وصال محمد خان
پاکستان کئی دہائیوں سے دہشت گردی کاسامناکررہاہے ۔بزدل دہشت گرداکثروبیشترعوامی مقامات مساجد،مدارس ،سکولوں،ہسپتالوں ، پبلک ٹرانسپورٹ اوربازاروں کونشانہ بناتے ہیں ،سیکیورٹی فورسزکے قافلوں اورتنصیبات پرحملے کئے جاتے ہیں معصوم اوربے گناہ انسانوں کو ناکردہ گناہوں کی سزادی جاتی ہے اوران کاخون بہایاجاتاہے ۔بے گناہ انسانوں کاخون بہانے والے چاہے کسی بھی روپ میں ہوں قابل مذمت ہیں اورانہیں کھل کرعوام کی جان ومال سے کھیلنے کی اجازت نہیں دی جاسکتی ۔ دہشت گردوں کی پشت پرچونکہ پاکستان دشمن قوتیں موجودہیں اس لئے یہ دیدہ دلیری سے خون کی ہولی کھیلتے ہیں ۔بیرونی قوتوں کی ایماء پریہ دہشت گرد کوئی کارروائی شروع کردیتے ہیں مگراسے منطقی انجام تک پاک فوج اورسیکیورٹی ادارے پہنچاتے ہیں۔
ان بے غیرت دہشت گردوں کاکوئی بزدلانہ حملہ کبھی کامیاب نہ رہااگرخونریزی کی دلدادہ قوتیں کامیابی حملے کرنے اوربے گناہوں کاخون بہانے کوسمجھتے ہیں تویہ مذموم کامیابی انہیں ضرورحاصل ہوجاتی ہے مگرانہیں بہت جلدذلت آمیز شکست کاسامنابھی کرناپڑتاہے ۔کوئٹہ سے پشاورجانے والی ٹرین جعفرایکسپریس پردہشت گردوں کاناکام حملہ اس بات کا ثبوت ہے کہ اب پاکستانی سیکیورٹی ادارے ہمہ وقت چوکس ہیں اوروہ کسی بھی حملے پرفوری رسپانس دیتے ہیں ۔جعفرایکسپر یس حملے میں 33 دہشت گردوں نے حصہ لیاجنہیں پاک فوج کے جوانوں نے جہنم واصل کیااورانکے قبضے سے چارسوکے قریب افرادکو بحفاظت بازیاب کرالیا گیا ۔
سیکیورٹی فورسزکے پہنچنے سے قبل دہشت گردوں نے 21مسافروں کوشہیدکیاتھاسیکیورٹی فورسزکے جوانو ں نے جانیں ہتھیلی پررکھ کر شر پسند عناصر کامقابلہ کیا۔اس دوران 4جوانوں نے جام شہادت نوش کرکے مادروطن پرقربان ہوگئے ۔جعفر ایکسپر یس پر حملے کے واقعے سے واضح ہواکہ اب پاکستانی سیکیورٹی ادارے ہمہ وقت چوکس رہتے ہیں اور کوئی مذموم کارروائی ملک کے کسی دور دراز علاقے میں کیوں نہ ہو پاک فوج کے جوان ملک وقوم کی حفاظت کیلئے کوئیک رسپانس دیتے ہیں اورفوری پہنچتے ہیں ۔ڈی جی آئی ایس پی آرکے مطابق‘‘ جعفر ایکسپر یس میں440افرادسوارتھے،آپریشن میں ایس ایس جی اورائیرفورس پولیس نے حصہ لیا،پہلے مرحلے میں خود کش حملہ آوروں کونشانہ بنایا گیا ، معصوم جانوں کی حفاظت کیلئے آپریشن میں مہارت اوراحتیاط کامظاہرہ کیاگیا،دہشت گردوں میں خودکش بمبار بھی شامل تھے جنہوں نے خواتین اوربچوں کوبطورانسانی ڈھال استعمال کرنیکی مذموم کوشش کی ،دہشت گردوں نے یرغمال مسافروں کو ٹولیوں میں تقسیم کیاتھا،فوجی جوانوں نے آپریشن کے بعدبازیاب مسافروں کومحفوظ مقام پرمنتقل کیاجبکہ انکی مہارت سے ایک بھی خوکش حملہ آورکوپھٹنے کاموقع نہیں دیا گیا’’ ۔
جعفرایکسپریس پرحملے اوراسکے خلاف ہونے والے کامیاب آپریشن سے واضح ہواکہ پاک فوج کسی بھی جارحیت یابزدلانہ حملے کامنہ توڑجواب دینے کی صلاحیت رکھتی ہے اوریہ پہلے بھی کئی مواقع پرثابت شدہ حقیقت ہے جس کا کسی اور کوہونہ ہو بھارت کوبخوبی اندازہ ہوچکاہے جب بھی اسکے جنگی جہازوں نے پاکستان کارخ کیاانہیں یاتوہوامیں ہی تباہ کردیاگیایاقیدی بنا کر زمین پر اتارلیاگیا۔پاک فوج کی جنگی مہارت اورجذبہء ایمانی کے سبب بھارت کھل کرپاکستان پرحملہ کرنیکی جرات نہیں کرسکتااسلئے وہ دہشت گردوں کی مالی معاونت کر کے اورانہیں اسلحہ وتربیت فراہم کرکے اپنے مذموم مقاصدکی تکمیل کیلئے کوشاں ہے ۔
جعفرایکسپریس حملے کے دوران بھارتی میڈیاکے غلیظ کردارسے یہی ثابت ہواکہ حملے کی ناکامی سے انتہاپسندہندوؤں کے ہاں صف ماتم بچھ چکی ہے ۔بدقسمتی سے پاکستان کے اندر عاقبت نااندیشوں کا ایک سیاسی گروہ بھی ملک دشمنوں اوردہشت گردوں کی زبان بول رہاہے ۔یہ سیاسی طبقہ ماضی میں دہشت گردوں کی سہولت کاری کرچکاہے اوراسی کے سبب ان گنت بھگوڑے دہشت گردپاکستان میں آکرآبادہوئے جواب یہاں ہونے والے حملوں میں یاتو براہ راست حصہ لیتے ہیں یاپھرحملہ آوروں کی سہولت کاری کرتے ہیں ۔اس سیاسی گروہ اوردہشت گردوں میں زیادہ فرق نہیں کیونکہ دہشت گردبے گناہ ،معصوم اورپرامن شہریوں پرحملے کرتے ہیں جبکہ سیاست کالبادہ اوڑھے دہشت گردگروہ ان کی کامیابی کیلئے دعاگورہتا ہے ۔جعفرایکسپریس پرحملے کے دوران پی ٹی آئی سوشل میڈیا اکاؤ نٹس سے جس قسم کاموادشیئرکیاگیایاڈھکے چپے اورکھلے ڈھلے الفاظ میں دہشت گردحملوں کیلئے جوجوازپیش کئے گئے یہ قابل مذمت فعل ہے ۔
ریاست کو اپنے شہریوں کی حفاظت یقینی بنانے کے سا تھ ساتھ سیاسی نقاب پوش دہشت گردوں کابھی قلع قمع کرنے کی ضرورت ہے ۔یہ عمل کسی صورت قابل قبول نہیں کہ ملکی تنصیبات پردہشت گردحملے کریں ،پرامن اورمعصوم شہریوں کے خون سے ہولی کھیلی جائے اورایک سیاسی دہشت گردگروہ اس دوران فوج کوتنقیدکانشانہ بنائے اوراس کامورال گرانے کی مذموم کوشش کرے ۔حکومت کوچاہئے کہ جعفر ایکسپریس حملے کے دوران پی ٹی آئی کے سوشل میڈیا اکاؤ نٹس سے فوج اورریاست کے خلاف جوزہراگلاگیا،فوج کوتنقید کا نشانہ بنایاگیایااس کامورال گرانے کی مذموم کوشش ہوئی انمیں ملوث تمام افراد کو چاہے یہ بیرون ملک مقیم ہوں یااندرون ملک ،ٹریس کرکے پیکایاجوبھی قانون موجودہواسکے تحت سخت سے سخت سزادی جائے ۔
جعفر ایکسپر یس حملے کوناکام بنانے اوردہشت گردوں کافوری اورمؤثر مقابلہ کرنے پرپاک فوج کے جوان خراج تحسین کے مستحق ہیں ملک وقوم کی حفا ظت اورسربلندی کی خاطرجانوں کے نذرانے پیش کرنے والے قومی ہیروہیں پوری قوم اپنے شہدااورغازیوں کے شانہ بشانہ کھڑی ہے۔ انکی قربانیوں کوخراج تحسین اور سلام پیش کرتی ہے اوردشمن کوپیغام ہے کہ پاکستان مندرکاکوئی گھنٹانہیں جسے کوئی بھی آکربجادے ۔ سانحہ جعفرایکسپریس سے ریاست، قوم اورفوج کے ارادے مزیدپختہ ہوئے ہیں۔انسانیت کے دشمن اورخونریزی کے دلدادہ خوارج اپنی مذموم کارروائیوں سے بازآجائیں ورنہ یہ مزیدذلتیں سمیٹیں گے انکی ذلت آمیز شکست اوررسوائی نوشتہء دیوارہے ۔
