ڈپٹی کمشنر ایبٹ آباد کی خصوصی ہدایات پر اسسٹنٹ کمشنر ایبٹ آباد افراسیاب زبیرہندل نے ریلی میں خصوصی شرکت کی. ریلی کا انعقاد ایم سی بی چوک سے پریس کلب ایبٹ آباد تک کیا گیا۔ جس میں شہریوں نے بڑھ چڑھ کر حصہ لیا۔ ریلی میں بڑی تعداد میں شہریوں نے شرکت کی۔ ریلی کے شرکاء نے ملک کی خودمختاری، دفاع پاکستان پر پاک افواج سے یکجہتی کا اظہار کیا اور حالیہ دہشتگردانہ کارروائیوں سمیت اسلامی جمہوریہ ایران کے خلاف بیرونی جارحیت کی شدید مذمت کی۔ ریلی میں منتخب نمائندگان، علمائے کرام، تاجر برادری، وکلاء، طلباء اور نوجوانوں سمیت معاشرے کے مختلف طبقات نے شرکت کی۔
