سرٹیفائیڈ سورج مکھی پھول کے تخم خیبر کے 300 زمینداروں میں تقسیم

پاکستان کے سب سے اچھے کمپنی کے سرٹیفائیڈ سورج مکھی پھول کے تخم خیبر کے 300 زمینداروں میں تقسیم کئے جا رہے ہیں، جس سے 300 ایکڑ زمین پر کاشت کرکے فی ایکڑ 12 من تک اعلیٰ قسم کے تخم حاصل کیئے جاسکے گے، ممبر قومی اسمبلی اقبال آفریدی۔ یو ایس ایڈ کے ایکنامک ریکوری اینڈ ایگریکلچر ڈیویلپمنٹ ایکٹیویٹیز (ERADA) آرگنائزیشن کے مالی تعاون سے اس پروگرام کے تقریب کے موقع پر ڈسٹرکٹ ڈائریکٹر ایگریکلچر ضیاء السلام، انسپکٹر زراعت شفقت علی، ایگریکلچر آفیسر شرافت خان اور پی ٹی آئی کے خان عالم اور صابر آفریدی سمیت کثیر تعداد میں زمینداروں نے شرکت کی۔ باڑہ میں ایگریکلچر ایکسٹینشن پروگرام کے دفتر میں زمینداروں کو سورج مکھی پھول کے تخم کی تقسیم کے موقع پر تقریب سے خطاب کرتے ہوئے ایم این اے اقبال آفریدی نے کہا کہ موسمیاتی تبدیلی میں موسمی تغیرات کے پیش نظر مئی تا ستمبر تک قابل کاشت ہے جس سے خیبر کے 300 خاندانوں پر مشتمل ہزاروں افراد کے روزگار کا باعث بنے گا۔ انہوں نے کہا کہ اس سے کھانے کے لیے اعلیٰ قسم کا تیل نکلتا ہےجو دل کے شریانوں کے لئے مفید ہے اور دوسری طرف ملک کی معیشت بہتر ہو جائے گی کیونکہ ہم ایک بڑی رقم تیل کی درآمد پر لگاتے ہیں جس سے زرمبادلہ میں بہتری آئے گی۔ انہوں نے مزید کہا کہ پاکستان تحریک انصاف کا یہی مشن تھا اور ہے کہ پاکستان کے عوام کو روزگار دے کر ان کے تعلیمی اور صحت کے مسائل بھی حل ہو سکے۔ انہوں نے کہا کہ جب ایک خاندان معاشی طور پر مستحکم ہوگا تو ملک و قوم بھی ترقی کرے گا اور تعلیم کی شرح بھی زیادہ ہوگی جس سے خوشحالی اور امن رہے گا۔ محکمہ زراعت توسیع کے مطابق ایک بیگ میں اعلیٰ کوالٹی کے سورج مکھی کے دو کلو تخم ہیں جس سے ایک ایکڑ زمین پر کاشت کرنے سے 12 من فصل حاصل کیا جاسکتا ہے جس سےفی من تقریباً 22 لیٹر اعلیٰ کوالٹی کےما تیل حاصل کیا جاسکتا ہے۔ انہوں نے کہا کہ یو ایس ایڈ کے ایرڈا پروگرام کے تحت خیبر کے زمینداروں کو بہت سہولیات حاصل ہیں جس کی وجہ سے سینکڑوں ایکڑ پر فصل کاشت کرکے ہزاروں افراد کو حلال رزق حاصل ہے۔