Army Chief General Asim Munir will address Ulama Conference today کانفرنس

آرمی چیف جنرل عاصم منیر کی زیر صدارت 268ویں کور کمانڈر کانفرنس

آرمی چیف جنرل سید عاصم منیر، نشانِ امتیاز (ملٹری) کی زیر صدارت 268ویں کور کمانڈر کانفرنس

فورم کی شہداء کے ایصال و ثواب کے لیے فاتحہ خوانی کی گئی۔
شرکاء نے مادرِ وطن کے امن و استحکام کے لیے شہدائے افواجِ پاکستان، قانون نافذ کرنے والے اداروں اور شہریوں کی لازوال قربانیوں کو خراجِ عقیدت پیش کیا۔

فورم کو خطے کی موجودہ صورتحال، قومی سلامتی کو درپیش چیلنجز اور بڑھتے ہوئے خطرات کے جواب میں پاکستان کی حکمتِ عملی کے بارے میں جامع بریفنگ دی گئی۔
کانفرنس میں علاقائی اور داخلی سلامتی کی صورتحال کا تفصیلی جائزہ بھی لیا گیا۔

فورم نے ہر قیمت پر بلا تفریق دہشت گردی کو ختم کرنے کے عزم کا اعادہ کیا۔
فورم نے اس عزم کا اعادہ بھی کیا کہ:
“پاکستان کو غیر مستحکم کرنے کی کوشش کرنے والے ملک دشمن عناصر، سہولت کاروں اور ان کی حوصلہ افزائی کرنے والوں کے خلاف ریاست پوری طاقت سے نمٹے گی۔”

بلوچستان میں امن و استحکام پر زور

فورم نے اعادہ کیا کہ کسی کو بھی بلوچستان میں امن میں خلل ڈالنے کی اجازت نہیں دی جائے گی۔
شرکاء کانفرنس نے کہا کہ بلوچستان کے استحکام اور خوشحالی میں خلل ڈالنے والے مذموم سیاسی مفادات اور سماجی عناصر کو بلوچستان کے عوام کی غیر متزلزل حمایت سے فیصلہ کن طور پر ناکام بنایا جائے گا۔

شرکاء کانفرنس نے اس امر پر زور دیا کہ بلوچستان میں تمام ملکی اور غیر ملکی عناصر کا اصل چہرہ، گٹھ جوڑ اور انتشار پھیلانے کی کوششیں پوری طرح بے نقاب ہو چکی ہیں۔
فورم نے واضح کیا کہ ایسے عناصر اور ایسی کوششیں کرنے والوں کو کسی بھی قسم کی معافی نہیں دی جائے گی۔

نیشنل ایکشن پلان اور عزمِ استحکام کی حکمتِ عملی

فورم نے نیشنل ایکشن پلان کے دائرہ کار کے تحت “عزمِ استحکام” کی حکمتِ عملی کے تیز اور مؤثر نفاذ کی ضرورت پر زور دیا۔
فورم نے دہشت گردی کے خلاف پوری قوم کے تعاون سے مشترکہ نقطۂ نظر کی اہمیت کو بھی اجاگر کیا۔

شرکاء کانفرنس نے اعادہ کیا کہ:
“ریاستی ادارے آئین کے دائرے میں رہتے ہوئے قانون پر پوری استقامت سے عمل درآمد کریں گے۔”

شرکاء کانفرنس نے اس عزم کا اظہار کیا کہ قانون کی عملداری میں کسی قسم کی نرمی اور کوتاہی نہیں برتی جائے گی۔

آرمی چیف نے پاکستان بھر میں نیشنل ایکشن پلان کے تحت قائم شدہ ضلعی رابطہ کمیٹیوں کے آغاز کو سراہا اور نیشنل ایکشن پلان کے تیز نفاذ کی ضرورت پر زور دیا۔
آرمی چیف نے ہدایت کی کہ نیشنل ایکشن پلان کے نفاذ میں حکومتی ہدایات کے مطابق تمام ادارے پائیدار ہم آہنگی، مربوط کوششوں اور تعاون کو یقینی بنائیں۔

آرمی چیف نے کہا:
“پاک فوج حکومت اور قانون نافذ کرنے والے اداروں کو دہشت گردوں کی مالی اعانت کے خلاف سخت قانونی اقدامات میں مکمل تعاون فراہم کرے گی۔”
انہوں نے مزید کہا کہ غیر قانونی سرگرمیاں دہشت گردی کی مالی معاونت سے اندرونی طور پر جڑی ہوئی ہیں۔
آرمی چیف نے واضح کیا کہ پاکستان میں دہشت گردوں اور ان کے سہولت کاروں کے لیے کوئی جگہ نہیں ہے۔

مقبوضہ جموں و کشمیر اور فلسطین کے عوام کی حمایت

فورم نے بھارت کے غیر قانونی طور پر مقبوضہ جموں و کشمیر میں انسانی حقوق کی جاری سنگین خلاف ورزیوں پر گہری تشویش کا اظہار کیا۔
فورم نے لائن آف کنٹرول پر بھارتی فوج کی بلا اشتعال جنگ بندی کی خلاف ورزیوں پر بھی خدشات ظاہر کیے۔

فورم نے بھارت کے غیر قانونی طور پر مقبوضہ جموں و کشمیر کے عوام کے منصفانہ حقوق کے لیے پاکستان کی پُرزور اور غیر متزلزل حمایت پر زور دیا۔
اس کے ساتھ ساتھ، فورم نے عالمی سطح پر مقبوضہ جموں و کشمیر میں جاری انسانی حقوق کی خلاف ورزیوں کو اجاگر کرنے کے لیے مستقل سفارتی کوششوں کی ضرورت پر بھی زور دیا۔

فورم نے فلسطین کے عوام کے ساتھ مکمل یکجہتی کا اظہار کرتے ہوئے غزہ میں ہونے والی سنگین انسانی حقوق کی خلاف ورزیوں اور جنگی جرائم کی شدید مذمت کی۔
فورم نے فلسطین کے عوام کی غیر متزلزل سفارتی، سیاسی اور اخلاقی حمایت فراہم کرنے کا اعادہ بھی کیا۔

آپریشنل تیاری اور پیشہ ورانہ مہارت پر زور

کانفرنس کے اختتام پر آرمی چیف نے فیلڈ کمانڈرز کو آپریشنل تیاری اور پیشہ ورانہ مہارت کے اعلیٰ ترین معیارات کو برقرار رکھنے کی ہدایت کی۔
آرمی چیف نے بہترین جنگی تیاریوں کو برقرار رکھنے کے لیے سخت تربیت کو یقینی بنانے پر بھی زور دیا۔

afghan repatriation landi kotal entry campt

‏غیر قانونی، غیر ملکی اور افغان سٹیزن کارڈ ہولڈرز کا انخلا

حکومت پاکستان کی جانب سے غیر قانونی، غیر ملکی اور افغا!ن سٹیزن کارڈ ہولڈرز کو واپس بھیجنے کا فیصلہ کیا گیا۔ غیر قانونی مقیم اور افغا!ن سٹیزن کارڈ ہولڈرز کو پاکستان چھوڑنے کی ڈیڈلائن ختم ہو چکی ہے۔ 1 اپریل تک پاکستان چھوڑنے والے غیر قانونی افغان باشندوں کی کل تعداد 886,242 تک پہنچ چکی ہے اور واپسی کا یہ سلسلہ جاری اور ساری ہے۔ حکومت پاکستان کے فیصلے کے مطابق ملک چھوڑنے کی ڈیڈ لائین ختم ہو گئ ہے۔ اب چونکہ مقررہ تاریخ گزر گئی ہے اس لیے متعلقہ افراد کے خلاف سخت قانونی کاروائی عمل میں لائی جائے گی۔

خیبرپختونخواراؤنڈاَپ

خیبرپختونخواراؤنڈاَپ

وصال محمد خان

سیکیورٹی اور امن و امان

خیبرپختونخوامیں امن وامان کی خراب صورتحال اوردہشتگردی کے پیش نظراس بارمحاورتاًسنگینوں کے سائے میں نمازعیداداکی گئی ۔عیدکیلئے سیکیورٹی کے خصوصی انتظامات کئے گئے تھے صوبے کے بیشتر اضلاع میں دفعہ 144نافذکی گئی تھی۔چھوٹے قصبوں اوردیہات میں جہاں سیکیورٹی دستیاب نہیں تھی وہاں عیدگاہوں کی بجائے مساجدمیں نمازعیداداکی گئی اس موقع پراہالیانِ محلہ کی جانب سے اپنی مددآپ کے تحت نمازیوں کی سیکیورٹی کااہتمام کیاگیا ۔سیکیورٹی کے فول پروف انتظامات کے باعث عیدپرامن رہی اور دہشتگردی کا کوئی ناخوشگوارواقعہ رونما نہ ہوا۔جس پرعوام ،حکومت اورملکی سلامتی سے متعلق اداروں نے سکون کاسانس لیا۔

سیاسی شخصیات اور عید کی سرگرمیاں

روایتی طورپرسیاسی زعماء کے ڈیرو ں پردورانِ عید مبار کباددینے والوں کاتانتابندھارہتاہے مگراس باربیشترسیاستدانوں نے بھی اپنی سرگرمیاں محدودکرکے کارکنوں کو تکلیف نہ کرنے کی ہدایت کی ۔گورنرفیصل کریم کنڈی عیدکے دوسرے اورتیسرے روزاپنے آبائی علاقے ڈی آئی خان میں موجودرہے جہاں پیپلز پارٹی کے کارکن اوردیگرافرادان سے عید ملے ۔

وزیراعلیٰ خیبر پختو نخوا علی امین گنڈاپورنے نمازعید ڈیرہ اسماعیل خان میں اپنی رہائشگاہ پراداکی اور بعد میں لوگوں سے مبارکبادوصول کی ۔

حادثات، خلاف ورزیاں اور افواہیں

مجموعی طورپر عید پر سکون رہی اورکوئی ناخوشگوارواقعہ رونمانہیں ہوامگرٹریفک حادثات ، ہوائی فائرنگ اور دیگر خونی واقعات میں اٹھارہ افرادجان کی بازی ہارگئے جبکہ 5سوسے زائدزخمی ہوگئے ۔دفعہ 144کے تحت ہوائی فائرنگ اورآتش بازی ممنو ع قراردی گئی تھی ،نہروں،دریاؤں اورآبی ذخائرمیں نہانے ،ون وہیلنگ اورگاڑیوں کے کالے شیشوں پر پابندی عائدتھی اسکے باوجود عید اورچاندرات کے موقع پرکھل کر ہوائی فائرنگ اورآتش بازی کی گئی ،نوجوان ون وہیلنگ جیسے خطرناک کھیل سے بازنہ آئے جبکہ کالے شیشوں پرپابندی بھی ہوامیں اڑادی گئی شہریوں کی بڑی تعدادنے چاندرات اورعیدکے ایام میں بازاروں ،ہوٹلوں ،پارکوں ا ور سیا حتی مقامات کارخ کیا ۔جبکہ کئی عشروں بعدعیدکے پرمسرت موقع پربھی گیس اوربجلی کی لوڈشیڈ نگ کانارواسلسلہ جاری رہا۔عیدپربم دھماکو ں کی متعدد افواہیں اڑائی گئیں۔افواہوں کی ترویج میں حصہ لینے والے افرادکے خلاف پیکاایکٹ کے تحت کارروائی کرکے گرفتار کیا گیا۔


سیاسی صورتحال اور اندرونی اختلافات

جہاں تک سیاسی صورتحال کاتعلق ہے توعید سے قبل وزیراعلیٰ دس دن تک اسلام آبادمیں مقیم رہے جس سے چہ مہ گوئیوں نے جنم لیاکہ عمران خان انکی رخصتی کیلئے گرین سگنل دے چکے ہیں اوروہ خودکوبچانے کیلئے کے پی ہاؤس اسلام آبادمیں ڈیرے ڈالے ہوئے ہیں ۔عیدکے موقع پرانکی عمران خان سے اڈیالہ جیل میں اڑھائی گھنٹے طویل ملاقات ہوئی جس میں سیاسی صورتحال اورحکومتی امورپرگفتگوکی گئی ۔ عمران خان نے کہاکہ اگرکرپشن الزامات کی تحقیقات کرنے والی کمیٹی نے فیصلہ کیاہے توسپیکربابرسلیم سواتی کواپنے عہدے سے مستعفی ہوجاناچاہئے۔

کچھ ذرائع نے دعویٰ کیاہے کہ یہ ملاقات اس سے ایک روزقبل اعظم سواتی اور عمران خان کی ہونے والی ملاقات کاتسلسل تھی جس میں بانی کی جانب سے سپیکرپختونخوااسمبلی کومستعفی ہونے کی ہدایت سمیت دیگرہدایات ،پارٹی عہدوں پرتقرریوں اوردیگرامورپربات چیت کی گئی ۔ یادرہے علی امین گنڈاپورکی بانی پی ٹی آئی سے ملاقات ڈیڑھ ماہ کے وقفے سے ہوئی اس دوران صوبے میں علی امین کی رخصتی کی افواہیں گرم رہیں اسلام آبادمیں ان کادس روزہ قیام بھی اسی سلسلے کی کڑی تھی وزیراعلیٰ کے اپنے مقصدمیں کامیابی یاناکامی کااندازہ آنیوالے چند دنوں میں ہوجائیگا۔پارٹی کے اندرونی ذرائع سے گاہے بگاہے وزیراعلیٰ کی تبدیلی کی خبریں سامنے آتی رہتی ہیں مگرصوبے کے سیاسی امور پر نظررکھنے والے تجزیہ کاروں کاخیال ہے کہ گنڈاپورکی رخصتی پی ٹی آئی قیادت کیلئے آسان نہیں ہوگی بلکہ ایسی کسی کوشش کے نتیجے میں پہلے سے تتربترپارٹی مزیدٹوٹ پھوٹ کاشکارہوسکتی ہے کیونکہ پارلیمانی پارٹی میں کئی گروہ سرگرم عمل ہیں جن میں سے ایک بڑادھڑاعلی امین گنڈاپورکاحامی بھی ہے۔

اعظم سواتی نے عمران خان سے ملاقات کی تفصیلات بیان کرتے ہوئے کہاکہ میں نے انہیں مانسہرہ میں ہونیوا لی کرپشن سے آگاہ کیا،بانی نے کہاکہ اگرکے پی کرپشن فائنڈنگزکمیٹی نے سپیکرکی رخصتی کافیصلہ کیاہے توانہیں مستعفی ہوجاناچاہئے ، جنیداکبر کی جانب سے کی گئی تعیناتیوں کوفوری واپس لینے کاحکم بھی دیاگیا بلکہ ان کاکہناتھاکہ انہوں نے پنجاب کے پارٹی معاملات پربھی بانی کو بریف کیا۔سپیکربھی یقیناًکرپشن میں ملوث رہے ہونگے مگراعظم سواتی کاان سے ذاتی اورسیاسی پرخاش ہے۔تادم تحریروہ عہدے پرفائز ہیں مگر انکی رخصتی کافیصلہ ہوچکاہے جس سے علی امین گنڈاپورکاراستہ بھی صاف ہوجائیگاکیونکہ مخالف گروپ بابرسلیم کوگنڈاپورکے متبادل کے طور پر پیش کررہاتھا۔ سپیکرکے پاس انتظامی حوالے سے زیادہ اختیارات نہیں ہوتے کرپشن میں حکومت ،وزیراعلیٰ ،وزرا،اراکین اسمبلی اور پارٹی قائدین ملوث ہوسکتے ہیں۔


سینیٹ انتخابات میں تاخیر

خیبرپختونخواسے سینیٹ کے 11خالی ہونے والی نشستوں پر ایک سال بعدبھی انتخابات کاانعقادنہ ہوسکا۔صوبائی اسمبلی میں مخصوص نشستوں کافیصلہ نہ ہونے کے باعث ایوان بالاسے مارچ 2024ء میں ریٹائرڈہونے والے ارکان کی جگہ نئے ممبران منتخب نہ ہوسکے ۔جوسیاسی کھینچاتانی اورعدم استحکام کامنطقی نتیجہ ہے ۔2018ء میں منتخب ہونے والے سینیٹرزمارچ2024ء میں ریٹائرہوچکے ہیں۔گزشتہ برس 2 اپریل کوانتخابات کاانعقادملتوی ہواہے ۔7جنرل جبکہ خواتین اورٹیکنوکریٹس کی دو،دونشستیں خالی ہیں نئے انتخاب کیلئے جنرل پر16جبکہ خواتین اورٹیکنوکریٹس نشستوں پرچار،چارامیدوارمیدان میں ہیں۔


افغان مہاجرین کی واپسی

پاکستان میں مقیم افغان مہاجرین کی رضاکارانہ واپسی کیلئے31مارچ کی ڈیڈلائن دی گئی تھی ۔ 13لاکھ رجسٹرڈ افغان مہاجرین کی واپسی کا عمل عیدکی چھٹیاں ختم ہونے کے بعدشروع ہونے کاامکان ظاہرکیاگیاتھا۔ڈیڈلائن میں توسیع کی توقع تھی مگراس حوالے سے کوئی اعلامیہ سامنے نہ آسکا۔محکمہ داخلہ کے مطابق واپسی کی تیاریاں مکمل ہیں مگرعیدکی چھٹیوں کے سبب اس پرعملدرآمدتاخیرکاشکارہوئی۔یادرہے خیبر پختونخوا میں افغان مہاجرین کے 43کیمپس ہیں جن میں 3لاکھ 44 ہزار908 افراد مقیم ہیں ۔جبکہ صوبے میں رجسٹرڈافغان مہاجرین کی تعداد 7 لاکھ 9ہزار278ہے۔2013ء سے اب تک 4لاکھ 65 ہزارافغان مہاجرین طورخم کے راستے اپنے ملک جاچکے ہیں ۔وزیر اعلیٰ افغانوں کی واپسی کے حق میں نہیں انہوں نے ایک بیان میں کہاکہ شہریت کے خواہشمندوں کوپاکستانی شہریت دینے میں کوئی حرج نہیں ۔جبکہ صوبے کے باشندے افغان مہاجرین کی واپسی چاہتے ہیں جس سے امن وامان کی صورتحال میں واضح بہتری کی توقع کی جارہی ہے۔


فنکار حیات خان میراوس کا انتقال

خیبرپختونخواکے مقبول ترین مزاحیہ فنکار، شاعر،صداکاراورگلوکارحیات خان المعروف میراوس طویل علالت کے بعد70سال کی عمرمیں انتقال کرگئے ۔انہوں نے فنی زندگی کاآغازصداکاری سے کرکے کم وبیش 2ہزارآڈیوکیسٹس میں گلوکاری ،لطیفہ گوئی ، مزاحیہ شاعری اور پیروڈی کامظاہرہ کیااورپی ٹی وی پربھی اپنے فن کے جوہردکھائے ۔وہ 50سال تک لوگوں کے چہروں پرمسکراہٹ لانے کیلئے کوشاں رہے ۔پشتوبولنے والاشائدہی کوئی فرد ہوجوانکے نام سے واقف نہ ہو۔انکی بے پناہ مقبولیت کے پیش نظرمیراوس کانام لطیفہ گوئی اورہنسی مذاق کااستعارہ بن چکاہے۔

KPPRA

کیپرا کی شاندار کارکردگی: 9 ماہ میں 37.37 ارب روپے کے محاصل جمع

پشاور: خیبرپختونخوا ریونیو اتھارٹی (کیپرا) نے رواں مالی سال کے پہلے 9 ماہ کے دوران 37.37 ارب روپے کے محاصل اکٹھے کیے، جو کہ گزشتہ مالی سال کے اسی عرصے کے مقابلے میں 41 فیصد زیادہ ہیں۔ ترجمان کیپرا کے مطابق گزشتہ مالی سال کے ابتدائی 9 ماہ میں 26.58 ارب روپے کے محاصل اکٹھے کیے گئے تھے، جبکہ رواں سال اسی عرصے میں 10.79 ارب روپے کا اضافہ ریکارڈ کیا گیا۔

اعداد و شمار کے مطابق، رواں مالی سال کے ابتدائی 9 ماہ میں سیلز ٹیکس آن سروسز کی مد میں 28.8 ارب روپے جبکہ انفراسٹرکچر ڈیویلپمنٹ سس کی مد میں 8.57 ارب روپے جمع کیے گئے۔ گزشتہ سال انہی مدات میں بالترتیب 22.8 ارب اور 3.74 ارب روپے اکٹھے کیے گئے تھے، جس سے ظاہر ہوتا ہے کہ سیلز ٹیکس آن سروسز میں 26 فیصد اور انفراسٹرکچر ڈیویلپمنٹ سس میں 129 فیصد اضافہ ہوا۔

ڈائریکٹر جنرل کیپرا، فوزیہ اقبال نے ادارے کی کامیابی کو ٹیم کی محنت، شفافیت اور ٹیکس دہندگان کے تعاون کا نتیجہ قرار دیتے ہوئے کہا کہ ادارہ مالی سال کے اختتام تک 47 ارب روپے کے ہدف سے بھی زیادہ محاصل اکٹھے کرنے میں کامیاب ہو جائے گا۔ انہوں نے وزیراعلیٰ خیبرپختونخوا علی امین گنڈاپور اور مشیر خزانہ مزمل اسلم کا بھی شکریہ ادا کیا، جن کی رہنمائی نے کیپرا کو مؤثر پالیسی سازی میں مدد دی۔

The implementation of Karam Aman Agreement continues, a total of 932 bunkers have been demolished

کرم امن معاہدے پرعملدرآمد جاری،مجموعی طورپر 932بنکرز مسمار

ضلع کرم میں کوہاٹ امن معاہدے کے تحت مورچوں کی مسماری کا عمل تیزی سے جاری ہے، شہر میں 988 چھوٹے اور بڑے بنکرز مسمار کر دیئے گئے۔ ضلعی انتطامیہ کے مطابق اپر کرم میں 635 جبکہ لوئر کرم میں 353 بنکرز مسمار کر دیئے ہیں، ضلع میں مجموعی طور پر فریقین کے اب تک 988 بنکرز مسمار کیے جا چکے ہیں۔ ضلعی انتظامیہ کا کہنا ہے کہ پائیدار اور دیرپا امن و امان کیلئے بنکرز کی مسماری بہترین اقدام ہے، اپر اور لوئر کرم کے مختلف مقامات پر مزید بنکرز گرائے جائیں گے۔

Screenshot_4

پشاور ہائیکورٹ:محکمہ صحت خیبرپختونخوا کے کروڑوں روپے کا ٹینڈر کالعدم قرار

پشاور ہائیکورٹ نے محکمہ صحت خیبرپختونخوا کے کروڑوں روپے کے ٹینڈر کو کالعدم قرار دے دیا۔

پشاور ہائیکورٹ نے محکمہ صحت خیبرپختونخوا کے کروڑوں روپے مالیت کے ادویات کی خریداری کے ٹینڈر کو غیر شفاف اور امتیازی قرار دیتے ہوئے فوری طور پر منسوخ کرنے کا حکم جاری کر دیا ہے۔ جسٹس ارشد علی اور جسٹس خورشید اقبال پر مشتمل دو رکنی بینچ نے کیس کی سماعت کے دوران ریمارکس دیے کہ ٹینڈر کی شرائط میں تبدیلیاں ایک مخصوص بلیک لسٹ کمپنی کو فائدہ پہنچانے کے لیے جان بوجھ کر کی گئیں، جو کہ قانون و انصاف کے منافی ہے۔ درخواست گزار کے وکیل، شمائل احمد بٹ نے عدالت کو آگاہ کیا کہ فرنٹیئر ڈیکسٹوز لمیٹڈ کو جعلی اور غیر معیاری ادویات کی فراہمی پر بلیک لسٹ کیا جا چکا ہے، اس کے باوجود اسے سرکاری اسپتالوں میں سپلائی کے لیے ٹینڈر دینا عوامی صحت کے ساتھ سنگین کھلواڑ ہے۔ درخواست گزار کی جانب سے جمع کرائی گئی لیبارٹری رپورٹس سے کمپنی کی مشکوک ساکھ کا بھی انکشاف ہوا۔ عدالت نے اپنے فیصلے میں کہا کہ ادویات کی خریداری کا نیا عمل فوری شروع کیا جائے اور شفافیت اور مساوی مسابقت کو یقینی بنایا جائے۔ عدالت نے مزید قرار دیا کہ عوامی فنڈز سے کی جانے والی خریداری میں کرپشن یا اقربا پروری کی کوئی گنجائش نہیں اور بلیک لسٹ کمپنی کو نوازنا انسانی جانوں کے ساتھ خطرناک کھیل ہے۔

Peshawar: Important meeting regarding evacuation of Afghan refugees

پشاور:ڈپٹی کمشنرکی زیرصدارت افغان مہاجرین کے انخلاء کے حوالے سے اہم اجلاس

صوبائی دارلحکومت پشاور میں ڈپٹی کمشنر سرمد سلیم اکرم کی زیر صدارت افغان مہاجرین کے انخلاء کے حوالے سے اہم اجلاس منعقد ہوا. جس میں ایڈیشنل ڈپٹی کمشنر (ریلیف) عظمیٰ مکرم سمیت انتظامی افسران اور متعلقہ محکموں کے افسران نے شرکت کی۔ اجلاس میں افغان مہاجرین کے انخلاء کے حوالے سے تفصیل سے بات چیت کی گئی اور اس حوالے سے مزید ہدایات جاری کیں۔

Charsadda, famous comedian Miraos was laid to rest in Tangi, his native village

چارسدہ، معروف کامیڈین میراوس آبائی گاؤں تنگی میں سپرد خاک

پشتو کے معروف کامیڈین میراوس آبائی گاؤں تنگی میں سپرد خاک کر دیئے گئے، وہ گزشتہ روز طویل علالت کے بعد انتقال کر گئے تھے۔ نماز جنازہ میں علاقے کے لوگوں نے کثیر تعداد میں شرکت کی، جس کے بعد معروف کامیڈین میراوس آبائی گاؤں تنگی میں سپرد خاک کر دیئے گئے۔میراوس مرحوم نے اپنی جاندار اور مراح سے بھرپور فنکاری سے نہ صرف ملکی بلکہ دیار غیر میں بھی شائقین کو محظوظ کیا، اور خوب نام کمایا۔ میراوس شوگر اور گردوں کے عارضے میں مبتلا تھے۔
مشیر ثقافت زاہد چن زیب نے معروف پشتو کامیڈین میراوس کے انتقال پر اظہار افسوس کیا اور کہا کہ میراوس جیسے اداکار کا خلا کبھی پر نہیں ہوگا۔ میراوس نے 800 سے زائد پشتو کامیڈی البمز میں اپنے فن کا لوہا منوایا، میراوس کو پرائیڈ آف پرفارمنس سے بھی نوازا گیا تھا۔

Food Department KPK

خیبر پختونخواہ فوڈ اتھارٹی نے رمضان المبارک کارکردگی رپورٹ جاری کردی

خیبرپختونخوا فوڈ اتھارٹی نے رمضان کے مہینے میں کاروائیوں کی رپورٹ جاری کردی گئی۔ رمضان میں فوڈ اتھارٹی نے صوبہ بھر میں خوراک سے وابستہ کاروباروں کے 10 ہزار 112 معائنے کیے۔ مختلف کاروائیوں کیدوران 1 لاکھ 12 ہزار595 کلو غیر معیاری ومضر صحت اشیاء ضبط کرکے تلف۔ سب سے زیادہ پشاور میں 1 ہزار 682 معائنے اور31 ہزار 242 کلو غیر معیاری و مضر صحت اشیاء پکڑ کر تلف۔ مردان میں 883 معائنے، 49 ہزار 485 کلو غیر معیاری اشیاء تلف۔ بنوں میں 593، ایبٹ آباد میں 559، سوات میں 596، مانسہرہ میں 563 جبکہ ہری پور میں 512 معائنے کیے گئے۔

دودھ ،مشروبات، کوکنگ آئل و بناسپتی گھی، مصالحہ جات اور دیگر خوراکی اشیاء کے 2ہزار 201 نمونوں کی موبائل فوڈ ٹیسٹنگ لیب سے ٹیسٹنگ، 1904 تسلی بخش جبکہ 297 غیر معیاری قرار پائے گئے۔ حفظانِ صحت کے اصولوں کی خلاف ورزی پر 25 کاروبار سیل، تقریباً 15.75 ملین روپے جرمانے بھی عائد۔ 2ہزار 477 لائیسنسز کی تجدید و اجراء، لائیسنسز کی مد میں تقریباً 9.64 ملین روپے کی محصولات بھی حاصل۔ 1 ہزار 147 خوراکی کاروباروں کو بہتری کے نوٹسز بھی جاری کیے گئے۔ رمضان کے مہینے میں 8 تربیتی سیشنز اور 155 آگاہی سیشنز کا انعقاد بھی کیا گیا۔ صوبے سے غیر معیاری و مضر صحت خوردونوش اشیاء میں ملوث افراد و کاروباروں کا صفایا ھر صورت یقینی بنائیں گے۔ شہریوں کی صحت پر کوئی سمجھوتا نہیں کیا جائے گا۔