گزشتہ شب شدید گرج چمک کے ساتھ ہونے والی بارشوں کے نتیجے میں چترال کے علاقوں بلپھوک غوریر اور مارخور ویو پوائنٹ نالے میں فلش فلڈ آیا جس سے چترال گرم چشمہ روڈ متاثر ہوا۔

سیلابی ریلوں کے باعث روڈ کے دونوں اطراف مسافر گاڑیاں پھنس گئیں۔ ڈسٹرکٹ انتظامیہ، این ایچ اے، سی اینڈ ڈبلیو، چترال لیویز اور ریسکیو 1122 کی ٹیمیں متاثرہ مقامات پر امدادی سرگرمیوں میں مصروف ہیں۔ ریسکیو اہلکار مریضوں اور مسافروں کو محفوظ مقامات تک منتقل کر رہے ہیں۔

ریسکیو 1122 کے ترجمان بلال احمد فیضی کے مطابق فلش فلڈ میں دو 4×4 جیپ گاڑیاں بہہ گئیں، تاہم تاحال کسی جانی نقصان کی اطلاع نہیں ملی ہے۔