Daily Archives: April 23, 2025

خیبر پختونخوا ’’سیف سٹیز پراجیکٹ‘‘ کے منصوبے پر عمل درآمد کیلئے معاہدے پر دستخط کر دئیے گئے۔ وزیراعلیٰ ہاؤس میں اس اہم معاہدے پر دستخط کرنے کی تقریب کا انعقاد۔ وزیر اعلیٰ خیبر پختونخوا تقریب کے مہمان خصوصی تھے۔ ممبران صوبائی کابینہ اور پشاور کے منتخب عوامی نمائندوں کے علاوہ چیف سیکرٹری، انسپکٹر جنرل آف پولیس، ایڈیشنل چیف سیکرٹری داخلہ اور دیگر متعلقہ حکام کی شرکت۔ پولیس اوراین آر ٹی سی کے درمیان معاہدے پر دستخط ہوئے۔ متعلقہ حکام کی طرف سے وزیر اعلیٰ کو منصوبے کے مختلف پہلوؤں پر بریفنگ۔ اس فلیگ شپ منصوبے کے تحت صوبائی دارالحکومت پشاور سمیت تمام ڈویژنل ہیڈکوارٹرز اور دیگر حساس اضلاع کو سیف سٹی بنایا جائے گا۔ ابتدائی طور پر صوبائی دارالحکومت پشاور میں سیف سٹی پراجیکٹ پر عملدرآمد کیا جائے گا۔ پشاور سیف سٹی پراجیکٹ کا پہلا مرحلہ 2.2 ارب روپے کی لاگت سے چھ مہینوں میں مکمل کیا جائے گا۔ منصوبے کے پہلے مرحلے کے تحت صوبائی دارالحکومت پشاور کے 125 مقامات پر 710 جدید ہائی ریزولوشن کیمرے نصب کیے جائیں گے۔ دوسرے مرحلے میں شہر کے 600 دیگر مقامات پر کیمرے نصب کئے جائیں گے۔ سیف سٹیز منصوبے کے تحت اسٹیٹ آف دی آرٹ کمانڈ اینڈ کنٹرول روم بھی قائم کیا جائے گا۔ یہ مرحلہ پانچ ارب روپے کی لاگت سے ایک سال کی مدت میں مکمل کیا جائے گا۔ بعدازاں ڈی آئی خان، بنوں، لکی مروت، شمالی وزیرستان اور کرک میں سیف سٹی پراجیکٹ پر عملدرآمد کیا جائے گا۔ جنوبی اضلاع میں سیف سٹی کا یہ منصوبہ چھ ارب روپے کی لاگت سے ایک سال کے عرصے میں مکمل کیا جائے گا۔ اس کے بعد مردان، کوہاٹ، نوشہرہ، سوات اور ایبٹ آباد کو بھی سیف سٹی بنایا جائے گا۔ سیف سٹیز نیٹ ورک کو قانونی حیثیت دینے کے لئے خیبر پختونخوا سیف سٹیز اتھارٹی ایکٹ کا نفاذ کیا جائے گا۔ اس قانون کے تحت تمام کمرشل پراجیکٹس کے کیمروں کو سیف سٹی نیٹ ورک کا لازمی حصہ بنایا جائے گا۔ سیف سٹی پراجیکٹ کے تحت آرٹیفیشل انٹیلیجنس کے ذریعے نگرانی اور شناخت کا ایک موثر اور خودکار نظام قائم کیا جائے گا۔ سیف سٹی پراجیکٹ کی دیگر خصوصیات میں ایمرجنسی رسپانس سسٹم، ای چلان، ڈیجیٹل فارنزک ایوڈینس وغیر شامل ہیں۔ اس منصوبے کے تحت پولیس اور دیگر تمام متعلقہ محکموں کے ڈیٹا بیس کو یکجا کیا جائے گا۔ صوبائی حکومت کا سیف سٹی پراجیکٹ اپنی منفرد خصوصیات کی وجہ سے ملک کے تمام سیف سٹی پراجیکٹس میں سب سے جدید سسٹم ہے۔ صوبے میں امن و امان کو بہتر اور شہریوں کے جان و مال کے تحفظ کو یقینی بنانا ہماری اولین ترجیح ہے۔ اس مقصد کے لیے پولیس کو مضبوط اور مستحکم بنانے پر بھرپور وسائل خرچ کر رہے ہیں۔ سیف سٹیز پراجیکٹ اس سلسلے میں ایک اہم سنگ میل ہے۔ موجودہ صورتحال میں سکیورٹی مقاصد کے لئے جدید ٹیکنالوجی کا استعمال وقت کی اشد ضرورت ہے۔ سیف سٹیز منصوبے سے شہریوں کے تحفظ کو یقینی بنانے میں بہت مدد ملے گی۔ سیف سٹیز منصوبے سے نہ صرف سکیورٹی نظام میں بہتری آئے گی بلکہ شہریوں کا اعتماد بھی بڑھے گا۔ موجودہ صوبائی حکومت جدید ٹیکنالوجی کے ذریعے گورنسس اور امن و امان کو بہتر بنانے کیلئے نہ صرف پر عزم بلکہ عملی اقدامات بھی کر رہی ہے۔

کوہاٹ کرم متاثرین کیلئے گورنر خیبر پختو نخوا فیصل کریم کنڈی کی کوششوں سے بھیجا گیا اشیاء خوردونوش ودیگر سامان ڈپٹی کمشنر کوہاٹ کے حوالے کر دیا گیا۔ یہ امداد رشن حکومت کی تعاون سے ہلال احمر خیبرپختونخوا کو بھیجا گیا اس حوالے سے ڈپٹی کمشنر افس کوہاٹ میں خصوصی تقریب منعقد ہوئی۔ جس میں وائس چیرمین ہلال احمر فرزند خان وزیر سیکرٹری خیبر پختونخوا علی حسن، ڈسٹرکٹ سیکرٹری کوہاٹ ڈپٹی کمشنر کوہاٹ عبد الاکرم چترالی اے ڈی سی ریلیف محمد وقاص بھی موجود تھے۔ ہلال احمر کے وائس چیئرمین فرزند خان وزیر نے کہا کہ کرم کے متاثرین کی مدد ہمارا اخلاقی اور دینی فریضہ ہے تاہم امدادی سامان کی فراہمی پی ڈی اہم اے کی زمہ داری ہے جو اپنے فرائض کی ادائیگی سے غافل ہیں گورنر خیبر پختونخوا فیصل کریم کنڈی کی ان متاثرین کے لئے کاوشیں قابل تحسین ہے جنہوں نے کرم متاثرین کیلئے رشین حکومت سے امداد لے کر انکی دلجوئی کی ڈپٹی کمشنر کوہاٹ نے ا س موقع پر گورنر خیبر پختونخوا اور ہلال احمر اور رشین حکومت کا کرم متاثرین کیلئے امدادی پر شلریہ ادا کیا انہوں نے کہا کہ اس سے قبل بھی جو نقدی اور امدادی سامان فراہم کیا گہا گیا تھا وہ ان تک پہنچا دیا گیا تھا اج امدادی سامان پانچ سو خاندانوں کے لئے مختص ہے بہت جلد متاثرین میں تقسیم کر دی حائے گی انہوں کہا کہ قبل 34ترکوں پر مشتمل سامان بھی متاظرین میں شفافیت کے ساتھ تقسیم کر دیا گیا ہے بعد ازان تمام سامان ڈی سی کوہاٹ کے حوالے کر دیا گیا

ایوب میڈیکل انسٹی ٹیوشن کے بورڈ آف گورنرز کا 108 واں اجلاس جمعہ کے روز ایبٹ آباد میں منعقد ہوا۔ جس کی صدارت چیرمین بورڈ آف گورنرز پروفیسر عابد جمیل نے کی۔ اجلاس میں بورڈ ممبران پروفیسر عالم زیب منان، جاوید قیصر، ڈاکٹر گل افشاں نے شرکت کی جبکہ ممبر عثمان علی نے آن لائن شرکت کی۔ ادارے کے ایکزیکٹوز نے بھی اجلاس میں شرکت کی اور مختلف اہم اجنڈے پیش کیے۔ اجلاس کے دوران ادارے کے انتظامی و ترقیاتی امور پر تفصیلی تبادلہ خیال کیا گیا اور مسائل کے حل کے لیے جامع حکمت عملی تیار کی گئی۔ چیرمین بی او جی پروفیسر عابد جمیل نے اس موقع پر کہا کہ مریضوں کی فلاح و بہبود ادارے کی اولین ترجیح ہے۔ انہوں نے اعلان کیا کہ مریضوں کو ایک جگہ سے دوسری جگہ منتقل کرنے کے لیے “الیکٹرک پیشنٹ شفٹنگ کارٹس” متعارف کروائی جائیں گی تاکہ منتقلی کا عمل مزید آسان اور آرام دہ بنایا جا سکے۔ اجلاس میں ہسپتال ایکزیکٹوز کو ادارے میں مزید بہتری سے کام کرنے کی ہدایات دی گئیں۔ انچارج فارمیسی ڈیپارٹمنٹ آصف نوز، انچارج آئی ٹی شہریار علی، اور انچارج پروکیورمنٹ ونگ کمانڈر ریٹائرڈ اصغر خان وزیر سے ان کے شعبہ جات کے متعلق تفصیلی گفتگو کی گئی اور مختلف ٹاسک تفویض کیے گئے۔ اس موقع پر چیرپرسنز اور ہیڈ آف ڈیپارٹمنٹس کے کردار پر بھی تبادلہ خیال کیا گیا۔ پروفیسر عابد جمیل نے واضح کیا کہ موجودہ انتظامیہ ہزارہ، گلگت اور آزاد کشمیر سے آنے والے مریضوں کو بہترین طبی سہولیات فراہم کرنے کے لیے ہر ممکن اقدامات کر رہی ہے۔

‎محکمہ تعلیم خیبر پختونخوا نے  داخلہ مہم 2025 کا باضابطہ آغاز کردیا۔10 لاکھ بچوں کو اسکولوں میں داخل کرانے کا ہدف مقرر کیا گیا ہے۔ “تعلیم سب کیلئے” مہم پچیس مارچ سے جاری ہے۔ والدین سے اپیل کی گئی ہے کہ وہ اپنے بچوں کو اسکول بھیجنے کو یقینی بنائیں۔ ‎اسی سلسلے میں ڈپٹی کمشنر ایبٹ آباد کی ہدایات پر ایڈیشنل اسسٹنٹ کمشنر نےگورنمنٹ پرائمری سکول حویلیاں میں داخلہ مہم کے حوالے سے منعقدہ پروگرام میں شرکت کی۔ سکول کی بچیوں کی جانب سے بینرز اور پوسٹر کے زریعے آگاہی پیغام کو شہریوں تک پھیلایا گیا۔ پروگرام میں سکول کی طالبات اور خواتین نے بھر پورشرکت کی۔ پروگرام کامقصد شہریوں میں تعلیم سے متعلق آگاہی فراہم کرنا اور زیادہ سے زیادہ بچوں کی سکول داخلے کو یقینی بنانا تھا۔

22 اپریل 2025 کو میران شاہ، شمالی وزیرستان میں میڈیا کے کردار، درپیش چیلنجز اور ان کے حل کے موضوع پر میڈیا سیمینار منعقد کیا گیا۔ سیمینار میں ممتاز صحافی حضرات بشمول ارشد عزیز ملک، حسن خان، عقیل یوسفزئی اور افتخار فردوس کے علاوہ بڑی تعداد میں مقامی صحافیوں، معززین اور نوجوانان نے شرکت کی۔ دو سیشنز پر مشتمل سیمینار میں امن و استحکام، فیک نیوز، رپورٹنگ کے مسائل اور سوشل میڈیا کے چیلنجز پر تفصیلی گفتگو ہوئی۔ سوال و جواب کے سیشن کو حاضرین کے معلوماتی سوالات اور مہمان سپیکرز کے مفصل جوابات نے مزید نتیجہ خیز بنا دیا۔

جی او سی میران شاہ، میجر جنرل عادل افتخار نے بطور مہمان خصوصی سیمینار میں شرکت کی- شرکاء نے میڈیا سیمینار کے انعقاد کو سراہتے ہوئے کہا کہ ایسے سیمینارز سے علاقے کے مسائل اجاگر اور میڈیا کے مثبت کردار کو فروغ ملتا ہے- مہمان خصوصی نے شرکاء کا تہہ دل سے شکریہ ادا کرتے ہوئے کہا کہ قیام امن کیلئے سیکورٹی فورسز اور میڈیا کا کردار انتہائی اہمیت کا حامل ہے۔ شرکاء نے سیمینار کے کامیاب انعقاد پر پاک فوج کا شکریہ ادا کیا اور اسے میڈیا سے متعلق امور کیلئے سنگ میل قرار دیا ۔

پشاور کم سے کم درجہ حرارت 18 ڈگری سینٹی گریڈ ریکارڈ کیا گیا۔ پشاوردرجہ حرارت 36 ڈگری سینٹی گریڈ تک بڑھنے کا امکان ہے۔ محکمہ موسمیات کیمطا بق ہوا میں نمی کا تناسب 34 فیصدہے۔ سب سے زیادہ درجہ حرارت ڈی آئی خان میں 40 ڈگری سینٹی گریڈ ریکارڈ کی گئی۔ خیبر پختو نخوا کے بیشتر اضلاع میں موسم خشک رہے گا۔ جنوبی اضلاع میں دن کے اوقات میں موسم گرم رہنے کا امکان۔ چترال، دیر ،سوات، شانگلہ اور مانسہرہ میں بعض مقامات پر بارش کا امکان ہے۔