024 کی کارکردگی کی رپورٹ جاری کردی۔ 2.5 ارب روپے سے زائد کی ریکوری, 2200 کنال سے زائد سرکاری اراضی ریکور، 43 ایف آئی آر درج ، 186 ملزمان چارج ، 92 ملزمان گرفتار , سات اشتہاری ملزمان گرفتار۔ 9ملزمان کو رشوت لیتے ہوئے مجسٹریٹ کی موجودگی میں رنگے ہاتھوں گرفتار ۔

وزیراعلی خیبرپختونخوا علی امین خان گنڈاپور کی ہدایت پر ضروری ادویات کی دستیابی اور خریداری میں شفافیت کے حوالے سے مشیر وزیراعلی مصدق عباسی کی صدارت میں کمیٹی قائم کی گئی ۔کیمٹی نے نگران دور حکومت کے دوران محکمہ صحت میں ادویات کی خریداری میں خوردبرد کی تحقیقات کے دوران 4.4 ارب روپے کی ادویات کی خریداری میں 1.9 ارب کی خوردبرد کی نشاندہی کی جسمیں محکمہ صحت کے سولہ افسران و اہلکار کو ملوث قرار دیا گیا۔ اسطرح 2024-25 کی ادویات خریداری میں بارہ ارب کی مارکیٹ قیمت کی ادویات پانچ ارب میں خریدی جائیں گی۔

وزیراعلی خیبرپختونخوا کی ہدایات پر مشیر وزیراعلی برائے اینٹی کرپشن مصدق عباسی نے ضلعی انتظامیہ ، پولیس اور محکمہ معدنیات کی مدد سے ضلع نوشہرہ اور کوہاٹ میں اربوں روپے کی غیر قانونی سونے کی کان کنی کے خلاف آپریشن کیے۔ محکمہ معدنیات نے بعد میں سونے کی کان کنی کی نیلامی کرکے سرکاری خزانے کو پانچ ارب روپے فائدہ پہنچایا۔#CMKP #AliAminGandapur #AAGMT

آئی جی ایف سی میجر جنرل انجم ریاض کا اورکزئی سکاوٹس ہیڈکوارٹرز کا دورہ ۔ اس مو قع پر کمانڈنٹ اورکزئی سکاوٹس کرنل سید سعادت حسن، ڈی پی او نذیر خان، ڈپٹی کمشنر عرفان الدین نے ان کا پرتپاک استقبال کیا۔آئی جی ایف سی میجر جنرل انجم ریاض نے پولیس شہداء کے ورثاء سے ملاقات کی اور شہداء کے ایصال ثواب کیلئے فاتحہ خوانی کی۔انہوں نے اورکزئی پولیس کے شہداء اور غازیوں کی تعریف کی اور ان میں تحائف تقسیم کئے اور ان کو یقین دلایا کہ آپ اکیلے نہیں ہے ہم سب اورکزئی سکاوٹس، پولیس اور انتظامیہ آپ کے ساتھ شانہ بشانہ کھڑا ہے اور ہمیشہ رہے گا۔ جس کے بعد اورکزئی پولیس اور اورکزئی سکاوٹس کے درمیان کرکٹ، والی بال اور ٹگ اف وار کے دوستانہ میچز کھیلے گئے جس میں اورکزئی سکاوٹس اور اورکزئی پولیس کے کھلاڑیوں نے شاندار کھیل کا مظاہرہ کیا۔ اس موقع پر ائی جی ایف سی نے کہا کہ پولیس اور سکاوٹس ایک ہے اور دہشتگردوں کے خلاف ان کی قربانیاں بے مثال ہے۔ کھیل کے اختتام پر مہمان خصوصی نے تمام کھلاڑیوں میں انعامات تقسیم کیے

وزیراعلی خیبر پختونخوا علی امین گنڈاپور سے اقوام متحدہ کے وفد کی ملاقات ہوئی۔ جس کی قیادت ریزیڈنٹ کوارڈینیٹر برائے پاکستان محمد یحییٰ کر رہے تھے۔ وفد میں مس ہیروکو، مس افکی بوٹسمین، کارلس عباس گیہا اور دیگر اراکین شامل تھے۔ ایم این اے فیصل امین گنڈاپور، ایڈیشنل چیف سیکرٹری منصوبہ بندی اور صوبائی حکومت کے دیگر اہلکار بھی اس موقع پر موجود تھے۔ ملاقات میں اقوام متحدہ کے ذیلی اداروں کی جانب سے صوبے میں عوامی فلاح و بہبود کیلئے کی جانے والی سرگرمیوں پر تبادلہ خیال کیا گیا۔ صحت کے شعبے، خاص طور پر پولیو وائرس کے خاتمے، زچہ و بچہ کی صحت، اور نوزائیدہ بچوں کی اموات کی روک تھام جیسے امور پر خصوصی توجہ دی گئی۔ دیگر موضوعات میں تعلیم، ماحولیات، ثقافت، سیاحت، اور دیہی ترقی شامل تھے۔ ساتھ ہی، اقوام متحدہ کے عملے کی سکیورٹی اور نقل و حمل کے معاملات پر بھی بات چیت ہوئی۔

وزیراعلی خیبر پختونخوا نے کہا کہ اقوام متحدہ کے ذیلی اداروں کی کوششیں قابل ستائش ہیںاورموجودہ حکومت ان کے ساتھ مزید مربوط انداز میں کام کرنا چاہتی ہے۔ انہوں نے زوردیا کہ پولیو وائرس کا خاتمہ حکومت کی اولین ترجیحات میں سے ہےاوراس سلسلے میں نئے عزم کے ساتھ اقدامات اٹھائے جا رہے ہیں۔ انہوں نے کہا کہ بین الاقوامی اداروں کے تعاون سے انسداد پولیو مہم کو مزید موثر بنانے کی کوششیں جاری ہیں۔ وزیراعلی نے نوزائیدہ بچوں کی اموات کی شرح پر تشویش کا اظہار کرتے ہوئے کہا کہ حکومت بنیادی مراکز صحت پر سرمایہ کاری کر رہی ہے تاکہ زچہ و بچہ کی صحت کی سہولیات کو بہتر بنایا جا سکے۔ انہوں نے صحت کے شعبے میں بین الاقوامی اداروں کے تعاون کی اہمیت پر بھی زور دیا۔

وزیراعلی خیبر پختونخوا کاکہنا تھا کہ تعلیم کے شعبے میں خاص طور پر بچیوں کی تعلیم کو خا ص ترجیح دی جا رہی ہے۔ ضم اضلاع میں 36 ہزار بچیوں کو تعلیمی وظائف فراہم کیے جا رہے ہیں۔ جس سے شرح خواندگی بڑھانے میں مدد مل رہی ہے۔ صوبائی حکومت مذہبی اور ثقافتی اقلیتوں کی فلاح و بہبود کیلئے بھی اقدامات کر رہی ہے۔ جن میں عبادت گاہوں کو سولر سسٹم فراہم کرنا شامل ہے۔ محمد یحییٰ نے صوبائی حکومت کے صحت کے شعبے میں اقدامات کی تعریف کی اور کہا کہ اقوام متحدہ کے ذیلی ادارے پولیو وائرس کے خاتمے اور زچہ و بچہ کی صحت کی سہولیات کو بہتر بنانے کے لیے ہر ممکن تعاون فراہم کریں گے۔

گورنر ہاؤس میں پہلی مرتبہ امراض قلب سے بچاؤ اور حفاظتی اقدامات سے متعلق گورنر ہاؤس میں سمپوزیم کا انعقاد کیا گیا۔ سمپوزیم میں ہیڈ آف کارڈیالوجی ڈیپارٹمنٹ رحمان میڈیکل انسٹیٹیوٹ ڈاکٹر مقداد علی خان، ایسوسی ایٹ پروفیسر حیات میڈیکل کمپلیکس ڈاکٹر چراغ حسین، ماہرین امراض قلب، ڈاکٹرز، میڈیکل کے طلباء و طالبات سمیت مختلف طبقہ فکر سے تعلق رکھنے والے شخصیات کی شرکت۔ گورنرخیبر پختونخوا کا ماہرین صحت کو گورنر ہاؤس آمد پر خوش آمدید کہا۔ عوام میں صحت مند طرزِ زندگی اپنانے کیلئے شعور اجاگر کرنا وقت کی اہم ضرورت ہے۔ نجی اداروں کی طرح سرکاری اداروں کو بھی اس قسم کے پروگرام منعقد کریں۔ صحتمند معاشرے کے قیام کے لیے سب کو اپنا کردارادا کرنا ہوگا۔ ہمیں عوام کو صحت کی بہترین سہولیات دینا ہوں گی۔ صحتمند معاشرے کے قیام کیلئے صحتمندانہ سرگرمیوں کو فروغ دینا ہوگا۔ دل کا مرض پاکستان سمیت دنیا بھر میں خاموش وبا کی شکل اختیار کرگیا ہے۔ جدید تحقیق اور ٹیکنالوجی کے ذریعے دل کی بیماریوں پر قابو پایا جا سکتا ہے۔ ہمیں اپنے لائف سٹائل میں تبدیلی لانی ہوگی تاکہ اس وبا کو روکا جاسکے۔

لواری ٹنل پر برف باری جاری ہے اور اب تک سڑک پر 5 انچ سے ذیادہ برف پڑچکی ہے تاہم روڈ آمدورفت کیلۓ بحال ہے اور ٹریفک کی روانی جاری ہے۔ لوئر چترال پولیس کے جوان عوام کی مدد اور رہنمائی کیلۓ 24/7 ڈیوٹی پہ تعینات ہیں ۔ ایمرجنسی صورتحال اور رہنمائی کیلۓ پولیس ہیلپ لائن نمبر 15 یا کنٹرول روم نمبر 0943/412959 پر رابطہ کریں۔