Malakand Board: The results of 9th and 10th grade will be announced on December 30.

مالاکنڈ بورڈ: نہم و دہم کے نتائج 30 دسمبر کو جاری ہوں گے

مالاکنڈ  ثانوی و اعلیٰ ثانوی تعلیمی بورڈ نے جماعت نہم و دہم (سالانہ و ضمنی) امتحانات 2025 کے نتائج کے اعلان کا شیڈول جاری کر دیا ہے۔ جاری کردہ پریس ریلیز کے مطابق جماعت نہم و دہم کے سالانہ امتحانات 2025 کے نتائج 30 دسمبر 2025 بروز منگل صبح 11 بجے بورڈ کی آفیشل ویب سائٹ پر جاری کیے جائیں گے۔

اعلامیے کے مطابق نتائج بورڈ کی ویب سائٹ www.bisemalakand.edu.pkملاکنڈ بورڈ ریزلٹ کلاس نہم دہم
پر دستیاب ہوں گے، جہاں طلبہ اپنا رول نمبر درج کر کے نتائج دیکھ سکیں گے۔ اس کے علاوہ سکولوں کو ڈی ایم سیز (DMCs) کی سافٹ کاپی پی ڈی ایف فارمیٹ میں فراہم کی جائے گی، جبکہ ہارڈ کاپیز بعد ازاں متعلقہ مراکز سے حاصل کی جا سکیں گی۔

بورڈ انتظامیہ کے مطابق نتائج کے اجرا کے بعد ڈی ایم سیز کی فراہمی کے لیے ون ونڈو آپریشن کے تحت اقدامات کیے جائیں گے تاکہ طلبہ کو بروقت سہولت فراہم کی جا سکے۔

The schedule for Phase Four of the Prime Minister’s Youth Laptop Scheme has been released.

پرائم منسٹر یوتھ لیپ ٹاپ سکیم فیز فور کا شیڈول جاری

پرائم منسٹر یوتھ لیپ ٹاپ اسکیم (فیز 4) کے تحت خیبرپختونخوا اور آزاد کشمیر کی مختلف جامعات میں مقررہ تاریخوں پر منتخب طلبہ و طالبات میں لیپ ٹاپ تقسیم کیے جائیں گے۔ اسکیم کے تحت وہ طلبہ و طالبات لیپ ٹاپ کے اہل ہوں گے جن کا انتخاب پہلے ہی مکمل کیا جا چکا ہے اور جو یونیورسٹیوں کے مختلف تعلیمی پروگراموں میں داخلہ حاصل کر چکے ہیں۔

جاری شیڈول کے مطابق یونیورسٹی آف مالاکنڈ میں لیپ ٹاپ تقسیم کی تقریب 29 دسمبر 2025 بروز پیر منعقد ہوگی، جبکہ یونیورسٹی آف سوات میں لیپ ٹاپ 30 دسمبر 2025 بروز منگل تقسیم کیے جائیں گے۔ اسی طرح یونیورسٹی آف شانگلہ میں 31 دسمبر 2025 بروز بدھ، عبدالولی خان یونیورسٹی مردان میں یکم جنوری 2026 بروز جمعرات اور یونیورسٹی آف پشاور میں 5 جنوری 2026 بروز پیر لیپ ٹاپ تقسیم کیے جائیں گے۔

مزید برآں یونیورسٹی آف پونچھ راولاکوٹ (آزاد کشمیر) میں لیپ ٹاپ تقسیم کی تقریب 7 جنوری 2026 بروز بدھ کو منعقد ہوگی۔

انتظامیہ کے مطابق لیپ ٹاپ تقسیم صرف انہی طلبہ و طالبات میں کی جائے گی جن کا انتخاب پرائم منسٹر یوتھ لیپ ٹاپ اسکیم کے تحت پہلے ہی مکمل ہو چکا ہے۔ اسکیم کا مقصد نوجوانوں کو جدید تعلیمی سہولیات فراہم کر کے ڈیجیٹل تعلیم اور تحقیق کے فروغ کو یقینی بنانا ہے۔

Editorial

عالمی میڈیا میں پاکستان کی کوریج

عقیل یوسفزئی
نیویارک ٹائمز ، واشنگٹن پوسٹ، دی ہندو ٫ فاینانشل ٹائمز اور فارن پالیسی میگزین کے بعد ممتاز برطانوی جریدے “دی ڈپلومیٹ” نے بھی پاکستان کی دفاعی صلاحیت اور سفارتی کامیابیوں پر ایک تفصیلی رپورٹ شائع کی ہے جس میں کہا گیا ہے کہ پاکستان نہ صرف امریکہ اور چین کا اہم اسٹریٹجک پارٹنر بن گیا ہے بلکہ اس نے کامیاب ڈپلومیسی کے ذریعے ایران اور عرب ممالک کے ساتھ متوازن تعلقات قائم کرنے کا تجزیہ بھی کیا ہے ۔
گزشتہ روز شائع ہونے والی رپورٹ میں کہا گیا ہے کہ چیف آف ڈیفنس فورسز جنرل عاصم منیر نے سفارتی اور دفاعی دونوں سطح پر فعال کردار ادا کرتے ہوئے ماضی کی کشیدگی کے برعکس نہ صرف صدر ڈونلڈ ٹرمپ کی قربت حاصل کی بلکہ پاکستان کو بھارت پر سبقت دلاکر خود کو صدر ڈونلڈ ٹرمپ کا پسندیدہ فیلڈ مارشل بھی قرار دیا ۔
رپورٹ کے مطابق پاکستان نے رواں برس جہاں ایک طرف بھارتی بالادستی کو کامیابی کے ساتھ چیلنج کیا وہاں دوسری جانب مڈل ایسٹ میں امریکی خواہش پر اپنے لیے نئے کردار کا تعین بھی کیا اسی کے نتیجے میں پاکستان کا کردار پہلی بار متعدد ممالک کے لئے ناگزیر بنتا دکھائی دیا اور اس تمام صورتحال کے تناظر میں فیلڈ مارشل عاصم منیر ایک اہم شخصیت کے طور پر سامنے آئے ۔
اس سے قبل دیگر متعدد معتبر عالمی اخبارات اور جرائد نے بھی پاکستان اور فیلڈ مارشل عاصم منیر کے بارے میں اسی نوعیت کی رپورٹس شایع کرتے ہوئے 2025 کو پاکستان کے لیے اہم ترین سال قرار دیا جو کہ اس بات کا ثبوت ہے کہ پاکستان علاقائی اور عالمی سطح پر ایک اہم ملک کے طور پر سامنے آیا ہے ۔
دوسری جانب اس قسم کی اطلاعات بھی زیر گردش ہیں کہ سعودی عرب کے بعد یو اے ای ، بنگلہ دیش اور متعدد دیگر ممالک بھی پاکستان کے ساتھ سعودی طرز پر دفاعی معاہدے چاہتے ہیں اور 2026 کے دوران مزید اہم اقدامات اور کامیابیاں متوقع ہیں ۔
اس تمام پس منظر میں اب ضرورت اس بات کی ہے کہ اندرونی سیاسی استحکام پر خصوصی توجہ دی جائے اور ان سیاسی عناصر پر گرفت مزید مضبوط کی جائے جو کہ پاکستان کے اندر انتشار پیدا کرنے کی پالیسی پر گامزن ہیں ۔