Daily Archives: March 26, 2026

قبائلی ضلع خیبر کے تمام اقوام سے تعلق رکھنے والے مجموعی طور پر 114 ملک و مشران نے جرگے میں شرکت کی۔ چیف سیکرٹری اور آئی جی ایف سی کے پی نارتھ میجر جنرل راؤ عمران سرتاج سمیت دیگر سرکاری اور فوجی افسران بھی اس موقع پر موجود تھے۔ چیف سیکرٹری نے کہا کہ قبائل کے ساتھ مسلسل مشاورت سے تمام مسائل حل کیے جائیں گے۔ چیف سیکرٹری نے کہا کہ تیراہ میدان میں پولیس، سی ٹی ڈی، سپیشل برانچ کی صلاحیت بڑھانے کا منصوبہ ہے اور تیراہ میدان میں ترقیاتی منصوبے جن میں سڑکوں کی تعمیر، زرعی ترقی، پانی کی فراہمی، سولرائزیشن، تحصیل انتظامیہ کی صلاحیت بڑھانا وغیرہ شامل ہیں جلد شروع کیے جائیں گے۔

چیف سکیرٹری خیبر پختو نخوا کا کہنا تھا 13,500 ٹی ڈی پیز کو معاوضہ ادا کیا گیا ہے جبکہ باقی متاثرین کی ادائیگی جاری ہے۔ اس موقع پر ملک و مشران نے خیبر کے مختلف مسائل پر روشنی ڈالی۔ عمائدین نے کہا کہ عام طور پر خیبر اور خاص طور پر تیراہ میدان کی ترقی کے لیے امن و استحکام کی بحالی ضروری ہے۔ قبائلی عمائدین نے حکومت اور سیکیورٹی فورسز کے ساتھ تعاون کا اعادہ کیا اور حکومت سے اپنے کئے گئے وعدوں کو پورا کرنے کا مطالبہ کیا۔ اپنے اختتامی ریمارکس میں آئی جی ایف سی کے پی نارتھ، میجر جنرل راؤ عمران سرتاج نے کہا کہ کسی کو بھی خیبر خصوصاً تیراہ میدان کے امن و استحکام میں خلل ڈالنے کی اجازت نہیں دی جائے گی۔ آخر میں شرکاء نے آئی جی ایف سی کے پی نارتھ اور چیف سیکرٹری کے پی کا کامیاب جرگے کے انعقاد پر شکریہ ادا کیا۔

طورخم بارڈر ٹرمینل پر غیر قانونی مقیم افراد کی واپسی کے سلسلے میں اہم ہدایات جاری کر دی گئی ہیں، جن کے مطابق ڈیپورٹیشن پراسیس اج صبح 9 بج کر 30 منٹ (پاکستانی وقت) پر باقاعدہ طور پر شروع ہوگا۔ انتظامیہ کے مطابق تمام متعلقہ اداروں بشمول فیڈرل انویسٹی گیشن ایجنسی، پاکستان کسٹمز، نیشنل لاجسٹکس کارپوریشن اور نادرا کو ہدایت کی گئی ہے کہ وہ اپنے اپنے مقامات پر تمام سسٹمز مکمل طور پر فعال رکھیں۔

۔ تمام عملہ صبح 9 بجے تک آن گراؤنڈ موجود ہوگا اور ہر صورت مکمل سیٹ اپ یقینی بنایا جائے گا۔ حکام کے مطابق تمام ادارے صبح 9 بجے تک سیکورٹی حکام طورخم کو اپنی “ریڈی اسٹیٹس” رپورٹ کریں گے، جسے لازمی قرار دیا گیا ہے۔ مزید برآں این ایل سی، ایف آئی اے اور کسٹمز کو ہدایت کی گئی ہے کہ وہ ٹرکوں کی آمد و رفت کے انتظامات ہر صورت مکمل کریں اور اپنے متعلقہ سینئر افسران سے باضابطہ اجازت لے کر سسٹمز کی بحالی اور تیاری کی تصدیق کریں۔ اجازت نامے متعلقہ اداروں کے آفیشل چینلز کے ذریعے حاصل کیے جائیں گے۔

اعلامیے کے مطابق آئی ایف آر پی کے تحت ڈیپورٹ ٹرکس کل روانہ نہیں ہوں گے بلکہ ٹرکوں کی نقل و حرکت پرسوں سے شروع کی جائے گی۔ کسٹمز اور این ایل سی حکام کو ہدایت کی گئی ہے کہ تمام سویلین ٹرانسپورٹرز کو بروقت آگاہ کیا جائے تاکہ وہ کل ٹرک لے کر نہ آئیں۔ سکیورٹی انتظامات کے تحت طورخم کے مقام پر مکمل کرفیو نافذ رہے گا۔ طورخم بارڈر ٹرمینل کے اطراف باچا مینا، مچنی اور گرد و نواح سے کسی بھی قسم کی سویلین نقل و حرکت کی اجازت نہیں ہوگی جبکہ زیرو لائن کو ہر قسم کے مقامی افراد کے لیے مکمل طور پر بند رکھا جائے گا۔ پولیس حکام بشمول SHO لنڈی کوتل، اے ایس آئیز اور دیگر اہلکار اس امر کو یقینی بنائیں گے کہ کوئی سویلین، مزدور یا غیر متعلقہ شخص علاقے میں داخل نہ ہو، تمام دکانیں بند رہیں اور کرفیو اس وقت تک برقرار رکھا جائے جب تک سیکورٹی حکام طورخم کی جانب سے کلیئرنس جاری نہ ہو۔

حکام کے مطابق صرف حمزہ بابا کیمپ سے آنے والے ڈیپورٹیز کو کنٹرولڈ انداز میں زیرو لائن تک لایا جائے گا اور سرحد پار کرائی جائے گی۔ مزید ہدایت کی گئی ہے کہ نیشنل لاجسٹکس کارپوریشن بجلی اور انٹرنیٹ کی بلاتعطل فراہمی یقینی بنائے تاکہ آئی ایف آر پی عمل میں کسی قسم کی رکاوٹ یا تاخیر نہ ہو۔ حکام نے واضح کیا ہے کہ اگر صبح 9 بجے تک مکمل تیاری نہ ہوئی تو کسی بھی تاخیر کی ذمہ داری متعلقہ ادارے پر عائد ہوگی۔

گورنرخیبرپختونخوا کو زونل ہیڈنارتھ شیخ اشفاق احمد اور زونل ہیڈ ساؤتھ فیض الحسن کیجانب سے صوبہ میں امیگریشن اینڈ پاسپورٹ دفاتر کی مجموعی کارکردگی پر بریفنگ دی گئی۔ صوبہ میں پاسپورٹ اینڈ امیگریشن آفس کے تحت شمالی اور جنوبی 2 زونز پر مشتمل خدمات فراہم کی جا رہی ہیں۔ خیبر پختونخوا میں ڈی آئی خان سمیت 5 ریجنل پاسپورٹ دفاتر موجود ہیں۔ ڈی آئی خان زون میں 15 جبکہ پشاور زون کے مختلف اضلاع میں 24 پاسپورٹ دفاتر سے خدمات فراہم کی جا رہی ہیں۔ گورنر خیبرپختونخوا کو ریجنل پاسپورٹ آفس ڈی آئی خان کی آپ گریڈیشن پر بھی بریفنگ دی گئی۔ گورنر خیبرپختونخوا کو صوبہ کے عوام کو پاسپورٹ کی مد میں فراہم کیجانیوالی آن لائین، ون ونڈو آپریشن، لیگل فریم ورک سمیت پاسپورٹ کے اجراء کی فیس سمیت تمام مراحل پر تفصیلی بریفنگ بھی دی گئی۔ گورنر خیبرپختونخوا کا خیبرپختونخوا میں ریجنل پاسپورٹ آفسز کی تعداد بڑھانے کیلئے محکمہ داخلہ سے معاملہ اٹھانے کی ہدایت۔

گورنرخیبرپختونخوا کا کہنا تھا خیبرپختونخوا میں آبادی کے تناسب سے عوام کو مزید سہولیات فراہمی کیلئے ریجنل پاسپورٹ آفسز کی تعداد بڑھانا ناگزیر ہے۔ گورنر خیبرپختونخوا کا نئے ضلع پہاڑ پور ریجنل پاسپورٹ آفس اور تحصیل پہاڑ پور میں بھی پاسپورٹ دفتر کے قیام کیلئے معاملہ وزارت داخلہ کیساتھ اٹھانے کی ہدایت۔ گورنر خیبرپختونخوا نے صوبہ میں جدید سہولیات پر مبنی پاسپورٹ سے متعلق خدمات کی فراہمی پر ساؤتھ اور نارتھ زونز کی کارکردگی کو سراہا۔ خیبرپختونخوا کے عوام کی بڑی تعداد سمندر پار ممالک میں مقیم ہے۔ صوبہ سے لاکھوں افراد عمرہ اور زیارات کیلئے سعودی عرب، عراق، ایران اور شام کا سفر کرتے ہیں۔ خیبرپختونخوا کے عوام کو پاسپورٹ کے اجراء، تجدید جیسے معاملات کا کو مزید سہل بنانے کی ضرورت ہے۔