مردان میں کے پی سیپ کے تحت ایشین ڈویلپمنٹ بنک کی مدد سے 60 کروڑ روپے کی لاگت سے دو نئے پبلک پارک 100/100 کنال اراضی پر تعمیر ہوں گے جبکہ 12 ارب روپے کی لاگت سے سیورلاائنز اور سیوریج ٹریٹمنٹ پلانٹ پر کام جاری ہے۔
میئر مردان حمایت اللہ مایار کے زیر صدارت این سیز چیئرمین صاحبان اور کے پی سیپ کے اعلی حکام کی میٹنگ ،تقریبا 12 ارب روپے کی لاگت سے مردان سٹی کے 6 یونین کونسلز ( ہوتی ، گلی باغ ، باڑی چم ، بکٹ گنج ، مسلم آباد اور روڑیا میں 80 کلو میٹر لمبائی پر مشتمل سیور لائنز اور باچاخان روڈ مایار سے منسلک سیوریج ٹریٹمنٹ پلانٹ کی تعمیر سے حفظان صحت اور صفائی کا دیرینہ مسلہ حل ہوجائیگا ۔گھروں کو کے پی سیپ کی خرچ سیور لائن سے کئے جائیں گے ۔ جبکہ پانی اور گیس پائپ لائنز کو سیور لائنز سے الگ کرنے کیلئے بھی فنڈز فراہمی اور متعلقہ فورمز سے منظوری لی جائیگی ۔
اس طرح عید سے پہلے جاری کام کو مکمل کیا جائیگا ، تاکہ عوام کو تکلیف نہ ہو ۔ بقایا کام عید کے بعد شروع کیا جائیگا ۔ اس طرح کے پی سیپ پروگرام کے تحت دو نئے پارک بھی تعمیر کئے جائیں گے۔ ایک پارک چمتار رنگ روڈ پر موجود ٹی ایم اے اراضی کے 100 کنال اراضی اور دوسرا امیر محمد خان پارک شیخ ملتون کے 100 کنال اراضی پر تعمیر ہوگی ۔ اس کیلئے 60 کروڑ روپے مختص کئے گئے ہیں ۔ عوام سے اپنےگلی ، محلوں کو صاف رکھنے اور جاری سکیموں کی نگرانی اور رپورٹنگ میں تعاون کی درخواست کی جاتی ہے۔
