Daily Archives: August 15, 2025

پی ڈی ایم اے کی جانب سے بارشوں اور فلش فلڈ کے باعث صوبہ کے مختلف اضلاع میں جانی و مالی نقصانات کی ابتدائی رپورٹ جاری کر دی گئی ۔ پچھلے 24 گھنٹوں کے دوران ہونے والی بارشوں اور فلش فلڈ کے باعث مختلف حادثات میں اب تک 43 افراد جاں بحق اور 14 زخمی ہوے۔ جاں بحق افراد میں  33 مرد، 2 خواتین اور 8 بچے شامل جبکہ زخمیوں میں 11 مرد، 2 خواتین اور1 بچہ شامل ہے۔ بارشوں اور فلش فلڈ کے باعث اب تک کی رپورٹ کے مطابق مجموعی طور پر 30 گھر وں کو نقصان پہنچا۔ جس میں 25 گھروں کو جزوی اور 5 گھر مکمل منہدم ہوئے۔

پی ڈی ایم اے کیمطا بق یہ حادثات صوبہ کے مختلف اضلاع  سوات، بونیر ، باجوڑ، تورغر، مانسہرہ، شانگلہ اور بٹگرام میں پیش آئے۔ تیز بارشوں اور فلش فلڈ كے باعث سب سے زیادہ متاثرہ اضلاع باجوڑ اور بٹگرام ہیں جہاں ریسکیو اپریشن تاحال جاری۔ شدید بارشوں کا موجودہ سلسلہ 21 اگست تک وقفے وقفے سے جاری رہنے کا امکان ہے۔ پی ڈی ایم اے نے پہلے ہی سے موسمی صورتحال کے پیش نظر تمام ضلعی انتظامیہ کو پیشگی اقدامات اٹھانے کے لئے مراسلہ ارسال کر دیا تھا۔ پی ڈی ایم اے کی جانب سے تمام متاثر اضلاع میں امدادی سرگرمیاں تیز کرنے اور متاثرین کو فوری ریلیف فراہم کرنے کی ہدایت۔ تما م متعلقہ اداروں کو سیاحتی مقامات پر بند شاہراوں اور رابطہ سٹرکوں  کی بحالی کے لیے تمام وسائل بروئے کار لانے کی ہدایت۔

تمام سیاحوں کو موسمی صورتحال سے آگاہ کرنے اور احتیاطی تدابیر اختیار کرنے کی ہدایت۔ پی ڈی ایم اے ، تمام متعلقہ ادارے ، امدادی ٹیمیں، ضلعی انتظامیہ اور ریسکیو 1122 رابطے میں ہے اور صورتحال پر نظر رکھی ہوئی ہے۔ پی ڈی ایم اے کا ایمرجنسی آپریشن سنٹر مکمل طور پر فعال ہے۔ عوام کسی بھی نا خوشگوار واقعے کی اطلاع ، موسمی صورتحال سے آگائی اور معلومات کے لیے فری ہیلپ لائن 1700 پر رابطہ کریں۔

78 ویں یومِ آزادی پاکستان 14 اگست 2025ء ریسکیو 1122 ضلع مانسہرہ سمیت ملک بھر میں جوش و خروش سے منایا گیا۔مارکۂ حق” اس تاریخی جدوجہد اور قربانیوں کی یاد دلاتی ہیں جن کے نتیجے میں پاکستان دنیا کے نقشے پر ایک آزاد اور خودمختار ریاست کے طور پر ابھرا۔ڈسٹرکٹ ایمرجنسی آفیسر جناب ابرار علی کی قیادت میں مانسہرہ کے تمام ریسکیو سٹیشنز میں 14 اگست کے دن کا آغاز پرچم کشائی سے ہوا اور ریسکیو 1122 کے چاک و چوبند دستوں نے سبز ہلالی پرچم کو سلامی دی۔ اس موقع پر فلیگ مارچ کا انعقاد کیا گیا جس میں  ڈسٹرکٹ ایمرجنسی آفیسر ابرار علی اور  تمام ریسکیو سٹاف ظلعی انتظامیہ  اور مانسہرہ کی عوام نے مِل کر حصہ لیا۔ فلیگ مارچ کا مقصد آزادی کی اہمیت کو اجاگر کرنا اور مِل جُل کر ملک کی تعمیر و ترقی کیلئے کوشش کرنا اور عوام میں  ریسکیو 1122 سروس  کے بارے میں  آگاہ کرنا، تاکہ کسی بھی ایمرجنسی کی صورت میں عوام ریسکیو 1122 کے خدمات حاصل کریں۔بعد ازاں 78 ویں سالگرہ کے خوشی کے موقع  پر ضلعی آفس پودا لگایا اور کیک کاٹا گیا۔

ایبٹ آباد حویلیاں پریس کلب کے زیر اہتمام پاکستان ذندہ باد ریلی ضلعی انتظامیہ تاجر برادری کی بھرپور شرکت،صدر پریس کلب حمادخان،خورشیداعظم، اسسٹنٹ کمشنر حویلیاں سمیرا محسود،الیاس خان جدون نے قیادت کی،شدید بارش کے باوجود ریلی میں سینکڑوں افراد نے بھرپور شرکت کی،ملک بھر کی طرح تحصیل حویلیاں میں یوم آزادی کے حوالے سے متعدد پروگرام منعقد ہوئے سب سے بڑی ریلی حویلیاں پریس کلب کے زیر اہتمام لنگرہ پل سے بائی پاس تک نکالی گئی جس میں درجنوں گاڑیوں موٹر سائیکل سوار شریک تھے ریلی کی قیادت صد پریس کلب حمادخان،صدرایوان تجارت خورشید اعظم خان اسسٹنٹ کمشنر حویلیاں سمیرا محسود،آل ٹریڈرز کھوکھر میرا کے سرپرست حاجی الیاس خان،محمد نبیل عباسی،خاکسارنثاراحمد،حاجی قادربخش،اسفندیار خان اور دیگر کر رہے تھے ریلی نے شدید بارش کے باوجود قومی پرچموں کے ساتھ شاہراہ ریشم سے بائی پاس تک مارچ کیا اور ملک و قوم کی سلامتی کی دعائیں کیں۔

حویلیاں 14 اگست 2025 کو یومِ آزادی پاکستان کے موقع پر تحصیل بار ایسوسی ایشن نے بار روم حویلیاں میں ایک پروقار تقریب کا انعقاد کیا گیا۔ تقریب کی صدارت ایڈیشنل سیشن جج حویلیاں جناب شبیر درانی نے کی، جبکہ صدر تحصیل بار ایسوسی ایشن حویلیاں عبدالر حیم جدون، جنرل سیکرٹری جہانگیر خان جدون، فنانس سیکرٹری ابراہیم خان، سابق صدر چوہدری عتیق، سابق جنرل سیکرٹری، گل ظہیر جدون، رب نواز تنولی سابق صدر، کامران یوسف صاحب، عقیل الرحمن جدون، ایڈووکیٹس سمیت دیگر معزز وکلاء اور جوڈیشل کمپلیکس کے سیکیورٹی اسٹاف نے بھرپور شرکت کی۔تقریب کا آغاز تلاوتِ کلامِ پاک اور قومی ترانے سے ہوا۔ مقررین نے پاکستان کی آزادی کی اہمیت اور قربانیوں کا ذکر کرتے ہوئے ملک کی ترقی، خوشحالی اور عدلیہ کے وقار کو برقرار رکھنے کے عزم کا اظہار کیا۔ تمام شرکاء نے زور دیا کہ ملک میں قانون کی بالادستی پر سختی سے عمل درآمد کیا جائے، کیونکہ رول آف لاء کے بغیر کوئی بھی ملک ترقی نہیں کر سکتا۔تقریب کے اختتام پر یومِ آزادی کا کیک کاٹا گیا، جس میں معزز جج صاحب، وکلاء اور دیگر شرکاء نے حصہ لیا۔ اس موقع پر وطنِ عزیز کی سلامتی، یکجہتی اور امن و امان کے لیے خصوصی دعا بھی کی گئی۔

اہلسنت و الجماعت(سنی سلامتی) کے زیر اہتمام یوم آزادی کے موقع پر شیخ آباد صافی ہاؤس سے ایک بڑی ریلی نکالی گئی جوکہ شہر کے مختلف علاقوں اور شاہراہوں سے ہوتی ہوئی نمک منڈی چوک پر اختتام پذیر ہوئی ریلی میں ہر مکتبہ فکر سے تعلق رکھنے والے افراد نے کثیر تعداد میں شرکت کی ریلی کے شرکاء نے ہاتھوں میں پاکستانی اور پارٹی پرچم اٹھا رکھے تھے جبکہ پاکستان ذندہ باد کے فلک شگاف نعرے بھی لگاتے رہے ریلی کی قیادت پشاور کے قائد قاری فخر عالم زمان صدیقی،حاجی طارق حیدری اور چیئرمین شیخ آباد فضل وہاب صافی کررہے تھے جبکہ تنظیم کے دیگر عہدیدار بھی نے ریلی میں شرکت کی ریلی کے شرکاء سے خطاب کرتے ہوئے مقررین کا کہنا تھا کہ “14 اگست صرف ایک دن نہیں، یہ ہمارے ایمان، قربانی اور حوصلے کی جیتی جاگتی پہچان ہے۔ آج ہم اس عہد کو تازہ کرتے ہیں کہ اپنے پیارے پاکستان کو امن، اتحاد اور ترقی کا مرکز بنائیں گے دریں اثناء ریلی کے اختتام پر ملک و قوم کی سلامتی کیلئے خصوصی دعا بھی کی گئی۔

پاکستان ریلوے پشاور ڈویژن میں یومِ آزادی کی پروقار تقریب کا انعقاد کیاگیا ۔ 78واں یومِ آزادی پاکستان ملی جوش و جذبے کے ساتھ منایا گیا۔ اس سلسلے میں ڈی ایس آفس پشاور میں ایک شاندار اور پروقار تقریب کا انعقاد کیا گیا، جس کے مہمانِ خصوصی ڈویژنل سپرنٹنڈنٹ ریلوے پشاور  فرمان غنی صاحب تھے۔یومِ آزادی کے موقع پر ڈی ایس آفس اور کینٹ ریلوے سٹیشن کو قومی پرچموں اور سبز و سفید جھنڈیوں سے دلکش انداز میں سجایا گیا تھا  تقریب میں ڈویژنل افسران  ریلوے اسٹاف  ریلوے پولیس اور بچوں نے بھرپور شرکت کی۔ ریلوے پولیس کے چاق و چوبند دستے نے سلامی پیش کی ڈی ایس پشاور نے  قومی پرچم لہرایا قومی ترانہ بجایا گیا یوم آزادی کی خوشی میں کیک کاٹا گیا تقریب میں شریک بچوں میں ڈی ایس پشاور سمیت ڈویژنل افسران نے مٹھائی تقسیم کی۔تقریب کے شرکاء سے ڈی ایس پشاور نے اظہار خیال کرتے ہوئے کہنا تھا کہ ہمیں آزادی کی قدر کرنی چاہے وطن عزیز کی حفاظت ہر پاکستانی کا فرض ہے۔ ہمیں محنت، ایمانداری اور اتحاد کے ساتھ اپنے وطن کی ترقی کے لیے کام کرنا ہوگا ۔تقریب کے اختتام پر کلین گرین پاکستان مہم کے تحت ڈی ایس آفس پشاور میں ڈی ایس پشاور نے پودا بھی لگایا اور ملک اور محکمہ ریلوے کی ترقی کے لیے دعائیں کی

عبدالولی خان سپورٹس کمپلکس چارسدہ میں یوم آزادی و معرکہ حق تقریب کے اختتام پر ڈپٹی کمشنر چارسدہ ڈاکٹر عظمت اللہ وزیر نے باچا خان یونیورسٹی چارسدہ میں یوم آزادی اورمعرکہ حق کے موقع پر پرچم کشائی کی تقریب میں بطور مہمان حصوصی شرکت کی۔ اس موقع پر ایڈیشنل ڈپٹی کمشنر سرینہ شہیدسہروردی، وائس چانسلر پروفیسر ڈاکٹر زاہد حسین، لیفٹیننٹ کرنل عمیر حسن پیرزادہ، ڈسٹرکٹ پولیس آفیسر وقاص خان بھی موجود تھے۔ اس موقع پر پرچم کشائی کے موقع پر ایف سی کے چاق و چوبند دستے نے قومی پرچم کو سلامی پیش کی۔ اس موقع پر ڈپٹی کمشنر چارسدہ عظمت اللہ خان نے وزیر نے کہا کہ آج کا دن اس عزم کے دن ہے کہ پوری قوم متحد ہو کر اس پرچم کی تحفظ کو یقینی بنائے گی اورماضی کی طرح ضرورت پڑنے پر اس پرچم کے لئے جانوں کے نذرانے پیش کرے گی ۔

یوم آزادی اور معرکہ حق کے موقع پر قلعہ بالاحصار میں پروقار تقریب منعقد کی گئی۔ ڈی آئی جی ایف سی کے پی نارتھ بریگیڈیئر امیر نواز نے قلعہ بالاحصار میں قومی پرچم لہرایا۔ مزید برآں شہداء کو خراج تحسین پیش کرتے ہوئے یادگار شہداء پر پھولوں کی چادر چڑھائی اور فاتحہ خوانی کی۔ ایف سی کے پی نارتھ کے افسران اور جوانوں نے تقریب میں شرکت کی۔ ایف سی کے پی نارتھ کے چاک و چوبند دستے نے سلامی پیش کی۔ تقریبات کا اختتام حب الوطنی کے فلک شگاف نعروں سے ہوا۔