خیبر پختونخوا ریپروڈکٹو ہیلتھ کیئر ایکٹ 2020ء پر ایک روزہ سیمینار’یو این ایف پی اے’ (UNFPA) ورک پلان 2026ء کے تحت نوشہرہ میں منعقد ہوا۔ سیمینار میں ڈسٹرکٹ ہیلتھ آفیسر نوشہرہ جناب ڈاکٹر محمد اکرام شاہ، ایڈیشنل ڈپٹی کمشنر اعجاز اختر صاحب، ڈسٹرکٹ یوتھ آفیسر، محکمہ بہبودِ آبادی ضلع نوشہرہ کے افسران و اہلکاروں اور ترقیاتی شراکت داروں کے نمائندوں نے شرکت کی۔ سیمینار کا آغاز ڈسٹرکٹ پاپولیشن ویلفیئر آفیسر نوشہرہ جناب فہد سرور کے خیرمقدمی خطاب سے ہوا، جنہوں نے تمام شرکاء کو خوش آمدید کہا اور ‘آبادی میں اضافے سے متعلق قومی بیانیے’ پر تفصیلی بریفنگ دیتے ہوئے متوازن آبادی میں اضافے کی اہمیت اور پائیدار ترقی کے لیے مشترکہ کوششوں پر زور دیا۔
سابق سیکرٹری محکمہ بہبودِ آبادی جناب اصغر علی نے خیبر پختونخوا ریپروڈکٹو ہیلتھ کیئر ایکٹ 2020ء پر ایک جامع پریزنٹیشن دی۔ انہوں نے ایکٹ کے مقاصد، اہم شقوں اور افادیت پر روشنی ڈالی، بالخصوص صوبے بھر میں معیاری ریپروڈکٹو ہیلتھ کیئر خدمات تک رسائی یقینی بنانے کے حوالے سے تفصیلات پیش کیں۔ اپنے خطاب میں ایڈیشنل ڈائریکٹر جنرل، محکمہ بہبودِ آبادی جناب نوشیروان نے اس بات پر زور دیا کہ ریپروڈکٹو ہیلتھ کیئر ایکٹ 2020ء ایک سنگِ میل اقدام ہے جس کا مقصد خیبر پختونخوا میں تولیدی حقوق کا تحفظ، خاندانی منصوبہ بندی کا فروغ اور ماں و بچے کی صحت کے اشاریوں کو بہتر بنانا ہے۔ انہوں نے ایکٹ کے مؤثر نفاذ اور پائیدار آبادی کی دیکھ بھال اور صحت کے بہتر نتائج حاصل کرنے کے لیے متعلقہ اسٹیک ہولڈرز کے مابین باہمی ربط و تعاون کی اہمیت کو اجاگر کیا۔ سیمینار کے اختتام پر ایڈیشنل ڈائریکٹر جنرل نے ڈسٹرکٹ پاپولیشن ویلفیئر آفیسر نوشہرہ، شریک افسران و اہلکاروں، ترقیاتی شراکت داروں اور تمام منتظمین کا تقریب کو کامیاب بنانے میں ان کی قیمتی کاوشوں اور فعال شرکت پر شکریہ ادا کیا۔ انہوں نے سیکرٹری محکمہ بہبودِ آبادی خیبر پختونخوا ڈاکٹر انیلہ محفوظ درانی اور معاونِ خصوصی برائے وزیراعلیٰ بہبودِ آبادی جناب طفیل انجم کی جانب سے بھی تحسین کا پیغام پہنچایا۔
خیبر پختونخوا میں غیر معیاری خوراک کیخلاف کریک ڈاؤن
خیبر پختونخوا میں غیر معیاری خوراک کیخلاف کارروائیاں جاری۔ معاون خصوصی برائے خوراک کی ہدایات پر صوبہ بھر میں ملاوٹ اور غیر معیاری خوراک کے خلاف فوڈ سیفٹی ٹیموں کا پشاور، نوشہرہ اور سوات میں مختلف فوڈ یونٹسکا معائنہ کیا۔ پشاور میں چارسدہ روڈ پر مصالحہ جات بنانے والی یونٹ پر، تقریباً 1,200 کلوگرام چوکربرآمد کرکے ضبط۔ فوڈ سیفٹی قوانین کی خلاف ورزی پر مصالحہ جات یونٹ سیل، مزید قانونی کارروائی شروع۔ سوات میں ڈائریکٹر آپریشنز کی نگرانی میں پاپس اور نمکو بنانے والے کارخانوں کا معائنہ۔ پروڈکشن، اسٹوریج اور پیکجنگ یونٹس میں فوڈ سیفٹی و حفظانِ صحت کے اصولوں کا جائزہ لیا گیا۔ صفائی کی ناقص صورتحال اور فوڈ سیفٹی قوانین کی خلاف ورزی پر متعلقہ یونٹس پر جرمانے۔
سوات میں موبائل فوڈ ٹیسٹنگ لیبارٹری سے دودھ کے نمونوں کی موقع پر ٹیسٹنگ کی گئی۔ سکمڈ ملک پاؤڈر کی ملاوٹ ثابت ہونے پر 1,000 لیٹر غیر معیاری دودھ تلف۔ نوشہرہ میں بھی فوڈ سیفٹی ٹیموںنے مختلف علاقوں کے انسپکشنزکئے۔ کارروائی کے دوران 80 کلوگرام مضر صحت چکن پارٹس اور 1,200 لیٹر غیر معیاری مشروبات تلف۔ نوشہرہ میں 115 کارٹن مشروبات قبضے میں لے کر جرمانے عائد، مزید قانونی کارروائی شروع کر دی گئی ہیں۔ فوڈ سیفٹی قوانین کی خلاف ورزی کسی صورت برداشت نہیں کی جائے گی۔
مردان کاٹلنگ میں ہیٹ ویو پریوینشن کیمپ فعال
مردان کاٹلنگ میں ہیٹ ویو پریوینشن کیمپ فعال ایڈیشنل اسسٹنٹ کمشنر کاٹلنگ کی نگرانی میں شدید گرمی کے ممکنہ اثرات سے شہریوں کو محفوظ رکھنے کے لیے ہیٹ ویو پریوینشن کیمپ کا معائنہ کیا گیا۔ کیمپ میں شہریوں کو گرمی سے بچاؤ کے حوالے سے ضروری رہنمائی اور معاونت فراہم کی جا رہی ہے، جبکہ متعلقہ عملہ شہریوں کی سہولت کے لیے موجود ہے۔ ضلعی انتظامیہ مردان کی جانب سے شہریوں کے تحفظ کے لیے اہم اور مصروف مقامات پر قائم ہیٹ ویو کیمپس کی فعالیت اور سہولیات کی مسلسل نگرانی جاری ہے۔