Daily Archives: May 11, 2025

کوہاٹ پاک فوج کے کامیاب بنیان مرصوص آپریشن پر مین بازار کوہاٹ میں تاجر برادری کی جانب سے مٹھائی تقسیم کی گئی۔ تاجربرادری نے پاک فوج کے حق میں نعرے بازی کی اور خوشی کا اظہار کیا۔ کوہاٹ۔پاک فوج نے ہمارا سر فخر سے بلند کر دیا ہے۔

انتہائی فخر اور غیر متزلزل حب الوطنی کے جذبے کے ساتھ، پشاور زلمی اور زلمی فاؤنڈیشن کے چیئرمین، جاوید آفریدی نے پاکستان کے بہادر فضائی محافظین کو خراجِ تحسین پیش کرنے کیلئے 5 کروڑ روپے کا اعلان کیا ہے۔ یہ خراجِ تحسین حالیہ واقعات کے تناظر میں پیش کیا گیا ہے ۔ ایک ایسی صورتحال میں جہاں بڑے پیمانے پر نقصان اور جانی ضیاع کا خطرہ تھا، پاکستان کے فضائی محافظین نے برق رفتاری، درستگی اور جرأت مندی سے کارروائی کرتے ہوئے کسی بھی نقصان یا جانی ضیاع کو رونما نہیں ہونے دیا۔

زلمی فاونڈیشن کے چئیرمین کا کہنا تھا کہ  “ان کی بے مثال جرأت، لگن اور قربانی ہماری قومی شان کا دل ہے۔ آج ہم انہیں صرف الفاظ سے نہیں بلکہ عملی اقدامات کے ذریعے خراجِ تحسین پیش کر رہے ہیں۔” یہ محض ایک علامتی اقدام نہیں بلکہ قومی یکجہتی اور ان ہیروز کے لیے گہرے احترام کی مضبوط علامت ہے جو بے خوفی سے ہمارے آسمانوں کی حفاظت کرتے ہیں۔ یہ زلمی فاؤنڈیشن کے اس عزم کی عکاسی کرتا ہے کہ وہ ان لوگوں کے ساتھ کھڑی ہے جو ملک و قوم کی خدمت کو اپنا فخر سمجھتے ہیں۔ نوجوانوں کو بااختیار بنانے اور قومی ترقی کیلئے اپنی وابستگی کے لیے جانی جانے والی زلمی فاؤنڈیشن جذبے کے ساتھ قیادت کرتی رہے گی — جرأت کو سلام، اتحاد کو مضبوطی، اور ان کو خراجِ عقیدت جو فرض کو سب کچھ پر مقدم رکھتے ہیں

اپر چترال کے علاقے بریپ میں افواجِ پاکستان کے ساتھ اظہارِ یکجہتی کے لیے ایک شاندار ریلی نکالی گئی، جس کی قیادت یونین کونسل وائس چیئرمین جناب میر رحیم، شیعہ امامی اسماعیلی لوکل کونسل کے سابق صدر جناب مقدار علی خان، اور بھائی چارہ فلاحی تنظیم بریپ کے بانی ایڈمن جناب کریم خان نے کی۔

ریلی کے شرکاء نے بریپ چیک پوسٹ پر تعینات پاک فوج کے جوانوں کو خراجِ تحسین پیش کیا اور اُن کی جرات و بہادری پر مبارک باد پیش کی۔ شرکاء نے کہا کہ “آپریشن بنیان مرصوص” کی کامیابی نے پوری قوم کا سر فخر سے بلند کر دیا ہے اور ملک بھر میں خوشی کی لہر دوڑا دی ہے۔

بھائی چارہ فلاحی تنظیم بریپ کی جانب سے جاری کردہ بیان میں کہا گیا ہے کہ “ہم افواجِ پاکستان اور تمام اقوامِ پاکستان کو دل کی گہرائیوں سے لاکھوں مبارک باد پیش کرتے ہیں۔ ہماری دعا ہے کہ اللّٰہ تعالیٰ پاکستان کو ہمیشہ فتح، ترقی اور کامیابی عطا فرمائے۔ آمین۔”

یہ ریلی وطن سے محبت اور افواجِ پاکستان کے لیے عوامی اعتماد و احترام کا واضح اظہار تھی، جسے مقامی سطح پر بھرپور پذیرائی ملی۔

باب خیبر پر “آپریشن بنیان المرصوص” کی کامیابی کا جشن، افواجِ پاکستان کی جانب سے شاندار آتش بازی، شہریوں کا جذبۂ حب الوطنی دیدنی تھی

ضلع خیبر تاریخی باب خیبر پر افواجِ پاکستان کی جانب سے بھارت کی حالیہ جارحیت کے خلاف “آپریشن بنیان المرصوص” کی کامیابی کی خوشی میں سابقہ ایم پی اے الحاج بلاول آفریدی کے جانب سے شاندار آتش بازی کا مظاہرہ کیا گیا، جسے دیکھنے کے لیے مقامی افراد، نوجوانوں، بزرگوں اور بچوں کی بڑی تعداد موجود تھی۔ باب خیبر پر آتش بازی کے رنگوں نے نہ صرف تاریخی باب خیبر کو جگمگایا بلکہ عوام کے دلوں میں وطن سے محبت کی ایک نئی شمع بھی روشن کی۔

آتش بازی مظاہرے کے دوران شرکاء نے فضاء میں “پاک فوج زندہ باد” اور “پاکستان پائندہ باد” کے نعرے بلند کئے۔

سابقہ ایم این اے الحاج بلاول آفریدی نے ساتھیوں سمیت اس موقع پر گفتگو کرتے ہوئے افواجِ پاکستان کو خراجِ تحسین پیش کیا۔ سابقہ ایم پی اے الحاج بلاول آفریدی نے کہاکہ:”ہمیں اپنی افواج پر فخر ہے۔ انہوں نے نہ صرف دشمن کو منہ توڑ جواب دیا بلکہ ہماری سرزمین کی حفاظت کا فرض بھی بخوبی نبھایا۔ باب خیبر پر جشن منانا ہمارے لیے باعثِ فخر ہے، کیونکہ یہ دروازہ ہماری تاریخ اور غیرت کی علامت ہے۔”

انہوں نے مزید کہا کہ وہ ہر حال میں وطن عزیز اور افواج پاکستان کے ساتھ کھڑے ہیں۔افواج پاکستان اپنے بڑے دشمن کا غرور خاک میں ملاکر ہندوستان میں گھس کر انہیں مارا۔انہوں نے کہاکہ یہ تقریب نہ صرف ایک عسکری کامیابی کا جشن تھی بلکہ یہ ایک مضبوط پیغام بھی تھا کہ پاکستانی قوم اور افواج ہر جارحیت کا منہ توڑ جواب دینے کی بھرپور صلاحیت رکھتی ہیں۔ باب خیبر پر روشن ہوتی یہ روشنیوں کی بارش، اس بات کی علامت ہے کہ پاکستان کا دفاع ناقابلِ تسخیر ہے۔