پشاور کے سکولز میں یوم دفاع و شہداء تقاریب
یوم دفاع و شہداء کی مناسبت سے پشاور کے مختلف سکولز بشمول حراء پبلک سکول، پبلک سکول درمنگی، سپیریئر کالج حیات آباد، کیڈٹ سکول ہشتنگری، چلڈرن سکول حیات آباد، الائیڈ سکول، اقرا پب
لک سکول وارسک روڈ، اسلامک پبلک سکول اور اسلامیہ
پبلک سکول فقیر کلے میں خصوصی تقاریب کا انعقاد کیا گیا۔
تقاریب میں پاک فوج کے افسران اور جوانوں نے شرکت کر کے طلباء و طالبات کی حوصلہ افزائی کی۔ بچوں نے پاک فوج کے ساتھ مل کر پرچم کشائی کی اور ملکی سلامتی کے لیے اجتماعی دعائیں
کیں۔
طلباء و طالبات نے ملی جذبے سے بھرپور نغمات اور خوبصورت ٹیبلوز پیش کر کے اپنی تخلیقی صلاحیتوں کا مظاہرہ کیا۔ طالبہ کی شاندار پرفارمنس کو خصوصی طور پر سراہا گیا جس میں حب الوطنی اور تخلیقی صلاحیتیں نمایاں طور پر دیکھی گئیں۔
تقاریب کا اختتام نمایاں کارکردگی دکھانے والے طلبہ و طالبات میں انعامات کی تقسیم اور پاکستان زندہ باد کے فلک شگاف نعروں کے ساتھ ہوا۔
